VOV4.Sêdang - Pơtăm hơnăm hiăng hluâ, lâp kong pơlê Dak Lak hiăng mơhnhôk rêm khu râ, kơvâ cheăng veăng rơlo lối 36 rơpâu 400 rơtal liăn mơjiâng thôn pơlê rêh ối-cheăng kâ tiô túa nếo. Kuăn pơlê tung kong pơlê xuân veăng rơlo lối 790 rơtal liăn vâ mơjiâng nếo, rơnêu troăng prôk tung thôn pơlê, kâng rơchoâ, cho hno têa, pleăng 475 rơpâu met karê tơnêi [a\ hr^ng rơpâu hâi pêi cheăng. Laga, tơdroăng mơjiâng thôn pơlê nếo a kong pơlê Dak Lak ối hrá; nôkố bu nếo ai 7 kơpêng 152 cheăm pêi troh a 19 hnoăng cheăng mơjiâng thôn pơlê nếo. A roh pêi cheăng, pôa Trần Nhật Lam, kăn pho\ pơkuâ hnê mơhno tơnêi têa ‘na pêi pro tơdroăng pơkâ xiâm tơnêi têa tung mơjiâng thôn pơlê rêh ối cheăng kâ tiô túa nếo pơkâ thế: Dak Lak thế séa ngăn mâu túa pơkâ cheăng, môi tiah troăng prôk tung thôn, kế tơmeăm khoăng mơhno mơjiâng túa le\m tro athế ai mâu túa ki nhên tâ [a\ mâu túa pêi ki tơtro tâ. Má péa nếo, cho tung 19 túa cheăng kal mơnhên pêi pro mâu túa ki lâi cho vâ mơhnhôk mơnhông pêi cheăng, thăm pêi lo hên liăn ngân, hơ’lêh tơdroăng rêh ối, ing mê, kuăn pơlê kô kơhnâ tâ [a\ vâi kô ai ivá vâ mơjiâng thôn pơlê nếo, tiah mê kô pêi pro re\ng kêi tơdroăng thôn pơlê rêh ối cheăng kâ tiô túa nếo dêi kong pơlê’’.

A Sa Ly tơplôu [ă tơbleăng