VOV4.Sêdang - Tiô Khu hnê mơhno cheăng hbrâ mơdât pơreăng COVID-19 kong pơlê Dak Lak, tung hâi lơ 12/8, lâp kong pơlê ai tơ’nôm 12 ngế tâ COVID-19. Mơdêk kơxô̆ ngế tâ tú a kong pơlê tâk troh 476 ngế. Tung kơxô̆ 12 ngế tâ nếo châ ‘nâi ai 3 ngế tâ tú pơreăng sap ing pơlê kong kân Hồ Chí Minh ƀă kong pơlê Đồng Nai. 9 ngế ki u ối ai tơdjâk troh mâu ngế ki tâ pơreăng hiăng châ ‘nâi hdrối mê.  Ki rơhêng vâ tối ai 3 ngế tâ ing tíu ki ai pơreăng a cheăm Vụ Bổn, tơring Krông Pač.

Kơpong Block C dêi hngêi chưng cư Hoàng Anh Gia Lai

2 ngế ki châ ‘nâi a kơpong tíu ối tơdjuôm Hoàng Anh Gia Lai, bêng Tự An, pơlê kong kơdrâm Ƀuôn Ma Thuột ai tơdjâk troh ngế ki tâ pơreăng a thôn 20, cheăm Čư̆ Bông, tơring Ea Kar. Tơdjâk troh 2 ngế ki tâ pơreăng kố, kơvâ ngăn pơkeăng ƀă khăm pơlât Dak Lak hiăng tí tăng châ 15 ngế F1, tung mêai 2 ngế F1 test rĕng ăm ‘nâi yương tĭnh ƀă SARS –CoV-2. Tung kong măng lơ 11/8, khu ki ai tơdjâk troh hiăng mơdât prôk lăm ƀă pâk xo mơheăm test rĕng ăm kuăn pơlê kpong Block C dêi chung cư Hoàng Anh Gia Lai.

Test rĕng ăm kuăn pơlê kơpong Block C dêi hngêi chưng cư Hoàng Anh Gia Lai

Tung hâi lơ 12/8, kơvâ ngăn pơkeăng ƀă khăm pơlât Dak Lak xuân diâp mơéa lo ing hngêi pơkeăng ăm 20 ngế tâ COVID-19. Tiah mê, troh nôkố, Dak Lak hiăng ai 74 ngế châ pơlât prêi COVID-19 ƀă hiăng châ lo ing hngêi pơkeăng.

Nga tơplôu ƀă tơbleăng