VOV4.Sêdang - Khu hnê mơhno hnoăng cheăng ‘’Tâi tâng kuăn pơlê tơru\m mơjiâng tơdroăng rêh kâ ối mơhno túa le\m tro’’ dêi kong pơlê Dak Lak tơku\m po Hneăng hôp mơgêi 2 hơnăm rak vế pêi pro tiô hnoăng cheăng.

Tung 2 hơnăm hiăng luâ, hnoăng cheăng kố hiăng ai tơdjâk ki pơxúa kân khât troh tơdroăng rêh kâ ối, hiâm mơno dêi pơlê pơla. Lâp kong pơlê hiăng mơhnhôk kuăn pơlê veăng ‘no dêi ivá, veăng tơlo châ 178 rơtal liăn, pleăng lối 182 rơpâu met karê tơnêi vâ ‘mâi rơnêu, mơnhông [ă pêi pro nếo lối 340 km troăng prôk troh a mâu thôn pơlê, ai lối 10 km rơchôa, hno têa ki vâ kum ăm tơdroăng pêi klâng chiâk.

Pak^ng mê, mâu khu pơkuâ cheăng, kơvâ cheăng hiăng pêi pro tro tiô tơdroăng cheăng ki hên túa, tơtro khâp, môi tiah djâ troăng ahdrối tung rêm túa pêi cheăng kâ, rêh ối, môi tiah mâu tơdroăng ‘’On veăng-rơpo\ng hngêi hơniâp ro’’, ‘’Jâ pôa djâ troăng le\m, kuăn cháu hlê rơkê’’, ‘’Kơpong rêh ối ôh tá pro tơdroăng xôi’’ [ă hên mâu tơdroăng ki ê. Ing mê, kum pro tơdjâk chiâng ai hên ki le\m tro tung pơlê pơla, cheăm bêng.

A hneăng hôp, Vi [an hnê ngăn kong pơlê hiăng pơkâ thế mâu khu râ, kơvâ cheăng, mâu tơring, cheăm kal ai hên troăng hơlâ ki rơkê luâ tâ mê nếo, pơtối xúa ivá ki rơkê, ki ó rơdêi dêi tơru\m tơrôa vâ kum ăm tơdroăng rêh kâ ối rế hía rế châ tơxông tơtêk, krá tơniăn, veăng kum mơnhông pêi cheăng kâ, rêh ối ăm kong pơlê.

Nhat Lisa tơplôu [ă tơbleăng