VOV4.Sêdang - Klêi kơ’nâi péa măng tĭng pơtê tơdah xo hồ sơ ing troăng hyôh internet, pêi cheăng sap ing 30 – 50% tơdroăng cheăng vâ pêi pro klâ ối krê pơlê pơla tiô pơkâ 16 dêi Ngế pro xiâm hnê ngăn Chin phuh, Tíu xiâm chêh pro hlá mơéa tơdjuôm Dak Lak hiăng pêi cheăng tiah hmâ nếo ƀă pêi tung tâi tâng tơdroăng cheăng kum kuăn pơlê tung tơdroăng ki xúa mâu troăng hơlâ pơkâ rế pơkâ tơleăng mâu hlá mơ-éa tiô túa ki rĕng má môi rế xing xoăng kơxô̆ kuăn pơlê troh pro hlá mơéa rêm hâi, kơdroh iâ má môi tơdroăng ki pơreăng xông tâ tú.

Xua tơdroăng ki rơhêng vâ pơkâ tơleăng mâu hlá mơ-éa dêi kuăn pơlê hên, mâu tíu pêi cheăng dêi tíu xiâm hiăng mơhnhôk tâi tâng khu ki cheăng tơdah xo, pơkâ tơleăng rĕng mâu hồ sơ tơdroăng tơdjuôm vâ rak tơniăn tơdrêng amê 2 tơdroăng pơkâ ki rơhêng vâ: troăng hơlâ rĕng pơkâ tơleăng mâu hlá mơ-éa, khŏm hbrâ mơdât pơreăng, mơ-eăm rak vế ƀă mơdêk tơdroăng ki pơkâ tơleăng mơnhên tiâ mâu hlá mơ-éa tro ƀă hdrối hâi khế pơkâ châ lối 99,9%.

Katarina Nga tơplôu ƀă tơbleăng