VOV4.Sêdang - Hên hơnăm hiăng hluâ, Khu mơhno\ng pleăng hnoăng cheăng bêng Tân Tiến, pơlê kong kơdrâm {uôn Ma Thuột, kong pơlê Dak Lak hiăng kum lối chât ngế pâk chik trếo ma tu\i châ tơru\m [ă pơlê pơla. Ing mê, veăng kum rơtế [ă khu pơkuâ bêng rak tơniăn, kơdroh tah hrâ mơnguâ kơtiê xahpá. Hương Lý, ngế chêh hla tơbeăng cheăng tung Rơ’jiu Việt Nam ai chêh tối tơdroăng mê.

            To lâi hơnăm hdrối nah, rơpo\ng hngêi pôa Sơn Siển, a tôh kơpho# 4, bêng Tân Tiến, pơlê kong kơdrâm {uôn Ma Thuột đi đo kl^ng péa, tơdroăng rêh ối dêi rơpo\ng hngêi khéa kho. Tâi tâng tơdroăng kố xua Sơn Lâm – kuăn kơnốu nếo kân dêi pôa lôi pơtê hriâm tiô pú hmâ [a-gai, pâk chik ma tu\i. Pôa Sơn Siển tối ăm ‘nâi: Drêng ôh tá ai ma tu\i mê Sơn Lâm ôh tá kâi ối, xua mê ti tăng liăn vâ roê ma tu\i, xua mê, Sơn Lâm hiăng 2 hdroh tro rup xua tong kế tơmeăm khoăng. Mot phâk, klêi mê lo ing phâk, laga Lâm xuân ôh tá kâi lôi pâk chik ma tu\i. Troh khế 8 hơnăm 2010, kơnôm tơdroăng tơmâng to\ng kum dêi Khu pơkuâ droh rơtăm ki tơnăng pleăng dêi hnoăng cheăng bêng Tân Tiến, ngế ki pơkuâ cho ngoh Nguyễn Văn Tần, 5 hơnăm kố, Lâm hiăng lôi pâk chik ma tu\i, vêh le\m, ôh tá kơmêi lim xếo, khên rêh ối [a\ pơlê pơla. Pôa Sơn Siển tối: Hdrối nah, Sơn Lâm pâk chik ma tu\i, pro hên tơdroăng xôi, tro kroăng phâk, rơpo\ng a khéa ‘nâng, laga kơnôm ai khu cheăng pơlê pơla dêi bêng, [a\ ki rơhêng vâ tối cho ngoh Tần chu mơhnhôk pơchân tối Lâm pơtê lôi tơdroăng pâk chik ma tu\i, tơmiât pêi cheăng kâ, mê cho tơdroăng ki hơniâp ro tung rơpo\ng ngin.

            Sơn Lâm cho môi tung chât ngế châ Khu pơkuâ droh rơtăm ki tơnăng pleăng dêi hnoăng cheăng pơlê pơla bêng Tân Tiến kum mâu ngế ki pâk chik ma tu\i pơtê lôi tơdroăng pâk chik ma tu\i tung 7 hơnăm hiăng hluâ. Laga, vâ châ tơ-[rê tiah kố, cho tơdroăng mơ-eăm dêi 7 ngế khu droh rơtăm ki tơnăng pleăng dêi hnoăng cheăng rơtế ai rơpo\ng ki ai mơngế pâk chik ma tu\i [a\ pơlê pơla veăng kum. Ngoh Nguyễn Văn Tần, tối ăm ‘nâi: Mâu ngế ki pâk chik ma tu\i ôh tá xâu kơbố, ôh tá tơmâng ki klâi, tơmiât ôh tá tơtro. Ai ngế ki ‘na kơmêi lim. Xua mê, vâ kum vâi kâi lôi pâk chik ma tu\i, mâu ngế ki tơnăng pleăng dêi hnoăng cheăng thế pêi cheăng tiô pơkâ: mơ-eăm, pêi tá hiâm mơno, ôh tá pơrah mơngế, veăng kum vâi. Thăm nếo, vâ kum mâu ngế ki pâk chik ma tu\i kâi lôi tơdroăng pâk chik, ki kal má môi cho thế hnê mơhno ăm vâi, tăng cheăng tơtro ăm vâi. Ngoh Nguyễn Văn Tần tối: Tơdroăng ki kum mơhnhôk hên má môi [a\ mâu ngế ki hiăng kâi lôi pâk chik ma tu\i cho rơpo\ng, pơlê pơla, vâ ai hiâm mơno khên tơnôu rêh ối [a\ pơlê pơla xuân pơkâ hên túa cheăng, kum mâu ngế ki hiăng vêh le\m châ hriâm tơdroăng cheăng kâi che\m mơ’rêh dêi tơná, ing mê vâ vâi ‘nâi hơ’lêh tung tơmiât [a\ rêh ối le\m tro.

            Ing tơdroăng tơmiât tiah mê, Khu ki tơnăng pleă\ng dêi hnoăng cheăng ăm pơlê pơla bêng Tân Tiến hiăng tơru\m [a\ mâu Tíu xiâm hnê cheăng pêi, mâu tíu mơjiâng pro kế tơmeăm khoăng kal mơngế pêi cheăng, vâ mâu ngế klêi kơ’nâi hiăng kâi lôi pâk chik kô hriâm tâp, pêi cheăng. Troh nôkố, hiăng ai 16 ngế klêi kơ’nâi hiăng kâi lôi pâk chik ma tu\i ai cheăng pêi tơniăn, pêi lo dâng 3 rơtuh liăn môi khế. Ing kơxo# liăn mung to\ng kum droh rơtăm pêi cheăng dêi Khu pơkuâ Đoân droh rơtăm ko\ng san Hồ Chí Minh kong pơlê Dak Lak, péa hơnăm kố nah, Khu ki pơkuâ droh rơtăm tơneăng pleăng dêi hnoăng cheăng hiăng mơhnhôk lối 50 ngế ki pâk chik vêh troăng le\m, mơjiâng pro 2 tíu pêi cheăng mơjiâng pro kơtong reăng ki le\m mơnâ mâ ngăn, păn lối 200 to í, 20 to rơkái [a\ pêt reăng ki tâ tung kơ’lo châ 400 to vâ tê a hâi têt. Ing mâu tơdroăng pêi pơxúa mê hiăng pro hên ngế ki pâk chik ma tu\i nah vâi ôh tá pâk chik xếo, mê nôkố hiăng ti tăng troh mơngế ki tơnăng pleăng hnoăng cheăng kum vâi mơ-eăm pơtê lôi pâk chik ma tu\i. Sôk ro tâ mê nếo drêng ai hên ngế klêi kơ’nâi lôi pâk chik ma tu\i, hiăng tơnăng pleăng dêi hnoăng cheăng veăng tung khu pêi cheăng vâ kum mâu ngế ki môi tiah dêi tơná. Ki má môi cho ngoh Nguyễn Mai Đình, ối a kho#i 2, bêng Tân Tiến. Ngoh pâk chik ma tu\i hiăng 3 hơnăm, hơnăm 2013 kơnôm ai mâu khu droh rơtăm ki tơnăng pleăng hnoăng mơhnhôk, to\ng kum mê hiăng kum ngoh kâi lôi pâk chik ma tu\i, vêh le\m khên tơnôu rêh ối [a\ pơlê pơla. Ngoh Đình ăm ‘nâi: Pak^ng pro kơtong tâ reăng, á ối mơhnhôk mâu ngế ki pâk chik ma tu\i ki ê hvái ngăn á vâ vâi kâi lôi pơtê tơdroăng pâk chik ma tu\i. Mơhé ôh tá tơngah hên, laga á xuân mơhnhôk, tơngah la ngiâ vâi kô tơmiât vâ vêh le\m [a\ ai tơdroăng rêh ối le\m tro tâ.

            Pak^ng hnê mơhno, kum mâu ngế ki pâk chik ma tu\i kâi lôi pâk chik, mâu khu cheăng ối trâm mâ mâu ngế ki tơ’lêi vâ pâk chik ma tu\i, tối ăm vâi ‘nâi ki ‘mêi dêi ma tu\i. Ing mê, kum kơdroh mơngế ki pâk chik. Tơdroăng cheăng dêi khu ki tơnăng pleăng hnoăng cheăng kum pơlê pơla dêi bêng Tân Tiến hiăng [a\ dế mơdât tơdroăng pâk chik ma tu\i, kum rak tơniăn tung bêng. Pôa Trần Anh Đức, kăn pho\ hnê ngăn Vi[an bêng Tân Tiến, pơlê kong kơdrâm {uôn Ma Thuột, tối: Khu droh rơtăm ki tơnăng pleăng dêi hnoăng cheăng, vâi pêi cheăng tá hiâm mơno, mơhnhôk mâu ngế ki pâk chik lôi tơdroăng pâk chik, vêh le\m, tơmiât tơtro, rơtế dêi pó mơnhông mơdêk pêi cheăng, hiât lôi tơdroăng pâk chik ma tu\i. Mê cho túa kal po rơdâ pêi pro.

            Kum mơngế ki pâk chik ma tu\i lôi tơdroăng pâk chik, vêh le\m rêh ối [a\ pơlê pơla, cho tơdroăng pêi ki pá, laga pêi tá hiâm mơno, pleăng dêi hnoăng cheăng kum pơlê pơla, ‘nâi tơmâng, [a\ tơdroăng ki mơ-eăm dêi mơngế ki tơnăng pleăng dêi hnoăng cheăng kum pơlê pơla dêi bêng Tân Tiến, pơlê kong kơdrâm {uôn Ma Thuột, kong pơlê Dak Lak, dế kum kal khât, cho khu ngế ki kum mơngế ki pâk chik ma tu\i kâi lôi tơdroăng pâk chik, vêh le\m rêh ối [a\ pơlê pơla./.

A Sa Ly tơplôu [ă tơbleăng