VOV4.Sêdang - Hiăng ai mâu tơdroăng ki hơ’lêh trâu hơngế tung cheăng kâ pú hên a kong pơlê Dak Lak tung 5 hơnăm hiăng hluâ, mê cho rơkong tối rơdêi dêi Khu tơru\m cheăng kong pơlê Dak Lak hdrối vâ po hneăng hôp kân rôh má 5. Nôkố, tung lâp kong pơlê Dak Lak ai 358 khu tơru\m cheăng [ă khu tơru\m cheăng ki tăng cheăng pêi ăm dâng 12 rơpâu ngế pêi cheăng. Tung 5 hơnăm hiăng hluâ, rêm hơnăm, Dak Lak ai tơ’nôm 20 khu tơru\m cheăng ki nếo châ mơjiâng. Tơdrêng amê, ai 70 khu tơru\m cheăng ki ối ‘ro, tá hâi pêi pro klêi hiăng pơtê cheăng lơ hơ’lêh chiêng khu mơdró kâ ki ê. Tơdroăng cheăng pêi, kơvâ pêi cheăng dêi khu tơru\m cheăng xuân châ po rơdâ hên h^n, malối athế tơtro\ng ‘na mâu tơdroăng ki ó rơdêi dêi kong pơlê, môi tiah: pêi cheăng [ă kơmăi kơmok, tơdroăng cheăng pêi tiô khôi hmâ sap ing mâu tơmeăm ki pro [ă loăng, teăn rơneăm hmôu, djiâ. Mâu khu tơru\m cheăng rế hía rế ‘mâi mơnhông tơtêk, tơku\m pêi pro tiô túa ki nếo, tơ’mot rế hía rế hên ngế veăng pêi.

Katarina Nga chêh [ă tơbleăng