VOV4.Sêdang - Vâ rak vế tơniăn tung tơdroăng ki pơto chơ kế tơmeăm khoăng tung pơla rôh leh lơ 30 khế 4 [ă lơ 1 khế 5, Vi[an hnê ngăn kong pơlê Dak Lak hiăng mơ’no hlá pơkâ thế kơvâ ki ai tơdjâk mơdêk séa ngăn [ă pơxâu phâk mâu ngế ki pro xôi luât. Pêi pro tiu tơdroăng pơkâ dêi Vi[an hnê ngăn kong pơlê, Khu ngăn tơniăn troăng prôk kong pơlê Dak Lak hiăng pơcháu hnoăng cheăng pêi pro ki nhên ăm mâu khu ki ai tơdjâk. Tung mê, Khu ngăn troăng prôk [ă rơxế kơtâu Dak Lak pơkâ thế mâu tíu cheăng ki pơto tơmối, tơmeăm khoăng ai túa pơkâ ‘mot tơ’nôm mâu rơxế, pêi pro tơtro tơdroăng ki rơhêng vâ prôk lăm dêi mâu tơmối. Khu ki séa ngăn troăng prôk mơdêk séa ngăn a mâu tơraih rơxế, ‘mâi rơnêu mâu tơdroăng ki tot xo chơ tơmối a drô troăng.

Malối, a Dak Lak tung pơla achê kố hlo ai hên rơxế tơklo#m a drô troăng rơ-iêu ó, tơdjâk troh tơdroăng ki rak tơniăn kơtâu rơxế [ă tơdroăng ki chơ hngăm, mê khu ki ai tơdjâk kal tơmâng ngăn tâ troh tơdroăng ki lăm séa ngăn tung rôh pơtê leh. Tiu khu ngăn troăng prôk [ă rơxế kơtâu a kong pơlê Dak Lak ăm ‘nâi, rôh leh lơ 30 khế 4 [ă lơ 1 khế 5 hơnăm kố, ki hên mâu tíu cheăng ki pơto chơ tơmối, tơmeăm khoăng ôh tá to kơnâ yă.

Katarina Nga tơplôu