VOV4.Sêdang - Tung mâu hâi ki kố, pơlê kong kơdrâm Buôn Ma Thuột sôk ro dêi rơnó leh mơd^ng kaphê rôh má 5, tơbâ 40 hơnăm pro tơleăng le#m pơlê kong kơdrâm Buôn Ma Thuột.

Um ki 1: Khu kăn pơkuâ kong pơlê Dak Lak pơcháu hlá kơ ăm mâu ki rơkê.

Hâi hnah, lơ 8 khế 3, a kơpong tíu tơbâ nhâ loăng kuăn kiâ dêi Ko\ Tam, pơlê kong kơdrâm Buôn Ma Thuột, hiăng pơxiâm po tơ’noăng pong rơgi um loăng Tây Nguyên. Kố cho môi tung mâu tơdroăng mơhno mơjiâng túa le#m to ki le#m tơviah vâ troh hâi leh mơd^ng kơphế Buôn Ma Thuột rôh má 5 hnăm 2015. Po săp lơ 8 khế 3 troh lơ 11 khế 3, Hneăng tơ’noăng pong rơgi um loăng Tây Nguyên rôh kố tơku\m ai 37 ngế ki rơkê lo ing mâu pơlê dêi kong pơlê Kon Tum, Gia Lai [ă Dak Lak. Bố pơchông [ă mâu tơmeăm ki ku\n, mâu nghe# nhân kô mơđah tơdroăng ki rơkê tơná ‘na pong rơgi um loăng mơtiah pro um kuăn mơngế, pro um ‘na tơdroăng rêh ối rêm hâi, mơhno khôi túa vêa vong ki le#m tro dêi kuăn ngo Tây Nguyên; ‘na kong kế kuăn kiâ, chêm chok, khu um ki rơneăm trêi hngêi, hngêi trá, pro um kuât, kơneăng têa; um rơneăm a kuât hngêi, hngêi tơnâp kiâ, kuâ kuât [ă hía hé. Kố cho tơdroăng pêi pro vâ ôu eăng khôi túa vêa vong ki le#m tro dêi mâu hdrông kuăn ngo Tây Nguyên, tơbâ 40 hnăm plâ tơleăng le#m Buôn Ma Thuột pro tơleăng le#m Tây Nguyên, pro rế hên mâu tơdroăng leh mơd^ng kaphế rôh má 5 dế po a kong ngo kong pơlê Dak Lak.

Um ki má 2: Mâu vâi krâ ki pong, rơgi loăng.

            Gương tơplôu