Klêi kơ’nâi 3 hơnăm mot tơru\m tung kơchơ tê mơdró, mâu tơmeăm dêi ko\ng ti tơlo liăn Damaca Nguyên Phương hiăng ai inâi. Pơ’leăng plâi mắc ca têng kơdôu dêi Ko\ng ti châ tê ki hên a mâu pơlê kong kân [a\ tê tơmeăm ngi kong têa ê dêi kuăn pơlê a tíu tơkăng kong tê a Canada [a\ Đài Loan.

Tíu pêi cheăng dêi Ko\ng ti ối a cheăm Phú Lộc, tơring Krông Năng, kong pơlê Dak Lak xua nâ Nguyễn Thị Thu Phương (kot mâ hơnăm 1992) pro Kăn pơkuâ pro eăng ‘na ngế hơnăm nếo pơxiâm tăng cheăng pêi a kong pơlê Dak Lak.

Châ tơ-[rê ing roh Tơ’noăng pơxiâm pêi cheăng ing tê mơdró kong pơlê Dak Lak hơnăm 2018 [a\ châ kâ Mê dái ki kơnâ má môi, ko\ng ti tơlo liăn Damaca Nguyên Phương hiăng châ mơ’no liăn pêi tiô rơxông nếo, tơdâng tơ’mô; tơtro\ng hơ’leh nếo tơmeăm. Ki rơhêng vâ tối, a roh tơ’noăng má mơ’nui Shark Tank Việt Nam tung 3 hơnăm kố, nâ Phương hiăng tăng châ kơxo# liăn tơ-[rê 5 rơtal liăn ăm 36% tơmeăm dêi ko\ng ti.

Nôkố, kơxo# liăn mơ’no dêi Ko\ng ti ai 4 rơtal liăn, pêi lo châ sap ing 442 rơtuh liăn (hơnăm 2016) hiăng châ lối 5 rơtal liăn a mơ’nui hơnăm 2018 [a\ tiô tối hdrối kô châ dâng 8 rơtal liăn a mơ’nui hơnăm kố, châ liăn tơkâ 20%. Ko\ng ti xuân dế tăng cheăng pêi [a\ pêi lo liăn tơniăn ăm 20 ngế pêi cheăng tung cheăm.

Nâ Nguyễn Thị Thu Phương [a\ pơ’leăng plâi mắc-ca a tíu mơđah tơbleăng tơmeăm a kơchơ

Tối ‘na tơdroăng pơxiâm pêi cheăng kâ, nâ Nguyễn Thị Thu Phương tối ăm ‘nâi, a hơnăm 2016, pơ’leăng plâi mắc-ca tá hâi ai tíu tê a kơchơ Việt Nam, xua mê mâu ngế ki ahdrối pêt loăng plâi kố tá hâi ai tíu tê tơniăn. Rơtế amê, a kơchơ tê mơdró Việt Nam tá hâi ai kơmăi kơmok ki uâ mơdiê xua mê, drêng pơxiâm tăng cheăng pêi [a\ pơ’leăng plâi kố, nâ Phương thế ti tăng ple\ng kơmăi kơmok vâ uâ mơdiê, lo\ng kơtôu xo pơ’leăng. Kơmăi kơmok tá hâi tơdâng tơ’mô, tá hâi rơkê tung uâ mơdiê xua mê pơ’leăng plâi ôh tá dâi le\m tiô pói vâ, tro lu\p hên.

Tâi môi hơnăm ti tăng ple\ng [a\ tro lu\p, mơ’nui hơnăm 2016, nâ Phương hiăng uâ mơdiê châ tơ-[rê pơ’leăng plâi mắc-ca [a\ tê tung kơchơ tê mơdró.

‘’Pơ’leăng plâi mắc-ca cho tơmeăm dêi pơlê. Gá cho môi tơmeăm nếo laga ai ivá mơnhông tơtêk kân [a\ châ hên ngế hâk vâ, ôh tá xê to a kơchơ tê mơdró Việt Nam mê a mâu kong têa lâp plâi tơnêi. Xua mê, á tơmiât drêng á tăng cheăng pêi tiô troăng pro môi tơmeăm le\m ăm ngế xúa, ki má lối cho tung pái hơnăm hiăng hluâ, pêi cheăng mê châ ngế rôe hâk vâ rôe mê á tơmiât cho tơmeăm ki vâ mơnhông tơtêk’’.

Xuân mơ-eăm pro kro mơdro\ng a tơnêi pơlê xiâm, ngoh Hoàng Văn Tiến (kot mâ hơnăm 1991), ối a cheăm }ư\ Kpô, tơring Krông {uk, kong pơlê Dak Lak mê rah tơdroăng cheăng pêi păn chó, chó ki le\m mơnâ mâ ngăn vâ pơxiâm tơdroăng pêi cheăng kâ. Ngoh Tiến tối ăm ‘nâi, hlo tơdroăng ki kal vâ păn chó, ki má lối cho chó ki mơnâ mâ ngăn dêi tơmối lâp tơnêi têa rế hía rế tâk, ngoh [a\ to lâi ngế pú hmâ hiăng tơru\m Khu cheăng păn mơnăn Hoàng Gia tíu cheăng a }ư\ Kpô, tơring Krông {uk. {a\ hên tơdroăng môi tiah: păn mơnăn mơnôa, tê rôe chó miếo, tê rôe tơmeăm che\m mơnăn păn, rak ngăn, k^ pơtroh, mơhum chó, pôe xâk chó, pơlât chó, ti tiô pro hdrê, ngăn chó miếo ku\n, um ‘na chó miếo [a\ hía hé.

Kố châ ngăn cho tơru\m cheăng apoăng dêi Dak Lak pêi cheăng ‘na kơvâ kố. Tơru\m cheăng ai 7 khu ngế tơru\m cheăng, kơxo# liăn mơ’no apoăng 1 rơtal 500 rơtuh liăn, [a\ dâng 200 to chó ki mơnâ mâ ngăn tu\m túa ối tung 8 hdrê chó kong têa ê ki châ ô eăng môi tiah Alaska, Husky, Poodle, Pug, Bulldog [a\ hía hé.

Ngoh Hoàng Văn Tiến (peăng hơ-ếo) veăng roh tơ’noăng ‘na chó ki le\m mơnâ mâ ngăn, miếo le\m mơnâ mâ ngăn [a\ châ kâ pri má môi

Tung tơdroăng pêi cheăng, Khu tơru\m cheăng hiăng po châ 2 tíu a pơlê kong kân Hồ Chí Minh [a\ Cần Thơ, hnê mơjiâng tê kơtê ăm 15 ngế hriâm ‘na kơvâ păn mơnăn, pro le\m ăm chó, rak ngăn pơlât ăm chó miếo. Hên ngế tung kơxo# kố hiăng po xêh tíu păn tê chó lơ pêi cheăng a mâu tíu păn chó miếo a mâu pơlê kong kân. Tối ‘na troăng mơnhông mơdêk dêi khu tơru\m cheăng la ngiâ, ngoh Tiến tối ăm ‘nâi kô mơjiâng khu tơru\m cheăng chiâng hên h^n tíu rôe tê chó miếo ki mơnâ mâ ngăn châ loi tơngah tung lâp tơnêi têa.

‘’Tung tơdroăng păn mê á ti tăng ple\ng mê châ hriâm a mơngế ki rơkê ‘na păn chó miếo ki mơnâ mâ ngăn, vâi hlo pin ai mơ-eăm, ai hâk vâ, mơ-eăm hên mê vâi kô kum pin ‘na păn chó miếo ki mơnâ mâ ngăn. La ngiâ dêi khu tơru\m cheăng Hoàng Gia mê cho mơ-eăm pro kong pơlê Dak Lak chiâng môi tíu pro hdrê chó mơnâ mâ ngăn, miếo mơnâ mâ ngăn, vâ lâp tơnêi têa Việt Nam ‘nâi a Dak Lak cho môi tung mâu kong pơlê pro hdrê chó miếo mơnâ mâ ngăn ô eăng má môi Việt Nam’’.

Troh nôkố kong pơlê Dak Lak hiăng ai 9 khu tơru\m cheăng Droh rơtăm [a\ 134 khu tơru\m cheăng droh rơtăm châ mơjiâng. Mâu khu tơru\m cheăng, tôh tơru\m cheăng kố hiăng tơku\m hên đoân viên droh rơtăm rơtế tơlo liăn mơjiâng túa pêi cheăng kâ ki tơtro [a\ ki mơnhông rơdêi dêi droh rơtăm thôn pơlê.

Rơtế amê, tung 5 hơnăm kố nah lâp kong pơlê hiăng mơjiâng [a\ pơtối rak 45 kâu lăk [o# droh rơtăm pơxiâm pêi cheăng kâ kân [a\ pêi cheăng kâ rơkê, diâp 38 kơxuô kơxo# liăn pơxiâm pêi cheăng kân ăm droh rơtăm mơnhông cheăng kâ [a\ tâi tâng kơxo# liăn 620 rơtuh liăn. Ai 26 tơdroăng tơkêa bro drêng châ to\ng kum hiăng pêi cheăng kâ châ tơ-[rê [a\ vêh mơdrếo kơxo# liăn. Ngoh Y Lê Pas Tơr, kăn hnê ngăn Khu tơru\m droh rơtăm kong pơlê Dak Lak tối, kố cho mâu tơdroăng châ tơ-[rê vâ mơhnhôk [a\ kal châ pơtối mơnhông tung la ngiâ:

‘’Pơtối mơ-eăm mơnhông tơtro hnoăng dêi mâu khu tơru\m cheăng dêi Khu xuân môi tiah hnoăng dêi kơdrâm mâu đoân viên, droh rơtăm tung kong pơlê, la ngiâ hên ngế, hên khu droh rơtăm. Pro ti lâi vâ mơnhông ki rơkê dêi rêm ngế droh rơtăm. Vâ chiâng pêi tơdroăng kố pơkâ thế hbrâ dêi khu tơru\m droh rơtăm tung ‘nâi tơdroăng kal vâ dêi droh rơtăm, klê ple\ng droh rơtăm, rơtế [a\ droh rơtăm. Ing mê, tiô tơdroăng ki ai nôkố [a\ tơdroăng kal vâ, pói vâ dêi droh rơtăm’’.

{a\ hnoăng cheăng dêi tơná, Khu pơkuâ Đoân droh rơtăm kong pơlê [a\ Khu pơkuâ droh rơtăm kong pơlê Dak Lak hiăng chiâng kông tơdjêp droh rơtăm ai pói vâ [a\ mơ-eăm tung pơxiâm pêi cheăng kâ [a\ mâu khu tê mơdró, tíu cheăng to\ng kum ‘na liăn ngân, ăm mung liăn pêi pro mâu tơdroăng tơkêa bro kum droh rơtăm mơnhông mơdêk cheăng kâ. Kơnôm tiah mê, tơdroăng pơxiâm pêi cheăng kâ droh rơtăm hiăng châ tơ-[rê [a\ troh lâp lu, thăm mơhnhôk hên droh rơtăm khên tơnôu tăng cheăng pêi, mơnhông cheăng kâ, pro kro mơdro\ng ki le\m tro.

H’Xíu H’Mok chêh

A Sa Ly tơplôu [a\ tơbleăng