VOV4.Sêdang - Tung mâu hâi ki kố, hên mơngế pêt kơphế a kong pơlê Dak Lak hiăng krí dêi. Plông vâ têng kơphế pá khât, hên mâu rơpo\ng têng kơphế drô troăng kân, pro pá chiâng ôh tá tơniăn drô troăng prôk.

Troăng kân kơxo# 27 tơkâ hluâ thôn 4, cheăm Hoà Thắng, pơlê kong kơdrâm {uôn Ma Thuột [a\ thôn 8 cheăm Ea Ktur, tơring }ư Kuin, kong pơlê Dak Lak mâu hâi kố ai hên kơpong troăng kuăn pơlê têng dêi kơphế. Ai mâu kơpong kuăn pơlê têng kơphế drô troăng vâ lâp troăng ki ăm rơxế honđa [a\ rơxế mái kơtâu, têng châ chât, ai tíu troh hr^ng met troăng.

            Pôa Nguyễn Duy Cường, ối a thôn 4, cheăm Hoà Thắng dế têng kơphế a hâng lông kông Cầu Bà Dần, ối tung troăng kân kơxo# 27 tối ăm ‘nâi: rơpo\ng dế krí 2 hectar kơphế, châ dâng 6 ta#n pơ’leăng kơphế, laga plông têng ku\n, xua mê têng a kông. Mâu rơxế kơtâu tơkâ a kố thế ví.

Môi tiah mê, rơpo\ng ngoh Nguyễn Hoài Sơn, ối a thôn 8, cheăm Ea Ktur, tơring }ư Kuin xuân têng kơphế châ vâ chê 100 met troăng ăm rơxế kơtâu, rơxế honđa kơtâu a troăng kân kơxo# 27; tung mê, ai mâu troăng ki ví rơ-iô khât. Mơhé ‘nâi têng kơphế a troăng tơdjâk troh rơxế kơtâu, laga ngoh Sơn xuân tối xua plông ku\n, ôh tá ai tíu têng kơphế. Ngoh Nguyễn Hoà Sơn, tối: Rơpo\ng a krí kơphế, laga plông têng ku\n, mê a têng a troăng, tâng ôh tá têng mê kơphế kô u\m, prăng rơmon. Plông hngêi ai bu dâng 70 met karê tê, dế rơnó krí, krí châ hên, xua mê á têng a troăng kân. ‘Nâi ‘nâng ôh tá tơtro, laga nôkố ôh tá ai tíu têng, mê ga kô tơdjâk tơdroăng cheăng kâ rơpo\ng á.

Mơngế vê rơxế kơtâu drô troăng kân kơxo# 27 đi đo tâ ôh tá tơniăn drêng tơkâ kơpong achê pơla cheăm Hoà Thắng, pơlê kong kơdrâm {uôn Ma Thuột [a\ cheăm Ea Ktur, tơring }ư Kuin, kong pơlê Dak Lak, xua têng kơphế a troăng kân. Ai mâu kơpong ăm rơxế kơtâu môi troăng, ăm phêp rơxế kơtâu têi, lơ mâu kơpong ki troăng ví, rơnâk, mê kuăn pơlê têng kơphế drô troăng kố. Tâng ôh tá kơchăng kô tơ’lêi kơtong. Nâ Phạm Thị Minh Tâm, ối a bêng Ea Tam, pơlê kong kơdrâm {uôn Ma Thuột, hlo tơdroăng kố, tối: A hlo tơdroăng têng kơphế a drô troăng kân môi tiah kố, kô pro ôh tá tơniăn ăm rơxế kơtâu, tâng rơxế kân kơtâu a troăng kố, ôh tá ai troăng vâ ăm rơxế honđa [a\ rơxế mái kơtâu xếo? Kuăn pơlê kal hlê ple\ng tơdroăng kố, pôi tá têng kơphế drô troăng kân, tâng têng môi tiah kố ôh tá ai troăng vâ prôk, xuân pói tơngah khu kăn pơkuâ kal ai mâu túa tơleăng, ôh tá ăm ai tơdroăng kố.

Mâu rơxế kơtâu drô troăng thế ví tíu têng kơphế drô troăng

Pôa Bùi Văn Ngọc, kăn pơkuâ {ơrô pơkuâ troăng prôk [a\ rơxế kơtâu kong pơlê Dak Lak tối ăm ‘nâi, tơdroăng kuăn pơlê têng kơphế a troăng hiăng hlo sap hên hơnăm kố. {a\ a troăng kân kơxo# 27, rơnó kố têng kơphế a drô troăng; rơnó pôe báu, kuăn pơlê tơring Lak têng báu [a\ hrái a drô troăng, pro ôh tá tơniăn troăng prôk [a\ rơxế kơtâu. Pôa Bùi Văn Ngọc, tối: Khu pơkuâ rak tơniăn troăng prôk [a\ rơxế kơtâu xuân đi đo pơchân mâu kơ koan cheăng, kơ koan pơkuâ troăng prôk [a\ rơxế kơtâu, pêi pro tơdroăng pơkuâ tơnêi têa dêi tơná, thế thăm tơru\m tơdâng tơ’mô, pêi pro hên túa cheăng. Pơtâng tối, tơbleăng vâ kuăn pơlê hlê tơdroăng têng kế tơmeăm khoăng drô troăng, cho xôi ‘na rak tơniăn troăng prôk. Tâng ai tơdroăng trâm xía vâ, mê kô pơxâu phâk xôi kân. Laga [a\ tơdroăng pơtâng tối, mê pơkâ thế mâu kơ koan cheăng, môi tiah khu séa ngăn, Khu pơkuâ rak tơniăn troăng prôk [a\ rơxế kơtâu, xuân môi tiah khu séa ngăn dêi kơ koan xiâm pơkuâ rak tơniăn troăng prôk [a\ rơxế kơtâu thăm séa ngăn, pơxâu phâk vâ mơdât, kum kuăn pơlê pêi cheăng tiô luât, rak vế troăng kân.

            Mơhé ôh tá ai tíu têng kế tơmeăm khoăng, laga kuăn pơlê pôi tá têng kế tơmeăm khoăng a drô troăng kân, lơ hâng lông troăng, pro ôh tá tơniăn troăng prôk [a\ rơxế kơtâu. Tơdroăng pêi ki rơ-iô kố dêi kuăn pơlê kong pơlê Dak Lak a drô troăng kân kơxo# 27 kal mơdât teăm tơdrêng, ôh tá ăm ai trâm tơdroăng xía vâ, xua kuăn pơlê têng kơphế drô troăng kân.