VOV4.Sêdang - Troh nốkố, Dak Lak ai 5 ngế tâ pơreăng êi ngoâ Nhật Bản, tung mê, hiăng ai 2 ngế hlâ. Kố cho tơdroăng ki rơhêng vâ tối tơbleăng khât sap ing hơnăm 2009 nah troh hơnăm 2014 bu ai 1 ngế tê tâ pơreăng a kong pơlê kố. Pôa Phạm Văn Lào, kăn pơkuâ Tíu xiâm ngăn pơkeăng [ă hbrâ mơdât pơreăng kong pơlê Dak Lak ăm ‘nâi: tung pơlê ai 5 ngế tâ pơreăng êi ngoâ Nhật Bản mê ai 3 ngế a tơring Krông Ana [ă 2 ngế ki mê pơrá hiăng hlâ, 1 ngế hdrêng 10 hơnăm [ă 1 ngế hdrêng 15 hơnăm. Kố cho tơdroăng ki tôu tuăn khât xua tung pơla hơnăm kố ôh tá châ pâk pơkeăng vaccine po rơdâ. Mê nếo, tơdroăng ki păn tơmeăm, pêi cheăng kâ dêi kuăn pơlê ôh châ rak tơniăn krúa le#m khât hiăng pro ăm pơreăng tơ’lêi xông tâ tú xua mâu tri trôu pâk chu, mâu chu ki tro pơreăng mê ah pâk ‘mot virus ăm kuăn mơngế. Vâ hbrâ mơdât tơdroăng ki pơreăng xông tâ tú kố tung pơlê pơla, kơvâ ngăn ‘na pơkeăng [ă khăm pơlât kong pơlê Dak Lak hiăng tơku\m pâk tê kơtê pơkeăng vaccine êi ngoâ Nhật Bản ăm tâi tâng vâi hdrêng pá kơdâm 15 hơnăm a mâu thôn, pơlê ki ai vâi hdrêng tâ pơreăng, tơdrêng amê hnối mơdêk tơdroăng ki tối tơbleăng vâ mơdêk tơdroăng ki rơkê ple\ng ăm rêm ngế kuăn pơlê hbrâ mơdât xêh [ă pơreăng kố.

                        Katarina Nga tơplôu