VOV4.Sêdang - Pêi pro tiô tơdroăng ‘’Chôu plâi tơnêi hơnăm 2019) a kơmăng kố lơ 30 khế 3, mâu hâi hiăng luâ, mâu khu tơru\m [ă kuăn pơlê Dak Lak hiăng ai hên tơdroăng pêi pro troh tơdroăng kố, môi tiah: tơku\m po mitting, mơhno túa le\m tro, hơdruê xoâng, prôk pơtăng a troăng tối tơbleăng xúa on tơhrik kơd^ng [ă hên ki ê.

Pơxá ‘’Kơd^ng on tơhrik, rak vế plâi tơnêi’’, sap ing apoăng khế 3, Khu pơkuâ ngăn on tơhrik Dak Lak hiăng mơdêk tơdroăng cheăng tối tơbleăng. Mơhnhôk mâu rơxông kuăn pơlê, mâu kơ koan, khu tơru\m, hngêi trung hriâm, khu mơdró kâ, mâu rơpo\ng kuăn pơlê, kơpong kuăn pơlê rêh ối pêi pro tiô kơ tơdroăng ki xúa on tơhrik kơd^ng.

Tơdrêng amê hnối tối tơbleăng rak vế tơnêi tơníu, kong prâi, rak ngăn loăng ngiât, pâ on ki ‘no [â eăng drêng ôh tá kal a mâu kơpong ki rêh ối tơdjuôm, rơpo\ng hngêi krê vâ pêi pro troh tơdroăng ‘’Chôu plâi tơnêi hơnăm 2019’’.

Malối, khu sinh viên, hok tro hiăng pêi pro tơdroăng ki kố tiô túa ki hriăn ngăn pêi pro mâu troăng hơlâ kơd^ng on tơhrik, xúa mâu on tơhrik ki nếo tơtro [ă kong prâi, mâu troăng hơlâ ‘na tơdroăng ki kong prâi hơ’lêh.

Katarina Nga tơplôu [ă tơbleăng