VOV4.Sêdang - Nôkố, a Dak Lak ối ai hên thôn, pơlê tá hâi ai on tơhrik. Vâ kum ‘na tơdroăng kố, kong pơlê Dak Lak hiăng chêh pro hlá mơéa [ă ai túa pơkâ tâp trăng, hnhâng kơxái on tơhrik troh a mâu thôn, pơlê sap ing hơnăm 2011 nah. La troh nôkố, xua hên tơdroăng ki tơvâ tơvân, mâu rơpo\ng kuăn pơlê a mâu kơpong kố xuân tá hâi ai on tơhrik tơnêi têa. Ôh tá ai on tơhrik tơdjâk ó khât troh rêh ối xuân môi tiah pêi cheăng kâ dêi mâu kuăn pơlê a mâu thôn, pơlê kố. Tuấn Long, ngế chêh hlá tơbeăng cheăng tung Rơ’jiu Việt Nam a Tây Nguyên ai chêh tối tơdroăng mê.

            Pơlê Rơteăng, cheăm Ea Sar, tơring Ea Kar, châ mơjiâng sap hơnăm 1992, nôkố ai 171 rơpo\ng [a\ vâ chê 450 pơ’leăng mâ mơngế, ki hên cho kuăn pơlê hdroâng kuăn ngo Rơteăng. Mơhé bu kơtăn tíu xiâm tơring dâng 20 km, laga troh nôkố pơlê ôh tá ai on tơhrik, peăng kơmăng têk on đe\ng, [a\ xúa on tơhrik ing kơ-[in ak-qui. Ôh tá ai on tơhrik, mâu rơpo\ng tôh kơphế, tôh tiu [a\ kơmăi kơmok, xua mê kơxo# liăn mơ’no hên, tơdroăng rêh ối hrá mơnhông tơtêk. Tơdrêng amê, tơdroăng vâ ngăn um tivi, vâ mơdêk tơdroăng ki thăm hlê ple\ng cho kal hên, laga xua ôh tá ai on tơhrik, xua mê mâu rơpo\ng a kố ôh tá châ ngăn um tivi. Ngoh Y Sol, ngế kuăn pơlê tung pơlê, tối ăm ‘nâi: Pơlê Rơteăng a kố xuân hiăng ton, laga tá hâi ai on tơhrik, vâi hdrêng vâ hriâm [ai xuân ôh tá ai on tơhrik. Púi tơngah khu râ kăn pơkuâ tơnêi têa tâp trăng hnhâng kơxái on tơhrik ăm pơlê, vâ ai on tơhrik ăm kuăn ‘ne\ng hriêm [ai, lăm tơ‘mot on tơhrik tung kơ-[in ak-qui kố tâi liăn hên. Tâng ai on tơhrik, mê roê [ơm hrik têa tơ’lêi tâ.

Ôh tá ai on tơhrik, kuăn pơlê mơngế Rơteăng dế ngăn um tivi [a\ on tơhrik in kơ-[in ak-qui

A cheăm }ư Kroă, tơring Mdrak, tơdroăng kố thăm rế tôu tuăn tâ, drêng ai troh 4 tung kơxo# 9 thôn tá hâi ai on tơhrik. Vâ tơleăng pơtân tơdroăng kố, mâu rơpo\ng hiăng mơ’no dêi liăn toi on tơhrik ivá ôh tá têi dêi cheăm. Laga, kơxái ku\n, trăng pơtân, on tơhrik ôh tá têi, ôh tá kâi vâ xúa kế tơmeăm khoăng tung hngêi. Ngoh Trần Ngọc Xuyên, kuăn pơlê a thôn 4, cheăm }ư Kroă, tối ăm ‘nâi: Nôkố mơ’no um tivi [a\ mơ’no on, on tơhrik ôh tá kâi. Kuăn pơlê tung thôn pói tơngah tơnêi têa mơ’no liăn tâp trăng hnhâng kơxái on tơhrik troh rêm rơpo\ng, vâ kuăn pơlê ai on bâ eăng a peăng kơmăng, [a\ rơhêng vâ roê hdro pế pơchên hmê [a\ on tơhrik. Nôkố pê hmê ôh tá chên, thăm nếo pế plâ hâi xuân ôh tá kâi tơnăm, ôh tá kâi chên hmê.

Tiô Khu pơkuâ ngăn ‘na kơmăi kơmok [a\ tê mơdró kong pơlê Dak Lak, nôkố lâp kong pơlê ai 37 thôn, pơlê [a\ dâng vâ chê 4 rơpâu rơpo\ng kuăn pơlê tá hâi ai on tơhrik. Drêng ai tơdroăng kuăn pơlê pói rơhêng vâ ai on tơhrik ‘nâng, hơnăm 2011, kong pơlê hiăng mơjiâng tơdroăng tơkêa pro tâp trăng hnhâng kơxái on tơhrik ăm mâu thôn pơlê kố [a\ hiăng châ Ngế pro xiâm hnê ngăn k^, laga kơ’nâi mê, xua trâm mâu tơdroăng pá puât ‘na liăn ngân, tơdroăng tơkêa pro hiăng pơtê ôh tá l^ng. Troh drêng châ Chin phuh môi tuăn vâ tâp trăng hnhâng kơxái on tơhrik, mê kơxo# liăn mơ’no hluâ tiô pơkâ, sap 89 rơtal liăn apoăng, tâk troh 162 rơtal liăn, xua mê kong pơlê Dak Lak pơtối mơdoh hâi khế pro mơ-éa. Pôa Trương Công Hồng, kăn pho\ pơkuâ ‘na kơmăi kơmok [a\ tê mơdró kong pơlê Dak Lak tối ăm ‘nâi: Klêi kơ’nâi pro kêi tơdroăng tơkêa pro pơtroh Khu xiâm pơkâ túa cheăng, mơ’no liăn cheăng, vâi tối vâ tơleăng tơdroăng tơkêa pro 37 thôn, pơlê kố. Ai xiâm kối vâ mơ’no liăn, mê thế pêi pro tơdroăng tơkêa pro kố tung tơdroăng tơkêa pro tâi tâng dêi lâp kong pơlê Dak Lak. Xua mê gá hmếo tơvâ tơvân. Khu xiâm pơkuâ túa cheăng, mơ’no liăn cheăng, Khu xiâm pơkuâ rak liăn tối vâ tơleăng tơdroăng tơkêa pro 37 thôn, pơlê kố, mê pơkâ thế pêi pro tung tơdroăng 2081.

Tiô pơkâ nếo tơbleăng tung hơnăm kố dêi Ngế pro xiâm hnê ngăn Chin phuh, kong pơlê Dak Lak châ xing xoăng dâng 1 rơpâu 500 rơtal liăn tung kơxo# liăn 30 rơpâu rơtal liăn vâ pêi pro tơdroăng tâp trăng hnhâng kơxái on tơhrik dêi tơdroăng pơkâ tơnêi têa mơjiâng thôn pơlê nếo. Dak Lak ai pơkâ, troh hơnăm 2016 kô kơjo 162 rơtal liăn vâ pêi kêi đeăng tơdroăng tơkêa pro ki tá hâi kêi đeăng. Vâ chê 4 rơpâu rơpo\ng a 37 thôn, pơlê dêi kong pơlê Dak Lak púi tơngah pơkâ kố châ po rơdâ tơtro tiô pơkâ vâ kuăn pơlê re\ng ai on tơhrik vâ xúa.

A Sa Ly tơplôu [a\ tơbleăng