VOV4.Sêdang -Hâi lơ 24/8, Khu ngăn pơkeăng kong pơlê Dak Lak tối ai tơ’nôm 1 ngế hlâ xua tâ pơreăng COVID-19. Kố cho ngế má 4 hlâ xua COVID-19 tung kong pơlê Dak Lak. Ngế ki kố cho ngế tâ COVID-19 ai mah xô̆ 161.832 (ngế má 161.832), kot mâ hơnăm 1989, ối a 54 troăng Ama Jhao, bêng Tân Lập, pơlê kong kơdrâm Ƀuôn Ma Thuột. Ngế má 161.832 châ mơnhên cho yương tĭnh ƀă SARS –CoV-2 sap ing hâi lơ 2/8 ƀă châ djâ pơlât a Hngêi pơkeăng pơtân xô̆ 1.

Hâi lơ 3/8, ngế ki mê châ chiân hên hngêi pơkeăng kơ-o hiăn ƀă êi xôu. Troh hâi lơ 15/8, ngế ki mê rế châi ó mê ngế má 161.832  châ djâ pơlât a tíu pơlât pơreăng COVID-19 a Hngêi pơkeăng kân kơpong Tây Nguyên. Klêi 9 hâi pơlât a Hngêi pơkeăng kân kơpong Tây Nguyên, troh 16h15’ hâi lơ 23/8, ngế má 161.832 hiăng hlâ. Hngêi pơkeăng kân kơpong Tây Nguyên  hiăng pro hlá mơ-éa ki kal vâ prâu châ ngế ki hlâ tiô pơkâ.

Gương tơplôu ƀă tơbleăng