VOV4.Sêdang - Ô vâi krâ nho\ng o [ă pú hmâ! Troh nôkố, kong pơlê Dak Lak nếo xiâm ai 6 to cheăm pêi tiô tơdroăng pơkâ dêi tơnêi têa ‘na mơjiâng thôn pơlê nếo, tiô tối hdrối troh mơ’nui hơnăm kố ah ai 12 to cheăm kô châ mơnhên tối cheăng kâ-rêh ối tiô troăng nếo. Kơxo# ki kố gá iâ khât tâng vâ pơchông [ă tơdroăng ki pơkâ mơ’no a 31 to cheăm tơ’mô dâng 20% to cheăm pêi tiô tơdroăng pơkâ ‘na mơjiâng thôn pơlê nếo tung hneăng hơnăm 2011-2015. Ki xiâm cho pá ‘na kơxo# liăn [ă mâu tơdroăng pơkâ mơjiâng thôn pơlê nếo drêng pơkâ xúa a Dak Lak tá hâi tơtro. Khu chêh hlá tơbeăng cheăng tung Rơ’jiu Việt Nam a kơpong Tây Nguyên ai [ai chêh tối ‘na tơdroăng kố

Cheăm Ea Bar, tơring {uôn Đôn châ rah xo cho môi tung mâu cheăm ki mơjiâng thôn pơlê nếo dêi kong pơlê Dak Lak. Cheăm hiăng châ 14 tung tâi tâng 19 hnoăng cheăng. Ki xiâm cho  thế pêi kêi tiô pơkâ mơjiâng thôn pơlê nếo a mơ’nui hơnăm kố, laga ki hên mâu túa ki ê pơrá tơdjâk troh liăn [a\ pá vâ pêi pro. Poâ Trần Văn Toàn, Kăn hnê ngăn Vi[an cheăm Ea Bar, tơring {uôn Đôn ăm ‘nâi: Mâu kế tơmeăm khoăng ki vâ mơjiâng ối kal hên liăn, hơnăm kố ‘na mơjiâng troăng kân, mê cheăm tá hâi pêi châ tơ-[rê, ki málối cho troăng kân cheăm [a\ mâu troăng kân troh a thôn. ‘Na kong prâi, [a\ Ea Bar ai kơpong kuăn pơlê rêh ối 4 thôn, rêh ối mơjiâng hngêi drô klâng, xua mê, têa ki ôu hum roh rêm hên cho ôh tá krúa le\m, xua mê, xuân kal mơ’no liăn mơjiâng pro tíu kơdoăng têa krúa môi tíu. Troh nôkô, ‘na mơjiâng troăng kân hiăng châ 70%, vâ pêi tơ-[rê mâu tơdroăng tơkêa pro ki ê cho kal dâng lối 50 rơtal liăn, ki kố kơnôm ing kơxo# liăn dêi khu râ kơpêng.

            ‘Nâi hdrối mơni liăn vâ mơ’no pêi pro tơdroăng tơkêa pro ôh tá tu\m, xua mê, Khu hnê mơhno mơjiâng thôn pơlê nếo cheăm Ea Bar rah xo mơjiâng pro kế tơmeăm khoăng ki kal hdrối, kế tơmeăm khoăng ki tá hâi kal, kô pơtối pêi pro a hơnăm kơ’nâi. Vâ pêi pro tơdroăng kố châ tơ-[rê kal ai 20 rơtal liăn, laga sap apoăng hơnăm troh nôkố, cheăm nếo châ xing xoăng 7 rơtal liăn. 

Ea Bar-troăng mot tung mâu thôn dế ối tơkôm liăn vâ mơjiâng pro

‘Na kơxo# liăn ối pá tâ mâu cheăm ki ôh tá châ rah xo vâ mơjiâng thôn pơlê nếo. Poâ Y Manh Adrơng, Kăn pho\ hnê ngăn Vi[an tơring Ea Hleo, kong pơlê Dak Lak ăm ‘nâi: hơnăm kố, tơring pơkâ kô ai 2 cheăm pêi châ tơ-[rê tiô pơkâ thôn pơlê nếo cho Ea Hleo [a\ Dliê Yang. Laga troh nôkố, cheăm Ea Hleo xuân tá hâi ai rơchoâ long hno têa, pêi chiâk deăng kơnôm to têa klôh, kong mêi. Poâ Y Manh tối: Mâu kế tơmeăm khoăng ki pin mơjiâng pro mơhnhôk kuăn pơlê veăng rơlo, vâ pêi pro tơdroăng mơjiâng thôn pơlê nếo pêi pro cho tơtro. Laga mâu kế tơmeăm khoăng ki vâ mơjiâng kal liăn ngân, mê pin tá hâi pêi pro châ tơ-[rê tơdroăng kố. Tiô a kong pơlê nếo tơtro\ng tíu ki vâ rah xo vâ pêi pro, rêm hơnăm mơ’no 10 rơtal, 15 rơtal liăn, tơdrêng amê mơ’no liăn pêi pêi pro tơdroăng tơkêa pro a mâu tơring bu 5 rơtal liăn. Xua mê tơdroăng pin vâ pêi pro châ tơ-[rê tơdroăng thôn pơlê nếo a mâu cheăm dêi tơring cho pá vâ pêi pro tiô pơkâ.

            Péa tơdroăng nếo châ mâu tơring tối cho pá pêi pro mê cho: kế tơmeăm khoăng mơhno mơjiâng túa le\m tro [a\ kế tơmeăm khoăng hnê hriêm. Pak^ng mâu tơdroăng ki châ tơ-[rê, mê xuân ai hên tơdroăng ki pá puât drêng pêi pro mâu túa cheăng kố, ki rơhêng vâ tối kế tơmeăm khoăng mơhno mơjiâng túa le\m tro. Poâ Y Biêr Niê, kăn pơkuâ hnê ngăn cheăng Đảng pơlê kong krâm {uôn Hồ, kong pơlê Dak Lak tối: ‘Na khôi túa vêa vong, hngêi hôp tơchuôm cho pá vâ pêi pro, xua thế ai hngêi hôp tơchuôm kân rơdâ 800 met karê. Ai mâu cheăm môi tiah ngin ai cheăm Ea Blang ai 3 rơpâu 500 pơ’leăng mâ mơngế, laga hngêi hôp tơchuôm cho 800 met karê, mê cho pá khât. Mơhé peăng tơnêi têa kô ai ivá mơjiâng pro, laga pêi ki châ pơxúa ôh tá chiâng vâ pêi pro. {a\ má péa nếo cho mơhnhôk tung kuăn pơlê, mê mơhnhôk ‘na mơjiâng pro troăng, mê kuăn pơlê môi tuăn, laga mơhnhôk vâ mơjiâng pro hngêi hôp tơchuôm kô pá. Tơdroăng kuăn pơlê veăng rơlo liăn tiô kơpong, tâng vâi hlo pơxúa vâ kum tung la ngiâ, mê vâi kô veăng. Xua mê kal séa ngăn tơdroăng mê.

            Poâ Đinh Xuân Hà, kăn pơkuâ ‘na pơkâ túa cheăng – mơ’no liăn kong pơlê Dak Lak tối: pơkâ túa cheăng 20% kơxo# cheăm tơtro tiô pơkâ thôn pơlê nếo tung hneăng hơnăm 2011 – 2015 ki Tơnêi têa pơcháu ăm mâu tơring cho hên, ôh tá tơxâng [a\ kơxo# liăn mơ’no cheăng. Pu\n hơnăm hiăng hluâ, Tơnêi têa nếo to\ng kum ăm kong pơlê Dak Lak 203 rơtal liăn, tơdrêng amê kal kơxo# liăn vâ mơjiâng môi cheăm tơtro tiô pơkâ kal troh 300 rơtal liăn. Peăng kong pơlê, to lâi hơnăm achê kố tơku\m tơleăng ‘na che\n liăn mơjiâng kế tơmeăm khoăng, xua mê tá hâi tu\m kơxo# liăn vâ pêi pro tơdroăng kố.

Ea Bar troăng lăm ngi chiâk xuân tá hâi ai liăn mơjiâng pro

Sap hơnăm 2012, Ho#i đông kong pơlê Dak Lak ai pơkâ ‘na mâu troăng hơlâ to\ng kum mơ’no liăn mơjiâng pro hngêi trăng troăng klông, cheăng kâ – rêh ối pơlê pơla [a\ pơkuâ mơ’no liăn cheăng mơjiâng thôn pơlê nếo. Tiah mê, rêm hơnăm, kong pơlê ‘măn 30 rơtal liăn vâ pêi pro, laga 3 hơnăm hiăng hluâ xuân nếo mơ’no châ 39 rơtal liăn. Tiah mê, pơkâ pêi pro [a\ vâ châ tơ-[rê kô pá. Poâ Lê Xuân Nhân, kăn pơkuâ hnê ngăn cheăng Đảng tơring }ư Kuin, kong pơlê Dak Lak tối: Tung pơkâ poăng mê Chin phuh pơkâ vâ mơ’no liăn cho hên: Tơnêi têa 40, bêng 20, kong pơlê 10, kuăn pơlê 10, khu tê mơdró 20. Hên cheăm ôh tá ai khu tê mơdró ki lâi, [a\ tâng ai ‘lo kô ôh tá ăm vâi ki ê, ai hên tơdroăng ôh tá tơtro. Tá Ho#i đông kuăn pơlê môi tuăn ăm chât rơtal liăn, laga ôh tá hlo ăm liăn. Mê cho mâu tơdroăng ki pin pêi pro hên tơdroăng ki ôh tá tơniăn. Púi tơngah cho tơtro, troăng hơlâ tơtro laga liăn ngân ôh tá ai, ki xiâm cho a tíu kố.

            Tơdroăng rêh ối pá puât, hngêi trăng troăng klông tơdroăng cheăng kâ – rêh ối pơlê pơla tá hâi tu\m, Dak Lak trâm hên pá puât tung tơdroăng mơjiâng thôn pơlê nếo. Nôkố tơkôm to kơxo# liăn ing Tơnêi têa axoa\ng, mê kal mơhnhôk ti tăng liăn ing ki ê vâ pêi pro tơdroăng kố, nếo púi châ tơ-[rê tung la ngiâ kố ah.

A Sa Ly tơplôu