VOV4.Sêdang - Pâ re\ng hlâ, nôu châi tamo râ mê o Nguyễn Thị Huyền, sinh viên hngêi trung đại học Quốc gia pơlê kong kân Hồ Chí Minh thế pơtê hriâm tơdế rá vêh dêi apơlê veăng pêi viâ mâu tơdroăng cheăng tung rơpo\ng hngêi. Tơkâ hluâ xơpá, Nguyễn Thị Huyền hiăng mơjiâng khu tơru\m cheăng păn prui ki apoăng a pơlê kân Quảng Phú, tơring C|ư mgar, kong pơlê Dak Lak, kơlo liăn châ xo tơ’mot sap ing 600 troh 700 rơtuh liăn rêm hơnăm. Tuấn Long, Ngế chêh hla ngế chêh hla tơbeăng dêi Rơ’jiu Việt Nam kơpong Tây Nguyên ai chêh tối ‘na túa pêi cheăng mê.

Hơnăm 2010 nah, pâ re\ng hlâ dế o ối tơx^n, o Nguyễn Thị Huyền, sinh viên hngêi trung đăi ho\k tơnêi têa pơlê kong kân Hồ Chí Minh, pơtê hriâm, vêh dêi a pơlê, a pơlê kân Quảng Phú, tơring }ư Mgar, kong pơlê Dak Lak, rak ngăn nôu tamo châi. Vâ ai liăn pơlât dêi nôu tamo châi [a\ ai liăn ngân roê kế tơmeăm khoăng tung rơpo\ng, Huyền lăm mung liăn vâi u kố u mê, hlá pêi chiâk deăng, păn kơpôu ro, í peâp. Apoăng, păn chu tro lu\p hên, Nguyễn Thị Huyền, re\ng ti tăng túa pêi cheăng ki nếo, mê cho păn prui: Drêng nôu a mung liăn a Khu pơkuâ kuăn pơlê pêi chiâk deăng cho 4 rơtuh liăn, mê mơjiâng pro kơdroăng păn chu, păn xuân châ tơ-[rê. Troh hơnăm 2012, xua yă rơpâ, mê tro lu\p hên, ôh tá păn chu xếo. Xua châ mơhúa, hdrối nah hngêi trung ăm lăm a Hà Nội, lăm a mê lăm ngăn mâu rơpo\ng păn prui châ tơ-[rê, mê a roê hdrê prui păn.

            Apoăng hơnăm 2012, ing Tây Nguyên, Nguyễn Thị Huyền lăm a tíu păn prui a Vạn Phúc, pơlê kong kân Hà Nội vâ roê 200 kuăn prui vâ păn. Apoăng, xua tá hâi ‘nâi túa păn, mê prui hlâ châ tơdế, mê tro lu\p. Hơnăm ối nếo kơhnâ mơ-eăm, kho\m păn troh tá tui lui, Huyền pơtối ti tăng ple\ng, tăng pơchuât tung mơ-éa ‘na kih thua#t păn prui. Huyền tối: Prui păn tơ’lêi môi tiah í, xúa pâk pơkeăng vaccine môi tiah í, prui hiăng châ 1 hâi, mê pâk vaccine Marek, 3 hâi mê pâk vaccine Newcastle, 7 hâi mê pâk Moro. Prui iâ pơrea\ng tâ í, mo dâi, ôh tá mơ’no hên liăn vâ păn.

            Tơkâ hluâ pá puât apoăng, thăm nếo tro lu\p, Nguyễn Thị Huyền hiăng ‘nâi kih thua#t [a\ túa păn prui. Kố cho túa vâ Huyền khên tơnôu mung 1 hectar tơnêi, mung 160 rơtuh ing hngêi arak liăn kum tung pêi chiâk deăng [a\ mơnhông mơdêk thôn pơlê, mơ’no liăn po rơdâ mơjiâng pro rông păn, păn 2 rơpâu to prui.

            Ing châ tơ-[rê apoăng dêi rơpo\ng, Nguyễn Thị Huyền hiăng tơbleăng [a\ hên kuăn pơlê a pơlê kân [a\ mơjiâng khu tơru\m cheăng păn prui a tơring }ư Mgar, [a\ 25 rơpo\ng veăng păn. Troh nôkố, khu tơru\m cheăng ai 5 rơpâu to prui hiăng kơtâ, vâ pro hdrê; đi đo ai dâng 20 rơpâu prui ki vâ tê, pêi lo liăn tơkâ rêm hơnăm sap 600 troh 700 rơtuh liăn. Nâ Nguyễn Thị Kim Đạt, ối a kho#i 1, pơlê kân Quảng Phú, tơring }ư Mgar, khu tơru\m păn prui tối ăm ‘nâi: Huyền păn tung tơring, a hlo châ liăn tơkâ hên, mê a păn há, vâ pêi lo liăn, Huyền tê á prui kuăn [a\ hnê kih thua#t, a hlo tơdroăng cheăng kâ châ tơ-[rê, nôkố a mơ’no liăn păn 1 rơpâu to prui. Môi hơnăm, châ liăn tơkâ sap 60 troh 70 rơtuh liăn.

            Tiô Tíu xiâm mơhnhôk pêi chiâk deăng kong pơlê Dak Lak, prui ai ivá kâi hbrâ mơdât pơrea\ng, iâ tro tâ pơrea\ng, hơ’nêh kơhiâm, tơ’lêi pế pơchên, tê tung kơchô yă dâng 180 rơpâu liăn môi kilô, tơ’lêi châ tê. Pôa Ngô Nhân, kăn pơkuâ Tíu xiâm mơhnhôk pêi chiâk deăng kong pơlê Dak Lak tối ăm ‘nâi, túa khu tơru\m cheăng păn prui dêi nâ Nguyễn Thị Huyền a tơring }ư Mgar châ tơ-[rê khât, kô chiâng vâ po rơdâ: Kố cho túa păn prui ki rơkê tơtro dêi kuăn pơlê, tung la ngiâ, ngin kô hnê mơhno, pro tơ’lêi hlâu ăm kuăn pơlê mơjiâng inâi a tơring. ‘Na kơ koan cheăng, ngin xo vế túa ki rơkê tơtro, kih thua#t păn vâ hnê ăm kuăn pơlê ki păn prui.

            {a\ tơdroăng vâ pêi mâu tơdroăng dêi tơná pói vâ dêi mâu droh rơtăm, Nguyễn Thị Huyền tối ăm ‘nâi, tung la ngiâ kô pro kêi hô sơ, mơ-éa ăm phêp mơjiâng Ko\ng ti păn prui. Tơdrêng amê, tơru\m [a\ ko\ng ti  pro mâm prui ‘măn tung kơtuh hngiú, vâ păn hên prui.

A Sa Ly tơplôu [a\ tơbleăng