VOV4.Sêdang - Ô vâi krâ nho\ng o [a\ pú hmâ! Kum kuăn pơlê kơpong tíu tơkăng kong choâ ‘lâng thăm hlê ple\ng hên, kăn [o#, mâu mố đo#i gâk kring tíu tơkăng kong Ia Rvê, kong pơlê Dak Lak hiăng tơku\m po hên lâm hriâm hnê chu ăm kuăn pơlê cheăm Ia Rvê, tơring Ea Sup. Tơdroăng cheăng pêi ki pơxúa kố dêi mố đo#i gâk kring tíu tơkăng kong Dak Lak thăm châ kuăn pơlê loi tơngah hâk vâ, kum gâk kring krá tơniăn dêi Tơnêi têa. Minh Huệ, ngế chêh hlá tơbeăng Rơ’jíu Việt Nam kơpong Tây Nguyên ai chêh tối ‘na tơdroăng kố:

8 chơ kơmăng, kơbong hnê mầm non thôn 11, cheăm Ia Rvê, tơring Ea Súp, idrâp rơkong pơchuât chu dêi mơngế ki hơnăm hiăng hên. Hiăng to lâi khế kố, kơmăng ki lâi kơpong tíu tơkăng kong kố idrâp sôk ro ai lâm hnê chu ăm mơngế ki ôh tá ‘nâi chu, xua mâu thái ki krâ ka lo\ng ngiât tơku\m po lâm hnê chu. Kố cho lâm hriâm má 3 ki đông mố đo#i gâk kring tíu tơkăng kong Ia Rvê tơku\m po a cheăm, [a\ púi tơngah kum rêm ngế kuăn pơlê tíu tơkăng kong pơrá ‘nâi pơchuât chu, ‘nâi chêh, choâ ‘lâng thăm hlê ple\ng vâ hriâm túa pêi cheăng [a\ hlê ple\ng túa pơkâ tíu tơkăng kong, troăng rơhlâ luât dêi Tơnêi têa.

            Lâm hnê chu ăm mơngế ôh tá ‘nâi chu kố ai 22 ngế hriâm, a mâu thôn 11 [a\ thôn 4 dêi cheăm Ia Rvê, tơring Ea Sup. Ngế ki iâ hơnăm má môi cho 15 hơnăm, ngế ki hên hơnăm má môi cho 40 hơnăm, pơrá cho kuăn pơlê lăm pêi cheăng nếo lo ho\ng mâu kong pơlê peăng kong ngo pá kơnho\ng [a\ kong pơlê Bến Tre. Ngế ki hriâm hơnăm hên má môi, poâ Lê Văn Dũng, tối ăm ‘nâi, kơnôm lâm hriâm kố dêi mâu mố đo#i gâk kring tíu tơkăng kong, mê ngoh hiăng ‘nâi hên tung tơdroăng pêi cheăng kâ: A xuân hiăng chiâng pơchuât môi iâ. Pơtih môi tiah pêi chiâk deăng, mê ai roê pơkeăng ‘na rak ngăn hdrê loăng plâi mê xuân hiăng chiâng pơchuât, ‘nâi xúa, mê a sôk ro ‘nâng.

            Veăng hriâm a lâm kố, nâ Lê Thi Hà 23 hơnăm nếo pơxiâm chiâng chêh. Nâ tối, hmâ pêi to chiâk deăng, apoăng râng loăng chêh, chêh chu pá tâ tâng pơchông tơdroăng chiâ klôh vâ pêt loăng. Kơhâi lăm cheăng, kơmăng thâ pêi cheăng hngêi vâ re\ng teăm chôu troh hriâm a lâm, pá puât há, laga nâ ôh tá lôi hriâm hâi ki lâi. Nâ Lê Thi Hà tối: Tơdroăng cheăng kâ ối trâm hên pá puât ‘nâng, laga a thế mơ-eăm axoa\ng chôu vâ ‘nâi chu, vâ mơ-eăm tung tơdroăng rêh ối.

            Thái ki hnê cho Trung u\y Nguyễn Văn Thọ, khu mơhnhôk kuăn pơlê đông tíu tơkăng kong Ia Rvê, tối ăm ‘nâi: troh nôkố hiăng chiâng pơchuât chêh, tơdroăng pơkâ lâm hriâm hiăng châ tơ-[rê. Laga, vâ pơtối tơku\m po lâm kố ton xo\n tơtro tiu pơkâ hnê chu ăm mâu ngế ki ôh tá ‘nâi chu, mê khu râ kăn pơkuâ kong pơlê [a\ kơvâ hnê hriâm [a\ hnê mơhno kal to\ng kum môi iâ ăm mâu ngế hriâm vâ vâi kơdroh pá puât, xua tâi tâng mâu ngế troh lâm hriâm pơrá cho mơngế ki pêi cheăng xiâm tung rơpo\ng. Trung u\y Nguyễn Văn Thọ, tối: Ki kal má môi cho klêi kơ’nâi hriâm, mơngế ki hriâm thế chiâng pơchuât, chiâng chêh [a\ chiâng xêo, chiâng pro mâu [ai toăn ki tơ’lêi. Tiu tơdroăng ki hiăng chiâng dêi mâu ngế ki hriâm, mê ngin tơbleăng [a\ tơku\m po vâ mơgêi lâm; tơdroăng tơku\m po hnê hriâm cho ton sap 1 troh 2 hơnăm, vâ mơngế ki hriâm ‘nâi tu\m tơdroăng, vâ pêi kêi đeăng tơdroăng hnê chu, tơdâng [a\ lâm 3 dêi tơdroăng hnê râ má môi, mê xuân pâ thế khu râ kăn kơpêng séa ngăn to\ng kum [a\ mâu ngế lăm hriâm, pak^ng axoa\ng mơ-éa chêh, mê ối to\ng kum môi iâ ăm mâu ngế ki hriâm, vâ kum vâi drêng pá puât.

            A kơpong tíu tơkăng kong kơtăn tíu xiâm kong pơlê Dak Lak dâng 80 km, cheăm Ia Rvê, tơring Ea Sup, ai vâ chê tơdế kơxo# rơpo\ng kơtiê, ki hên cho kuăn pơlê xe#n ối hmâng vâ. Cheăm kân rơdâ, troăng ‘mêi ‘mâk, kuăn pơlê iâ êt, kuăn pơlê ôh tá hlê ple\ng hên, mê cho tơdroăng ki pá vâ mơnhông mơdêk cheăng kâ, tơniăn gâk kring a cheăm. Đăi u\y Trương Văn Hoành, ngế cheăng kal kí dêi đông mố đo#i gâk kring tíu tơkăng kong Ia Rvê ăm ‘nâi, mơjiâng pro đông a cheăm, kơ koan mơnhên kum kuăn pơlê thăm hlê ple\ng cho kal khât, cho môi tung mâu hnoăng cheăng apoăng kum tơniăn tơdroăng rêh ối cheăng kâ, gâk kring tơniăn kơpong tíu tơkăng kong: Ngin tơru\m krá tơniăn [a\ khu râ kăn pơkuâ cheăm, séa ngăn [a\ mơjiâng mâu túa kum kuăn pơlê mơnhông cheăng kâ mơhno mơjiâng túa le\m tro pơlê pơla, môi tiah tơku\m po lâm hnê chu, po rơdâ mâu túa păn ro, klêi mê hnê mâu kih thua#t păn mơnăn mơnoâ, pêt kế tơmeăm khoăng ăm kuăn pơlê ‘na mâu hdrê loăng plâi ki tơtro [a\ tơnêi tơníu kong prâi a cheăm, tơdrêng amê pêi tơtro tơdroăng lăm kơ-êng, mơhnhôk mâu rơpo\ng ai hnoăng [a\ tơnêi têa, rơpo\ng kơtiê a rêm roh leh têt. Tung tơdroăng rêm hâi, ki má lối mâu tơdroăng ki nhên dêi rêm rơpo\ng mê ngin kơ-êng, kum, [a\ hlối pơtâng tối luât [a\ hía hé, kum kuăn pơlê hmiân tuăn pêi cheăng, mơ-eăm gâk kring tíu tơkăng kong, rơtế [a\ mố đo#i gâk kring tíu tơkăng kong, rơtế khu cheăng a cheăm veăng gâk kring tơdroăng kal kí, tơniăn pơlê pơla, kum mơjiâng túa gâk kring rế hía rế krá tơniăn ó rơdêi.

            Hnê chu ăm mâu ngế ki ôh tá ‘nâi chu, kum kuăn pơlê sap mâu tơdroăng ku\n rêm hâi, mố đo#i gâk kring tíu tơkăng kong Dak Lak châ kuăn pơlê loi tơngah kơnôm khât. Kơnôm mê, mâu hơnăm hiăng hluâ troăng tíu tơkăng kong Ia Rvê ôh tá ai tơdroăng kuăn pơlê lăm ke#n kong têa ê ki ôh tá tro luât. Kuăn pơlê xuân hbrâ kơchăng tơbleăng hên tơdroăng ki kal, kum khu cheăng gâk kring tơniăn hơniâp le#m tíu tơkăng kong./.

A Sa Ly tơplôu