VOV4.Sêdang - Tiô Khu hnê mơhno hbrâ ví khía mơhot têa kân lân lu kong pơlê Dak Lak, tơdjâk dêi khía mơhot rôh má 5 ƀă khía rơnó Tây Nam mâu hâi hdrối kố nah têa hiăng lân lu ó a mâu tơring, cheăm ƀă pro kĭng têa krông tơhnah tơhnâp ối tung troăng mot tung cheăm Nam Ka, Ea Rbin. Tơring Lak. Kong pơlê hiăng hnê mơhno mâu kơvâ cheăng, tơring, cheăm mơdêk tâ nếo mâu troăng hơlâ hbrâ rơnáu vâ hbrâ ví ƀă kong mê khía mơhot, malối cho tung pơla ai pơreăng covid-19 dế tâ tú rơ-iêo, rak tơniăn châ chăn ƀă kơdroh tơdroăng ki tơ’nhiê kế tơmeăm dêi kuăn pơlê.

Dak Lak hbrâ rơví ƀă kong mê khía mơhot têa lân lu tung pơla ai pơreăng Covid-19 tâ tú rơ-iêo

Mâu tíu pêi cheăng, kong pơlê séa ngăn, ‘mot tơ’nôm mâu túa pơkâ hbrâ ví ƀă kong mê khía mơhot têa kân lân lu ăm tơtro ƀă tơdroăng ki ai khât tiô pơkâ 4 tơdrêng, malối cho a mâu tíu ki xiâm ‘na têa lân lu, mơni kô tro têa lân lu tơhnah tơhnâp tơnêi. Khu hnê mơhno cheăng hbrâ ví khía mơhot têa kân lân lu ƀă tí tăng tŏng xo mâu ngế hliăng tiâ Dak Lak ăm ‘nâi, kong pơlê hiăng pơtroh 180 khu ki djâ troăng ahdrối a a pơlê cheăm vâ rĕng veăng kum drêng ai tơdroăng xía vâ.

Katarina Nga tơplôu ƀă tơbleăng