VOV4.Sêdang - A kong pơlê Dak Lak, môi tơdroăng tơkêa bro ki pơkâ lăm pro pơlê nếo ai tâi tâng kơxo# liăn ‘no lối 50 rơtal, tá hâi châ pơkâ tơleăng tung 6 hơnăm hiăng hluâ xua mâu kơ koan, kơvâ chăng dêi kong pơlê hrá bro hlá mơéa. Pôa Y Bang H’Đơk, kăn hnê ngăn Vi[an tơring Lak ăm ‘nâi, tơdroăng tơkêa bro vâ mơjiâng pơlê nếo a [uôn Lách Ló, cheăm Nam Ka châ pơkâ pơxiâm pro sap ing hơnăm 2009 nah, [ă tơdroăng ki xiâm cho vâ rak tơniăn tơdroăng rêh ối ăm vâi krâ nho\ng o hdroâng kuăn ngo akố. Tung mê, tơdroăng ki mơjiâng pro 9 km troăng tơdjêp mot tung mâu pơlê hiăng mơjiâng châ lối tơdế, bu ối 3 km tá hâi châ pro xua tơkâ hluâ tơnêi dêi Khu rak ngăn kong ilâng Nam Ka. Tiô pơkâ, drêng tơdroăng tơkêa bro xúa tơnêi kong, mê ngế ki ‘no liăn cheăng [ă kơ koan ki pêi dêi hnoăng cheăng kong pơlê athế chêh pro hô sơ pơkâ thế Khu xiâm ngăn chiâk deăng [ă mơnhông mơdêk cheăng kâ rêh ối thôn pơlê ăm phêp hơ’lêh tơdroăng ki xúa tơnêi kong. La hên hơnăm hiăng hluâ, mơhé Vi[an hnê ngăn tơring Lak hiăng hên hdroh pâ thế, la hlá mơéa kố xuân tá hâi châ kơ koan ki ai tơdjâk dêi kong pơlê Dak Lak pêi pro, mê chiâng pro ăm lối chât rơtal liăn ôh tá châ mơ’no vâ pêi mơjiâng mâu tơmeăm khoăng akố.

Katarina Nga tơplôu [ă tơbleăng