VOV4.Sêdang - Ô vâi krâ nho\ng o [ă pú hmâ! Klêi 3 hnăm pêi pro tơdroăng mơjiâng thôn pơlê nếo, lâp kong pơlê Dak Lak hiăng ai 4 to cheăm pêi tiu tơdroăng pơkâ tơnêi têa ‘na mơjiâng thôn pơlê nếo. Mơjiâng thôn pơlê nếo tung kong pơlê hiăng [ă dế ối chiâng tơdroăng tơ’noăng ki sôk ro a lâp cheăm tung kong pơlê. A cheăm Ea Mnang, tơring }ư\ Mgar, mơhé cho cheăm ối trâm hên xahpá, la tơdroăng ki mơjiâng thôn pơlê nếo, malối cho tơdroăng ki mâu kuăn pơlê veăng kum hâi pêi cheăng, kum liăn pro troăng prôk tung thôn pơlê châ tơ-[rê hôm khât. Tơdroăng kố ai hnoăng kân k^n sap ing hnoăng cheăng ki djâ troăng ahdrối mê dêi mâu kăn [o#, đảng viên dêi Đảng [o# cheăm. Minh Châu, ngế chêh hla tơbeăng cheăng tung Rơ’jiu Việt Nam a kơpong Tây Nguyên ai chêh tối ‘na tơdroăng kố.

Mâu hâi achê Têt Nguyên đa\n, hên troăng kân ki lăm a mâu thôn a cheăm Ea Mnang xun thâ mơjiâng pro troăng. Kuăn pơlê thôn 1A, cheăm Ea Mnang xun ối pâ roh trâm xâu xía dêi poâ Hoàng Văn Nguyện, kăn pơkuâ hnê ngăn chi [o# thôn, kơtăn kố lối 2 khế. Dế ối hnê mơhno mơjiâng pro troăng kân kơtâu, mê poâ tro môi toăng rơxế tuh tuh klo#m poâ kơ’le\ng tung hno têa a k^ng troăng, mê lăm pơlât a hngêi pơkeăng. Klêi kơ’nâi roh trâm xâu xía, mơngế đảng viên, mố đo#i hneăng hdrối nah hiăng 70 hnăm, xun ối kơhnâ hnê mơhno mơjiâng pro troăng tung thôn pơlê, mơjiâng thôn pơlê rêh ối cheăng kâ tiêu túa nếu, kơhnâ mơhnhôk kuăn pơlê tung kơtâu pleăng tơnêi, mơjiâng pro troăng thôn pơlê. Poâ Nguyện tối ăm ‘nâi: Apoăng thế ai troăng prôk. Troăng hên tíu kơ’vong kơ’ve\ng, ku\n, hên tíu hdi troăng. {a\ mâu rơpo\ng tơ’lêi mơhnhôk, mê mơhnhôk hdrối, klêi mê troh tíu ki pá, nốkố tíu mê hiăng mơjiâng pro kêi, tíu kố ối pá pro toah lâi kố ah. Troăng hdrăng le#m tiah kố, ôh tá ăm ai tíu ki ‘mêi tiah kố, mê rơpo\ng mơ-eăm pleăng dêi tơnêi tíu kố vâ mơjiâng pro troăng tơdjuôm.

            Bố xêu xăp mơ’nui hnăm 2013 troh nốkố, kuăn pơlê thôn 1A, cheăm Ea Mnang hiăng veăng rơlo liăn, mơjiâng pro lối 2 km troăng tung thôn, tâp trăng hnhâng châ 300 met troăng on tơhrik a troăng ki xiâm sap a go pơlê troh alui thôn.

            Vâ mơhnhôk tơjduôm ivá pêi châ tơ-[rê tiah kố, hnoăng cheăng dêi mâu kăn [o# đảng viên cho kân khât tung , ki má lối cho thế djâ troăng ahdrối tung rêm tơdroăng cheăng. Mơtiah a chi [o# thôn 1A, mâu đảng viên ôh tá troh to a hngêi vâ mơhnhôk kuăn pơlê, mê ối djâ troăng a hdrối [a\ túa veăng rơlo hdrối, rơthăm nếu rơlo liăn tơdrêng a roh hôp tơpui ‘na tơdroăng mơjiâng pro troăng. Drêng mơhnhôk, mâu khu râ kăn pơkuâ cheăng Đảng kong pơlê, đảng viên tung chi [o# rơtế khu pơkuâ thôn mơ-eăm mơhnhôk, hôp kuăn pơlê hên hdroh vâ tối ăm kuăn pơlê hlê ple#ng ki xiâm dêi tơdroăng mơjiâng thôn pơlê rêh ối cheăng kâ tiêu túa nếu. Jâ Võ Thị Tuyết, kăn pơkuâ thôn, kăn pho\ pơkuâ hnê ngăn chi [o# thôn 1A ‘mu\n tối: Kuăn pơlê ki hên 2 kơpêng 3 môi rơlo liăn, pleăng tơnêi, laga 1 kơpêng 3 rơpo\ng ki ôh tá vâ môi tuăn, xua hên rơpo\ng ối xâu hía tơnêi, ôh tá mơhá liăn tơnêi. Thôn pơkâ rah xo kăn pơkuâ, thôn, kăn pho\ [a\ khu ki tăng tơnêi pơkuâ troăng kố, ‘nhê bo cheăng [a\ plông hngêi kăn pơkuâ thôn hdrối, klêi mê nếu ‘nhê dêi kuăn pơlê. 48 rơpo\ng pleăng tơnêi, rơpo\ng ki hên cho 600 hrie#u met. Drêng kuăn pơlê môi tuăn, mê mơjiâng pro kêi troăng, ai hno têa kuăn pơlê xôk ro, xua rơnó mêi ai hno mơ’no têa, hdrối nah têa to\ng ôh tá chiâng pêi ki klâi, nốkố kơdrum kơphế ngiêt le#m.

            Kơnôm mơ-eăm dêi mâu kăn [o#, đảng viên tung thôn, hên rơpo\ng kuăn pơlê a thôn 1A hiăng ‘nhê tah dêi plông hngêi, lâk tah xiâm tiêu, pleăng hrie#u met karê tơnêi vâ mơjiâng pro troăng kân 5 met, mơjiâng hno mơ’no têa péa pâ hlâ troăng. Mơtiah rơpo\ng ngoh Phan Trọng Hồng hiăng ‘nhê tah 40 xiâm xiâm dế ngiêt le#m, hiăng plâi, vâ mơjiâng pro troăng. Ngoh Phan Trọng Hồng tối ăm ‘nâi: A pleăng tơnêi, cho lup ‘nâng, xua tung kơdrum ai hên kế tơmeăm khoăng pin pêi pêt hiăng to lâi chât hnăm, rêm xiâm tiêu châ rơtuh liăn. Xua tung la ngiâ, kăn [o# a kố, mâu kăn [o# thôn, cheăm tơmâng to\ng kum hên, drêng ‘nâi pin pleăng tơnêi mê vâi xun mơhnhôk, xua tơdroăng rêh ối tung la ngiâ dêi thôn pơlê nếu, tơdroăng la ngiâ dêi tơnêi têa, thôn pơlê le#m, klông troăng, prôk tơniăn.

            Ôh tá xê to a thôn 1A, mâu thôn 1B, 2B, thôn 3, thôn 6, thôn 7 dêi cheăm Ea M’nang, tơdroăng veăng rơlo hâi pêi cheăng mơjiâng pro troăng, mơjiâng plông kơtú [along, hngêi hôp tơdjuôm. Tung mâu hâi mơjiâng pro troăng, rơtế kuăn pơlê tung thôn, tâi tâng mâu kăn [o#, đảng viên, thăm nếu tá kăn pơkuâ đảng cheăm pơrá ai mâ a tíu mơjiâng pro troăng, veăng tơm hmốu, to\ng tơnêi mơtiah rêm ngế. Poâ Phạm Đức Hạnh, kăn pơkuâ cheăng Đảng cheăm tối ăm ‘nâi: A xun lăm veăng hôp a thôn. Tối tơdjuôm kăn [o#, đảng viên pêi cheăng kơtăng tiêu troăng rơhlâ, tơdroăng pơkâ. Ai mâu tíu đảng viên, mốđo#i hneăng hdrối nah ai hnoăng xiâm tung tơdroăng cheăng kố, pơtih kăn pơkuâ chi [o# 1A-poâ Hoàng Văn Nguyện, jâ Võ Thị Tuyết ối a thôn 1A; jâ Nguyễn Thị Lê ối a Chi [o# thôn 3; poâ Trần Văn Điều ối a Chi [o# thôn 8.

            Troh nốkố, [a\ tơdroăng veăng kum dêi kuăn pơlê, cheăm Ea Mnang hiăng mơjiâng châ dâng 5 km troăng [a\ 200 met troăng [ê-tông, tâp trăng hnhâng kơxái on tơhrik a troăng ki xiâm dêi thôn 1A [a\ mâu troăng a mâu thôn 1A, 1B, 2A [a\ hía hé. Kuăn pơlê ối kum liăn mơjiâng tơnêi, mơjiâng mâu hngêi hôp tơdjuôm [a\ nốkố tâi tâng 9 thôn tung cheăm ai hngêi hôp tơdjuôm thôn; tung mê hngêi hôp tơdjuôm thôn 1b nếu châ mơjiâng kân le#m rơdâ xua kuăn pơlê veăng rơlo lối 160 rơtuh liăn.

            Ho\ng tơdroăng veăng rơlo tiah kố hiăng pơhlêh hên ‘na troăng prôk a a Ea Mnang. Mâu troăng kân hdrăng le#m, ai troăng mot tung mâu kơtâu tơ’lêi hlâo, kum tung mơnhông cheăng kâ ăm kuăn pơlê. Ngoh Nguyễn Thanh Hùng, kuăn pơlê a thôn 1A, cheăm Ea Mnang tối ăm ‘nâi: Nah troăng ku\n, rơxế pơto kơphế pá khât. Nốkố hiăng mơhnhôk kuăn pơlê, pleăng tơnêi, lâk tah xiâm tiêu, kơphế troăng kân rơdâ, má péa nếu cho mơhno pro hno têa ăm kân rơdâ vâ pêt tiêu, pêt kơphế. Mơtiah mâu hnăm hdrối nah tá hâi ai hno mơ’no têa, pêt tiêu, kơphế hlâ tâi tâng.

            Mehé ối trâm pá hên, cheăm Ea Mnang, tơring }ư Mgar, kong pơlê Dak Lak xun dế choâ ‘lâng tơkâ hluâ xahpá, mơhnhôk mơjiâng thôn pơlê rêh ối cheăng kâ tiêu túa nếu. Troh nốkố, cheăm hiăng châ 12 kơpêng 19 túa cheăng mơjiâng thôn pơlê rêh ối cheăng kâ tiêu túa nếu [a\ pơtối mơ-eăm mâu tơdroăng châ tơ-[rê hôm, mơ-eăm troh hnăm 2020 kôm chiâng cheăm châ tơ-[rê tiêu pơkâ mơjiâng thôn pơlê rêh ối cheăng kâ tiêu túa nếu. Ki kal tung mơjiâng thôn pơlê rêh ối cheăng kâ tiêu túa nếu dêi cheăm Ea Mnang xun cho vâ mơnhên tơdroăng djâ troăng ahdrối, kơhnâ khât [a\ pôu râng hnoăng cheăng dêi khu kăn [o#, đảng viên [a\ kuăn pơlê a kố./.

A Sa Ly tơplôu