VOV4.Sêdang - Hâi lơ 3 khế 7, khu ngăn ‘na pơkeăng [ă khăm pơlât kong pơlê Dak Lak po hneăng hôp tối tơbleăng pêi pro tơdroăng ‘na um tivi, rơ’jiu, internet ‘na hơ’lêh túa pơkâ rak vế ngăn pơ’leăng mâ mơngế [ă hnê mơhnhôk rêm on veăng ai kuăn preăng kuăn iâ hneăng hơnăm 2011-2015. Kăn pơkuâ khu ngăn pơkeăng [ă khăm pơlât tối rơdêi, hluâ 5 hơnăm tối tơbleăng hnoăng cheăng hơ’lêh ‘na Pơ’leăng mâ mơngế [ă mơhnhôk ai kuăn preăng kuăn iâ tung kong pơlê, ‘na pơ’leăng mâ mơngế, ‘na tơdroăng pơkâ pơ’leăng mâ mơngế [ă tơdroăng ki rơkê ple\ng châ hơ’lêh khât, tơdroăng ki rơkê ple\ng [ă pêi pro dêi mâu khu ki xúa tơdroăng ki vâ rah hdrối vâ rơneh kuăn, rak ngăn ivá châ chăn drêng rơnêh kuăn châ mơdêk ngăn khât, veăng kum mơdêk tơdroăng ki rơkê ple\ng ‘na pơ’leăng mâ mơngế, hơnăm châ pơtối rak vế ton tâ. A rôh hôp tơpui tơno, mâu kăn hiăng tơpui tơno pêi pro nhên mâu tơdroăng ki tơ’lêi hlâu, mâu tơdroăng tơpá tung pơla tối tơbleăng tơdroăng pêi pro ‘na tối tơbleăng tung um tivi rơ’jiu vâ hơ’lêh ‘na Pơ’leăng mâ mơngế [ă hnê mơhnhôk ai kuăn preăng kuăn iâ tung rơpo\ng hngêi a rêm pơlê, cheăm, kơvâ, khu pú hên [ă a rêm kong pơlê. Mâu rơkong ki tơpui tối tung rôh hôp kô cho tơdroăng ki mơjiâng túa pơkâ ăm hneăng hơnăm ki pơtối.