Bu nếo lối 2 hơnăm ai on tơhrik mê cheăng kâ dêi rơpo\ng ngoh Triệu Tiến Đức, a pơlê Rơteăng hiăng hlo tơtêk. Hngêi trăng châ mơjiâng pro le\m krip, kơdrum tiu hlo drêh ngiât, plâi kơtốu hên. Ngoh Đức têk dêi cầu dao, kơmăi ki hrik dế kơtâu. Klêi mê, [ă troăng klo\ng [ă béc châ krâ ‘măn rơnáu, tá kơdrum loăng châ tôh [ă kơmăi ki chiâng tôh xêh ôh tá eâ ai kơmăi tu tuh, ôh tá êa toi klo\ng troh a rêm xiâm loăng môi tiah hdrối nah xếo. Tiô tơmiât dêi ngoh, [ă lối 1 rơpâu xiâm [ă 1 ha 7 sào ha kơphế dêi rơpo\ng, rêm hơnăm ngoh athế tôh sap ing 4 troh 5 rôh.

Tâng tôh [ă kơmăi tu tuh mê môi rôh xuân tâi dâng 4 rơtuh liăn roê têa châu [ă lối chât hâi tôh. Nôkố ai on tơhrik, ai kơmăi ki chiâng tôh xêh, mê kơxo# liăn ‘no hrê ôh tá ‘nhó hên. Kơnôm mê, rơpo\ng ngoh ai tơ’nôm kơxo# liăn ‘măn kơd^ng. Tung ivá ki mê, ngoh dế vâ tơmiât po rơdâ pêt tơ’nôm 7 sào kơphế, tiu vâ mơnhông cheăng kâ. Tơdroăng rêh ối xuân hiăng chía niân tâ tâng vâ pơchông [ă hdrối nah:

‘’Hdrối nah, xúa on tơhrik kơtâu [ă tô mâ hâi mê xuân ối xúa [ă kơ-[in, rêm hơnăm roê môi kơ-[in dâng 8 Amper, bu châ ngăn to tơvi tê. Ai on tơhrik ai xúa kơtuh hngíu, ai kơmăi hrik têa. Ai on tơhrik mê tơ’lêi hlâu hên khât, cheăng kâ péa hơnăm vêh ngi kố hiăng hlo chía hơ’leh. Tâng pơchông [ă  mâu hơnăm hdrối mê hía nah 20 – 25 rơtuh, nôkố châ 40 – 50 rơtuh liăn’’.

Ko\ng nhân Ko\ng ti on tơhrik Dak Rlâp krâ pul on ăm vâi krâ-nho\ng o pơlê Rơteăng

Cheăng kâ mơnhông tơtêk, vâi krâ nho\ng o tung pơlê Rơteăng mơhnhôk dêi rơpó ăm kuăn ‘ne\ng troh hngêi trung, vâ ‘nâi chư, ‘nâi pơchuât. Cô yăo Nguyễn Thị Tình, pơkuâ ngăn lâm 4A1, Hngêi trung râ má môi Lý Tự Trọng, ki pro a pơlê Rơteăng tối, hdrối nah, drêng tá hâi ai on tơhrik, tơdroăng hriâm dêi mâu vâi o tung pơlê tơpá khât. Kong hâi tô mê pơ-oh khât, mâu rôh a kơxê ai kong mêi, bu ai to khía tung lâm hriâm măng muât, cô [ă hok tro athế hnê hriâm mâu chư. {ă sap ing roh ai on tơhrik troh nôkố, tơdroăng hriâm dêi mâu vâi o hiăng tơniăn tâ, thái cô hiăng châ xúa kơmăi t^nh, kơmăi séa um, xúa kong nge# thong tin vâ hnê ăm gá hơniâp ro tâ.

‘’Tâng kong mêi, rơmăng khât, ngăn ôh tá hlo troăng, tá cô [ă hok tro chêh [ai [ă ngăn a kơ-[ăng tơpá khât. Drêng kong tô, mê tô pơ-oh mâu vâi muăn hriâm, xah tung rơnó tô, lo têa kơ-xôu kơchoh tâi ếo. Sap ing roh toi kơxái on tơhrik, ai kế pê, ai on tơhrik mê tơdroăng tô pơ-oh xuân hiăng kơdroh iâ, ôh tá tơmiât xếo troh ki mê’’.

Pơlê Rơteăng nôkố ai 130 rơpo\ng, 499 pơ’leăng mâ mơngế, tung mê, ai lối 90% cho hdroâng kuăn ngo. Kố châ ngăn cho pơlê ki malối xơpá dêi tơring }ư\ Mgar. Tung pơla mâu hơnăm 2018, vâi krâ tung pơlê trâm hên tơdroăng pá puât drêng ôh tá ai on tơhrik vâ xúa tung pêi chiâk deăng, tôh mâu hdrê loăng pêt. Hâi ki mê nah, ôh tá ai on tơhrik, troăng prôk pá puât, hên ngế ôh tá kâi ối, mê hiăng lôi dêi pơlê lăm ối a tíu ê.

Ko\ng nhân dêi Ko\ng ti on tơhrik Dak Rlâp ‘mâi rơnêu troăng kơxái on tơhrik ăm vâi krâ nho\ng o a pơlê Rơteăng

Ngế ki pơkuâ pơlê, cho pôa Triệu Dương Thế chôu vế, apoăng hơnăm 2018, rôh apoăng ngăn hlo ki bâ eăng dêi on tơhrik tơnêi têa, vâi krâ nho\ng o tung pơlê bô bố xuân phiu ro. Hâi ki mê nah, xuân cho hâi ki hdró pơxiâm ăm mâu tơdroăng ki hơ’leh a kơpong tơnêi ki kố. Nôkố tung rêm toăng hngêi, vâi krâ nho\ng o xuân hiăng roê tu\m mâu tơmeăm xúa [ă on tơhrik kum ăm tơdroăng rêh ối dêi rơpo\ng hngêi. Mâu troăng hơlâ pơkâ dêi Đảng xua mê xuân tơ’lêi hlâu troh [ă vâi krâ nho\ng o tâ. Kuăn pơlê hiăng hmiân tuăn rêh ối, cheăng kâ, pro kro mơdro\ng; túa pơkâ, tuăn tơmiât vâ ‘no liăn cheăng tung cheăng kâ vâ mơnhông mâu tơdroăng ki tơmiât vâ pêi sap ing ton nah mê rế ai tơdroăng vâ chiâng pêi tâ.

‘’Sap ing ai on tơhrik mê kuăn pơlê akố mâu tơdroăng cheăng tung rơpo\ng hngêi châ roê xúa hên mâu kế tơmeăm ki le\m tâ. Péa hơnăm hdrối nah mê bu ai on a kơmăng xo, sap ing ai on tơhrik châ roê tơvi, kơtuh hngíu, kơmăi roh hmân ếo, têa hum xuân ai. Tối tơdjuôm cho kum ăm kuăn pơlê mơnhông mơdêk cheăng kâ rế hía rế tơtêk’’.

Tơdroăng tơkêa ‘no hrik ăm pơlê Rơteăng [ă pơlê Jarai, cheăm Ea Kuêh ối tung tơdroăng tơkêa ‘no on tơhrik thôn pơlê sap ing on tơhrik Tơnêi têa, hneăng má 1 ‘no ăm mâu thôn, pơlê ki ai tơdroăng ki vâ on tơhrik, xua Khu ngăn cheăng kơmăi kơmok [ă tê mơdró pro ngế ki ‘no liăn cheăng.

Tơdroăng kố ivá xiâm cho vâ kuăn pơlê tơniăn tung rêh ối, hbrâ rơnáu tăng troăng vâ mơnhông mơdêk, mơ-eăm hluăn ing kơtiê, pro kro mơdro\ng.

On tơhrik a pơlê Rơteăng hiăng mơdêk mâu tơdroăng pêi chiâk deăng, pro ivá tung cheăng kâ, mơdêk tơdroăng rêh ối ăm kuăn pơlê a tíu kố.

Nam Trang chêh

Katarina Nga tơplôu [ă tơbleăng