VOV4.Sêdang - Tiu tơdroăng pơkâ kơxo# 43/2014/NĐ-CP dêi Chin phuh, vâ pro tơ’lêi hlâu ăm mâu ngế kuăn pơlê tung tơdroăng ki chêh hdró, tối tơbleăng ‘na tơnêi tơníu [ă mâu kế tơmeăm tơtro [ă tơnêi, tơdroăng ki rak ngăn hlá mơ-éa tung hơbru ăm hlá mơ-éa mơnhên, chêh tối inâi tơnêi, tơbleăng tơdroăng ki xiâm ‘na tơnêi tơníu kô châ {urô dêi khu chêh inâi, ối tung khâu ngăn kế tơmeăm tung têa-tung tơnêi [ă hyôh kong prâi pêi pro. Tung rôh lo pêi cheăng apoăng rơnó hơngui ki nếo, khu ngăn ‘na kế tơmeăm tung têa-tung tơnêi [ă hyôh kong prâi kong pơlê Dak Lak hiăng tối tơbleăng hnoăng cheăng mơjiâng {urô chêh inâi tơnêi tơníu [ă ki apoăng cho po mâu tơdroăng séa ngăn ki chêh pro hlá mơ-éa tiu tơdroăng pơkâ. Poâ Y Ka Nin Hđơk, kăn pho\ pơkuâ khu ngăn ‘na kế tơmeăm tung tơnêi-tung têa [ă hyôh kong prâi kong pơlê Dak Lak ăm ‘nâi: Klêi kơ’nâi pơtê têt, ngin pơxiâm tối tơbleăng, vâ [urô chêh inâi hnoăng rak xúa tơnêi, hnoăng pơkuâ tơnêi tíu, hngêi ối [ă kế tơmeăm tơtro [ă tơnêi tơníu. Tơdroăng kố kô kum rak ngăn, hơbru hlá mơ-éa rak xúa tơnêi tơníu, kum tối tơbleăng ‘na tơnêi tơníu tơ’lêi hlâu [ă châ tơ-[rê tâ, kuăn pơlê kôm tơ’lêi hlâu drêng pro mâu hlá mơ-éa hơbru hnoăng pơkuâ rak xúa tơnêi. Tơdroăng ki tơxup tơbriât tâng lơ ai xo ah hmôi xuân châ séa ngăn, châ pơkâ tơleăng vâ tơ’lêi hlâu ăm péa pâ ki ai tơdroăng tơbriât xun mơtiah [ă hnoăng cheăng pơkâ tơleăng tơdroăng ki tơxup tơbriâ’.

Katarina Nga tơplôu