VOV4.Sêdang - Kơxêi lơ 9 khế 4, a pơlê kong kơdrâm Buôn Ma Thuột, kong pơlê Dak Lak hiăng po hneăng hôp tơpui tơno hnê mơhno hnoăng cheăng dêi tơnêi têa ‘na pơkâ [ă rak vế mơnhông mơdêk pêt kong sap hơnăm 2011 troh hơnăm 2020. Pôa Hoàng Trung Hải, Ngế pro xiâm pho\ hnê ngăn tơnêi, kăn hnê mơhno pơkuâ hneăng hôp. Tiu tối tơbleăng dêi Khu xiâm ngăn ‘na pêi chêk deăng mơnhông mơdêk thôn pơlê, hơnăm 2014, kơxo# mơngế ki pro xôi luât rak ngăn kong kơdroh 6% tâng vâ pơchông [ă hơnăm hdrối, pak^ng mê, tơdroăng cheăng xing xoăng rak ngăn kong xuân krá tơniăn tâ. Lâp tơnêi têa hiăng pêt kong tơku\m châ lối 220 rơpâu hecta, 60 rơtuh khu loăng tơprâ, hdró rak ngăn vâ chê 380 rơpâu hectar kong. Ki pơxúa dêi loăng tê ăm kong têa ê châ lối 6 rơtal 500 rơtuh dollar Mih. Mơhé tiah mê, mâu tơdroăng ki xahpá, tơvâ tơvân xua ai khu ‘mêi tong ko loăng xuân u ối, tung mê, tơdroăng pro xôi luât xuân u-ối rơ-iêu, tơdroăng pêt kong hơ’lêh a mâu tơdroăng pơkâ hiăng xúa tơnêi kong, hâi ai tiu tơdroăng púi vâ [ă malối cho tơnêi kong, klêi séa ngăn nếo achê kố kơdroh lối hên, tơdjâk troh tơdroăng pơkâ mơnhông mơdêk cheăng kâ-rêh ối dêi mâu kong pơlê. Tơnêi kong dêi Tây Nguyên kơ’nâi séa ngăn ai 2 rơtuh 567 rơpâu hecta, kơdroh vâ chê 360 rơpâu hecta tâng vâ pơchông [ă séa ngăn hơnăm 2008.  Ki xiâm xua hơ’lêh kong vâ pêi tơdroăng pơkâ pêt kơxu, pêt loăng plâi ki ê, [ă mơjiâng pro mâu tơmeăm khoăng hngêi kơmăi on tơhrik, rơchôa, troăng prôk. Pak^ng tơdroăng cheăng dêi mâu kơ koan, tíu pêi cheăng ối hên tơdroăng ki hâi tro, xua Tây Nguyên dế trâm hên tơdroăng pá ki kuăn pơlê prôk ối hmâng vâ hâi châ to\ng kum tu\m. A hneăng hôp, mâu kăn rêm kong pơlê kơpong Tây Nguyên [ă Bình Phước rơtế [ă mâu kăn teăng mâ rêm Khu xiâm, kơvâ cheăng, mâu kăn tung khu hnê mơhno hiăng tối hên tơdroăng mơnhên mâu tơdroăng ki xahpá tung rak ngăn [ă mơnhông pêt kong nôkố, pak^ng mê, hnê tối thế pêi pro o kơhnâ khât tâ nếo mâu tơdroăng pơkâ hnoăng cheăng kố vâ pêi pro tâ tung la ngiâ.

Gương tơplôu

 Tâ tá hneăng hôp tối tơbleăng ‘na tơdroăng rak ngăn kong