VOV4.Sêdang - Tiô Khu hnê mơhno hbrâ mơdât pơreăng COVID-19 kong pơlê Dak Lak, tung hâi lơ 9/8, lâp tung kong pơlê ai tơ’nôm 19 ngế yương tĭnh ƀă SARS –CoV-2.  Tung 19 ngế ki nếo tâ tú mê, ai 11 ngế tâ tú tung kuăn pơlê ƀă 8 ngế a mâu kơpong klâ krê. kơxô̆ 11 ngế tâ tú tung kuăn pơlê mê, ai 6 ngế F1 dêi tíu tâ tú ki nếo châ ‘nâi a cheăm Ea Riêng, tơring MDrak tung hâi lơ 8/8; 3 ngế ki nếo tâ tú hâi teăm ‘nâi xiâm tâ tú a thôn 6, cheăm Vụ Bổn, tơring Krông Pač.

Xo mơheăm têa môh têa hế vâ ngăn lơ tâ tú COVID-19 a cheăm Vụ Bổn

Pa kĭng 3 ngế mê, tiô kăn hnê ngăn Vi ƀan cheăm Vụ Bổn, ối ai 17 ngế test rĕng ăm hlo yương tĭnh, dế tơkôm mơnhên dêi Tíu xiâm séa ngăn pơkeăng mơdât pơreăng kong pơlê Dak Lak. Tiah mê, riân troh 17h , hâi lơ 9/8, kong pơlê Dak Lak hiăng ai 410 ngế yương tĭnh ƀă SARS –CoV -2. Tung mê dế pơlât ăm 393 ngế, 16 ngế hiăng pơlât prêi ƀă 1 ngế hlâ.

Gương tơplôu ƀă tơbleăng