Vâ chê 70km prôk a troăng mê lối 10 ngế thái cô dêi hngêi trung râ má môi Nơ Trang Lơng, a cheăm Ea Trang, tơring MDrak, kong pơlê Dak Lak prôk rêm hâi vâ troh a lâm. Hngêi trung kố ối a văng ngo MDrak, ối tung dế thông ngo. Ôh ti xê to hngế, troăng prôk pá puât, kơ’ve\ng kơ’vo\ng, khía pêi têi tung pơla prôk a troăng troh hngêi trung mâu thái, cô, xâp a châ hên plâ ếo.

Hên ngế hmâ tơpui ‘nêk cho ‘’mâu rôbôt ki chiâng prôk’’. Cô Đoàn Thị Thư, cô hnê lâm 1C ăm ‘nâi, mâu khế tiah hmâ hiăng tiah mê, la mâu khế ki hngiú, ai inoâ hbo, ngăn ôh tá hlo troăng, mâu thái cô re#ng riu má tâ vâ prôk teăm chôu troh a lâm.

‘’Kơxo má re\ng riu sap ing 3 chôu, ‘măn dêi kế tơmeăm, ếo hmân prôk. Drêng prôk athế ai 3 – 4 plâ ếo xâp a châ, troh a rơnó ai inoâ mê ngăn kong kế, troăng prôk ôh tá hlo klâi athế kơto hrá troh a tíu hngêi trung môi tiah tro kong mêi, hmân ếo le\m ôh tá châ xâp ing hngêi, rôh ki lâi troh hngêi trung mê nếo hơ’leh ếo xo\n vâ mot tung lâm hnê. Ối a hngêi môi tiah rôbôt, xâp 3, 4 plâ hmân ếo’’.

Thái cô hngêi trung râ má môi Nơ Trang Lơng đi đo hơ’leh túa hnê kum hok tro hriâm tâp tro tâ

A hngêi trung ki tơviah kố, ôh ti xê to mâu thái cô tơkâ luâ xơpá vâ troh hngêi trung mê xua mâu nôu pâ [ă mâu hok tro xuân pá vâ troh hngêi trung. Ki hên hok tro cho kuăn muăn hdroâng kuăn ngo sap ing peăng kơnho\ng lăm troh tung kơpong kong kố. Vâ châ lo troh hngêi trung mâu vâi o athế prôk tơkâ luâ chât km troăng ngo, sap ing kơxo má troh hâi dế.

Pá puât gá tiah mê, la maluâ tá hâi ai troăng pơkâ ai tíu kâ koi ối pơtê la hngêi trung tơru\m [ă mâu vâi nôu, pâ pro 3 kơbong tíu ối, pơtê tê kơtê tung kơdrum hngêi trung ăm 45 ngế hok tro hngế hngêi ối hriâm tâp.

Thái Hoàng Khắc Tuấn, thái hnê kơchuâ um hiăng hnê 6 hơnăm xuân cho ngế thái ki rak ngăn mâu vâi o tối: Tíu kố tâi tâng hok tro hdroâng kuăn ngo la hngêi trung ôh ti xê cho hngêi trung ai tíu kâ koi ối pơtê mê drêng mâu vâi o ối akố mâu thái cô athế rak ngăn vâi. Xua râ má môi, mê ai thế tơpui lông hên tâ hnê.

‘’Ki hên cho mâu vâi o hơngế ing hngêi mê mâu vâi o a kố athế ‘no dêi tâi tâng liăn ngân sap ing hriâm, ôu kâ, hum roh. Mâu vâi o hriâm klêi, athế lăm pế pơchên hmê kơchâi vâ kâ mê mâu thái cô athế đi đo hnê khe\n, kum mâu vâi o ku\n, malối cho mâu vâi o ki hriâm lâm 1, rak ngăn mâu vâi o ôh tá tơviah klâi rak ngăn kuăn dêi tơná a hngêi’’.

Cô Phạm Thị Hòa, cô pơkuâ hngêi trung kố ăm ‘nâi: ‘’Tâi tâng hngêi trung ai 10 to lâm [ă lối 200 ngế hok tro sap ing lâm 1 troh lâm 5, tâi tâng mâu vâi o pơrá cho hdroâng kuăn ngo. Tâi tâng hngêi trung ai 21 ngế kăn [o# kông chưk, mâu ngế cheăng, la lối tơdế kơxo# ki kố ai hngêi ối hngế kơtăn ing hngêi trung sap ing 30 troh 120km.

Maluâ pá ‘na nâl tơpui troh dâng lâi, tơnêi tơníu kong ngo xơpá troh lâi, xuân ôh tá kâi mơdât tơdroăng ki pâ mơjo dêi mâu thái cô [ă mâu hok tro dêi tơná. Tâi tâng khu pơkuâ cheăng [ă thái cô tung hngêi trung râ má môi Nơ Trang Lơng đi đo tơru\m, mơhnhôk dêi rơpó vâ rêm ngế thái cô tơkâ luâ xơpá rơtế [ă mâu vâi o. Rơtế [ă tơdroăng ki hnê tối ki rơkê ple\ng, rêm ngế thái cô ối cho ngế nôu pâ, ngoh nâ, nho\ng o dêi mâu vâi o.

Drêng cô chiâng mơngế nâ, mơngế nôu klêi kơ’nâi chôu hnê a lâm

‘’Tâi tâng hâi khế thái cô ki ai pak^ng hnoăng cheăng hnê dêi tơná, peăng kơxê dêi mâu thái cô ối a hngêi lơ a kơxê ối môi iâ mâu thái cô mơdoh chôu vâ kum vâi o. Kum tiô tuăn hiâm môi tiah ngế nôu, ngế nâ hnê mơhno mâu vâi o. Drêng pin ai hok tro mê pin nếo ai kơxo# ngế hok tro hriâm kơhnâ, ai kơxo# điêm kơhnâ pin nếo châ pơtối rak vế ki rơkê ple\ng dêi hok tro.

Mâu thái cô tơmâng ngăn troh mâu vâi o [ă tơdroăng ki pâ nhuo#m ôh ti xê to hngêi trung ôh tá pơcháu hnoăng cheăng lơ pơkâ mâu thái cô athế pêi’’.

{ă tuăn hiâm ‘’Tâi tâng xua hok tro pâ nhuo#m’’, tâi tâng kăn [o#, thái cô, mâu ngế cheăng tung hngêi trung râ má môi Nơ Trang Lơng, cheăm Ea Trang, tơring MDrak, kong pơlê Dak Lak hiăng ai hên tơdroăng pêi pơxúa, kum hok tro hmiân tuăn troh hngêi trung, mơ-eăm tung hriâm tâp.

Tơdroăng ki pâ mơjo mê môi tiah xiâm rêi krá tơniăn, rêh ối a hngêi trung, a pơlê cheăm, kơhnâ, tâi tuăn hiâm hnê tối ki rơkê ple\ng troh [ă vâi o hdroâng kuăn ngo a kơpong hngế hngo.

Katarina Nga tơplôu