VOV4.Sêdang - Rôh hôp má 2 Hô̆i đŏng hnê ngăn kong pơlê Dak Lak hneăng 10, hneăng hơnăm 2021- 2026 po tung pơla 2 hâi lơ 12 ƀă 13/8. Po tung pơla pơreăng COVID-19 tâ tú rơ-iô a kong pơlê. Rôh hôp kố hiăng châ tơkŭm po tiô tơdroăng mơ’no tung um tiô troăng hyôh Internet ƀă 8 tíu mơ’no vâ tơniăn mâu pơkâ ‘na hbrâ mơdât pơreăng. A rôh hôp mê, Hô̆i đong kong pơlê Dak Lak hiăng tối tơdroăng pêi pro tiô pơkâ mơnhông cheăng kâ - rêh ối, rak tơniăn ‘na tơdroăng cheăng lêng, kring vế tơniăn 6 khế apoăng hơnăm; mâu tơdroăng cheăng, troăng rơhlâ ki kal 6 khế mơ’nui hơnăm 2021.

2 tíu mơ’no tơdrêng tung um tivi tiô troăng hyôh internet Hô̆i đong hnê ngăn kong pơlê Dak Lak

6 khế hdrối, mơhé tơdjâk xua pơreăng COVID-19, la tơdroăng tơkŭm mâu kăn hnê mơhno pêi pro ‘’tơpéa tơdroăng’’, hlối hbrâ mơdât pơreăng hlối mơnhông cheăng kâ rêh ối, ki pơxúa tung tâi tâng tơmeăm pêi lo tung kong pơlê (GRDP- yă pơchông ngăn hơnăm 2010) xuân ối châ lối 22 rơpâu 200 rơtal liăn, tâk 9,11%.

Rôh hôp má 2 Hô̆i đong kong pơlê hneăng 10 hôp tơdrêng ‘no tung um tiô troăng hyôh internet a 8 tíu 

Tâi tâng liăn ngân tơnêi têa châ 3 rơpâu 595 rơtal liăn, tâk 11,5% tâng vâ pơchông ƀă hơnăm nah; mâu tơdroăng mơhno túa le\m tro - pơlê pơla pơtối tơniăn; mâu pơkâ tŏng kum tơniăn rêh ối châ tơmâng pêi pro; tơdroăng rêh ối kuăn pơlê châ tơniăn.

A rôh hôp, mâu kăn kô hnê tối ‘na troăng rơhlâ pêi mâu khế u ối dêi hơnăm 2021; tơpui tơno, tơbleăng mâu pơkâ tơdjâk troh pơkâ mơnhông cheăng kâ - rêh ối kong pơlê Dak Lak 5 hơnăm la ngiâ. Tâi tâng 8 tíu mơ’no. Hdrối vâ veăng hôp roh má má péa, Hô̆i đong kong pơlê Dak Lak hneăng 10 mâu kăn tối châ test rĕng vâ ngăn hôm ai SARS- CoV2 ƀă châ mơhno ăm tíu ối kơtăn, truâ kên pâng môh rơkong vâ pro tro tiô pơkâ mơdât pơreăng.

Gương tơplôu [ă tơbleăng