VOV4.Sêdang - Khu kăn dêi Khu pơkuâ cheăng Đảng kong pơlê Dak Lak xua pôa Bùi Văn Cường, Kăn cheăng tung tíu xiâm Đảng, Kăn pơkuâ cheăng Đảng kong pơlê pơkuâ xiâm hiăng ai roh pêi cheăng [a\ Khu pơkuâ ‘na mơjiâng pro tơmeăm ‘na ki châ tơ-[rê pêi pro hnoăng cheăng hơnăm 2019 [a\ troăng pêi pơkâ hơnăm 2020.

A roh pêi cheăng, pôa Bùi Văn Cường mơnhên tối mâu tơdroăng châ tơ-[rê ki Khu pơkuâ mơjiâng pro tơmeăm Dak Lak hiăng châ ai tung hơnăm 2019, tơdrêng amê, pơkâ tung hơnăm 2020, Khu pơkuâ mơjiâng pro tơmeăm kal tơku\m pêi pro tro pơkâ mơjiâng tơmeăm khoăng, hngêi trăng mơhno khôi túa le\m dêi mâu hdroâng kuăn ngo Tây Nguyên; tơmâng hnê mơjiâng, mơdêk ki ple\ng rơkê ăm mâu kăn [o#.

Pak^ng mê, pôa xuân pơchân kơvâ Mơjiâng tơmeăm kal ai troăng vâ mơhnhôk kuăn pơlê mơjiâng mâu tơmeăm khoăng, hngêi trăng tiô pơkâ; pơtối pêi pro tro tung hơ’leh pro mơ-éa; thăm tơru\m cheăng pơla mâu khu cheăng, kơvâ cheăng [a\ hbrâ drêng ai to\ng kum dêi tơnêi têa vâ mơ-eăm kêi đeăng mâu pơkâ, hnoăng cheăng dêi kơvâ.

A Sa Ly tơplôu [a\ tơbleăng