VOV4.Sêdang - Tung 2 khế kố nah, lâp tơring Lak, kong pơlê Dak Lak ai 258 ngế hok tro lôi pơtê hriêm, ki hên a râ má pái, [a\ ki hên cho hok tro hdroâng kuăn ngo. Tiô séa ngăn dêi kơvâ hnê hriêm [a\ khu kăn pơkuâ kong pơlê tối, xiâm kối hok tro chiâng lôi pơtê hriêm, mê cho: kơmái xua hơnăm hiăng hên tâng pơchông [a\ pú hmâ môi lâm; hriêm ôh tá rơkê, ôh tá châ to lâm, xua mê ôh tá vâ hriêm xếo; tơdroăng rêh ối rơpo\ng hngêi pá puât, ối a hngêi pêi cheăng kum rơpo\ng [a\ hía hé. Vâ tơleăng tơdroăng kố, Vi[an tơring Lak hiăng pơkâ mâu hngêi trung thăm hnê tơ’nôm ăm hok tro ki hriêm ôh tá rơkê, hnê hriêm tung chôu ki ôh tá hriêm a lâm, tơku\m pêi pro mâu tơdroăng pơlê pơla, vâ mơhnhôk hok tro hriêm, pơtâng tối ăm nôu pâ hlê tơmiât tơtro, ăm dêi kuăn lăm hriêm. Mâu khu cheăng pơtối séa ngăn rêm hngêi trung, vâ ai túa to\ng kum, [a\ túa ôh tá ăm vâi o hok tro ki lâi pơtê hriêm xua tơdroăng rêh ối pá puât.

A Sa Ly tơplôu [a\ tơbleăng