Pôa Y Mư\ {krông, cho ngế ki păn roăng, rak ngăn rui hngêi ai inâi Bang Nang, a tơring Lak, kong pơlê Dak Lak dế riân ngăn rêm hâi vâ tơkôm dêi rui ai kuăn. Tiô tơdroăng ki khăm ngăn roh apoăng dêi khu [ok thái pơkeăng pơlât ngăn ‘na kuăn kiâ kong dêi Tíu xiâm păn roăng, rak ngăn rui dêi kong pơlê Dak Lak [ă Khu ngăn ‘na kuăn kiâ kong châu Á tối, rui Bang Nang kô ai kuăn a mơ’nui khế 9 kố ah. Tâng lơ ai ti mê khât, mê kố cho roh apoăng klêi kơ’nâi 30 hơnăm khu rui hngêi pơxiâm ai kuăn.

Mê, ối châ ngăn cho tơdroăng ki pói rơhêng vâ dêi mâu ngế ki pêi păn roăng, rak ngăn rui kong a Tây Nguyên dế nôkố. Rui ki kố dế châ rak ngăn krâu khât a kong ki ai tu\m mâu ‘núa nhâ vâ rêi, têa krúa vâ ôu, ai loăng pơlái, kong kế ki tơtro [ă khu rui tơ’lêi xông kân [ă ai kuăn. ‘Na ivá dêi rui Bang Nang dế nôkố, pôa Y Mư\ tối:

‘’Ivá dêi rui Bang Nang dế kố dế tơniăn. Mâu [ok thái pơkeăng ki pơlât ngăn ‘na kuăn kiâ dêi Tíu xiâm ki păn roăng, rak ngăn rui dế rế rak ngăn krâu khât ăm rui kố, ôh tá ai hâi ki lâi pơtê’’.

Tơdrêng [ă tơdroăng tơkêa bro, hriăn ple\ng ‘na khu rui hngêi ăm rui vâ ai kuăn, mê Tíu xiâm rak ngăn rui kong dêi kong pơlê Dak Lak hiăng to\ng kum rak ngăn ai 2 to rui kong. Mê cho rui ai inâi Gold, 2 khế hyông dêi nôu, châ rak ngăn klêi kơ’nâi klêh tung klôh têa a tơring Ea Súp kơtăn kố lối 1 hơnăm, troh nôkố, rui Gold dế hiăng xông kân, rêh ối tung nhâ loăng, kong kế ki achê pơlê. Ai môi to rui ki ê nếo châ dó inâi Jun, châ to\ng xo tung pơla hiăng pá hro, chêang rui ki mê vâ chê tơpê [ă tro u\m hrế xua tro kơtro vâi pê, klêi kơ’nâi to lâi khế kơdo mơ-eăm pơlât, troh nốkố, rui Jun hiăng prêi, mo le\m. \

Tơdrêng [ă mâu tơdroăng ki mê, tung tơdroăng ‘’Tơkêa bro kal thế tơdrêng ‘na Rak ngăn rui kong a kong pơlê Dak lak troh a hơnăm 2020 ah’’, hnoăng cheăng ki hnê mơhno, tối tơbleăng ăm mâu ngế ki ai păn rui, hên ngế hiăng ‘nâi klê, hlê ple\ng nhên ‘na tơdroăng păn roăng rui kong.

Pôa Huỳnh Trung Luân, Kăn pơkuâ ngăn tíu xiâm rak roăng rui kong dêi kong pơlê Dak Lak ăm ‘nâi:

‘’Drêng pơkâ mâu tơdroăng tơkêa bro rak roăng rui, mê tâi tâng mâu ngế ki ai păn rui a kong pơlê Dak Lak hiăng vâ tơru\m, to\ng veăng ngin pêi pro mâu tơdroăng cheăng ki păn roăng tơtro, xua drêng mê, vâi hiăng hlê ple\ng tâng ôh tá ai rui xếo mê Tây Nguyên kô hía kuăn kiâ kong ki kơnía git mê [ă tơná rơpo\ng hngêi vâi xuân ôh tá châ pêi lo liăn ngân ing tơdroăng ki păn xúa rui mê, xua mê, vâi krâ-nho\ng o hiăng vâ tơru\m [ă ngin tung pơla rak ngăn, rêm hâi xuân môi tiah drêng rui tro pơreăng, ai tơdjâk troh ivá mê vâi khoh chiâng vâ tơru\m cheăng tơtro [ă Khu [ok thái pơkeăng ki khăm pơlât ‘na kuăn kiâ kong vâ vâi tơ’lêi châ rak ngăn rui tơniăn, mo le\m’’.

Rui inâi Jun dế châ rak ngăn a tíu xiâm păn roăng, rak ngăn a Dak Lak

Tiô tơdroăng riân ngăn a Dak Lak dế kố ối lối 40 to rui ki châ păn rak a mâu hngêi rơpo\ng, tung mê, ai 25 to rui kăn, la châ khât bu ối 7 to rui kăn tê ki chiâng ai kuăn. Tơdroăng ki rui kăn Ban Nang vâ chê ai kuăn cho tơdroăng ki kal păng ‘nâng tung hnoăng cheăng kơdo mơ-eăm rak roăng, vế ngăn rui a kong pơlê Dak Lak tung mâu khế hiăng luâ.

Maluâ ti mê, vâ tơdroăng cheăng rak roăng ngăn rui châ thăm mơnhông hên tâ, pôa Tuấn Bendixsen, Kăn teăng mâ Khu păn rak kuăn kiâ kong châu Á a Việt Nam tối, pak^ng tơdroăng rak ngăn tơniăn ‘na khu rui kong [ă rui hngêi, ‘mâi bro [ă rak ngăn xiâm gen dêi kuăn kiâ, hnê tối, mơhnhôk kuăn pơlê pêi pro tro tiô luât, pơkuâ i khât ‘na tơdroăng ki tê mơdró, chơ pơto ôh tá tro luât ‘na pơlá [ă mâu châ dêi rui kong mê Dak Lak kal athế mơnhên ngăn ‘na loăng pơlái, kong kế, khăm pơlât ăm rui. Pôa Tuấn Bendixsen tối ăm ‘nâi:

‘’{ă mâu hnoăng cheăng ki pêi pro apoăng tiah mê, pin kal athế ‘mâi mơnhông ăm tơdroăng rêh ối dêi khu rui kong tiah dế nôkố. Khu rui hngêi pin dế nôkố hiăng krâ, hơnăm hiăng hên, hiăng luâ rôh ki ai kuăn, xua mê, pin athế pơtê tơdrêng hlối tơdroăng ki xúa ivá rui vâ toi, pơto chơ kế tơmeăm. Athế vêh ‘mâi rơnêu tơdroăng păn roăng, rak ngăn tung la ngiâ, pin athế pêi pro ti mê, ôh tá ai troăng ki lâi ki ê, xua dế nôkố, lâp kong pơlê bu ối lối 40 to rui hngêi tê’’.

Rui cho vâ mơhno tối um méa mơhno túa le\m tro ki má môi dêi Tây Nguyên, pói tơngah [ă tơdroăng kơdo mơ-eăm dêi kong pơlê Dak Lak rơtế [ă tơdroăng to\ng veăng dêi khu pơkuâ ngăn cheăng lâp plâi tơnêi rơtế [ă hnoăng ki veăng păn roăng-rak ngăn a Dak Lak i krâu khât tâ mơni kô châ rak ngăn khu rui a Tây Nguyên tung mâu khế hơnăm la ngiâ.

Hương Lý chêh tối

Nhat Lisa tơplôu [ă tơbleăng