VOV4.Sêdang - Kong mêi kân xua tơdjâk khía rôh má 6 plong mot a Dak Lak hiăng pro lối 400 toăng hngêi, lối 600 ha loăng tro têa lu, lối 250 met karê troăng prôk hiăng tro tơ’nhiê lơ tro têa mơhiu.

Châ tơdế mâu rơpo\ng dêi pơlê Bàng, cheăm Dak Liêng, tơring Lăk (Dak Lak) tro têa lân lu

Troh kơxêi lơ 11/11, a Dak Lak xuân ối kong mêi, têa a mâu têa kroăng têa pró pơtối tâk đik, pro lu báu loăng, hngêi trăng kuăn pơlê a mâu pơlê cheăm ki klong. Tơring Lăk cho kong pơlê ki ai têa lân lu rơ-iô má môi, ai lối 300 rơpo\ng kuăn pơlê ki ối a tíu rơ-iô, thế kuăn pơlê, kế tơmeăm châ lăm ối tíu tơniăn vâ ví tro lup.

Tơring Krông Bông xuân tro lu\p ó, vâ chê 1.100 ha loăng plâi tro têa lu, 300 rơpo\ng kuăn pơlê a cheăm Hòa Phong oh tá ai troăng prôk xua têa lu trâu hlối tơhnâp tơnêi. Khu râ pơkuâ cheăng mâu tơring [ă kong pơlê Dak Lak hiăng lăm troh a tíu têa lu vâ kum kuăn pơlê tơkâ luâ kong pêi khía mơhot, vâ hbrâ kong mêi têa rơlêa tơnêi tơhnâp, tơbleăng ăm mâu tíu a troăng prôk ki tro têa lu vâ kum kuăn pơlê prôk lăm tơniăn.

Gương tơplôu [ă tơbleăng