VOV4.Sêdang - Kong pơlê Dak Lak dế nôkố ai vâ chê 800 rơpâu to chu, cho kong pơlê ki ai hên khu chu má môi tung kơpong Tây Nguyên.

Pơtâng hnê 'na tơdroăng hbrâ mơdât pơreăng châi klêa chu 

Vâ hbrâ mơdât tơdroăng ki xông tâ tú dêi pơreăng châi klêa chu châu Phi tung kong pơlê kố, mê Vi [an hnê ngăn kong pơlê Dak Lak hiăng chêh tối, pơtroh hên khu hlá mơ-éa, mơ’no pêi pro mâu tơdroăng cheăng ki vâ hbrâ, rơnáu, mơdât pơreăng; tơru\m cheăng [ă khu pơlât  mơnăn dêi Kơpong 5 mơjiâng khu ki lăm séa ngăn, hnê tối kuăn pơlê hbrâ rơnáu tơdroăng mơdât pơreăng châ tú, athế rak vế, pêi pro tro tiô luât.

Xôh pơkeăng kơdê pơreăng a mâu hngêi kơchơ ki tê mơdró hơ'nêh chu

Kong pơlê Dak Lak hiăng mơjiâng môi khu ki lăm pêi cheăng tơdrêng, kô re\ng lăm chu troh a mâu tơring, cheăm drêng ai pơreăng tâ tú; mâu hngêi pơkeăng pơlât mơnăn xuân đi đo séa ngăn rơxế ki chơ, pơto chu lo ing mâu kong pơlê peăng kơnho\ng mot tung mâu kong pơlê peăng Hdroh, tơkâ luâ kong pơlê.

Nhat Lisa tơplôu [ă tơbleăng