VOV4.Sêdang -Hâi lơ 16/8, Kŏng an tơring Krông Pač, kong pơlê Dak Lak hiăng pơkâ tơdroăng ki săm tối tơdroăng ki pro pơreăng tâ tú rơ-iô ăm mơngế a khế 8/2021 a thôn 6 ƀă thôn 7 cheăm Vụ Bổn, hiăng pro chiâng ai 2 tíu pơreăng COVID-19 ƀă lối 20 ngế. Klêi kơ’nâi châ ‘nâi mâu tíu ki ai pơreăng, khu kăn pơkuâ tơring Krông Pač hiăng athế mơdât prôk lăm tâi tâng tung cheăm Vụ Bổn ƀă lối 4 rơpâu rơpŏng, dâng 18 rơpâu pơ’leăng mâ mơngế vâ pêi pro mâu troăng hơlâ séa ngăn, hbrâ mơdât pơreăng tâ tú tung pơlê pơla.

Dak Lak pơsăm tơdroăng ki pro tâ tú pơreăng COVID-19 a cheăm kơpong hngế hngo Vụ Bổn

Tơdrêng amê, Vi ƀan hnê ngăn tơring Krông Pač xuân pơxâu hôu kăn hnê ngăn Vi ƀan cheăm Vụ Bổn xua ôh tá vâ hmâng tung hnoăng cheăng hbrâ mơdât pơreăng. Tơdroăng ki săm tối cheăm Vụ Bổn cho vâ pêi pro nhên ‘na tơdroăng ki xôi “Cho tơkŏng pơreăng ăm tâ tú hên mơngế” pơkâ a troăng 240 Luât tơdroăng xôi.

Riân troh kơxê hâi lơ 16/8, kong pơlê Dak Lak ai 527 ngế tâ COVID-19, tung mê ai 426 ngế dế pơlât, 2 ngế hlâ, ai 99 ngế hiăng pơlât prêi châ lo ing hngêi pơkeăng.

Katarina Nga tơplôu ƀă tơbleăng