VOV4.Sêdang - Kong rak kơnho\ng têa, hding khía peăng hdroh Cát Tiên ai tâi tâng lối 14 rơpâu ha, tơkâ luâ 4 to cheăm Đạo Nghĩa, Nhân Đạo, Dak Sin [ă Hưng Bình, tơring Dak Rlâp, kong pơlê Daknông. Kố châ ngăn cho ‘’kong rak kơnho\ng têa’’ ăm kơpong ki xiâm dêi kong peăng hdroh Cát Tiên, rak têa mo\ng ăm lối 40 km kơpong kroăng Đồng Nai. Cho vâ rak vế krâu kơpong kong ki xiâm kố, vâ chê chât hơnăm hiăng luâ, Khu rak ngăn kong rak kơnho\ng têa peăng pa hdroh Cát Tiên hiăng pơcháu lối 7 rơpâu 800 ha kong ăm vâ chê 360 rơpo\ng rak ngăn. Tơdroăng pêi kố hiăng ai pơxúa khât ăm tơdroăng ki rak ngăn kong, malối cho sap hơnăm 2012, drêng ai kơxo# liăn mơhá ăm tơdroăng rak ngăn kong to\ng kum ăm lối hr^ng rơpo\ng ki tơdah xo rak ngăn. Thế Thắng, ngế chêh hlá tơbeăng ai chêh tối ‘na tơdroăng ki tơ-[rê kố tung hnoăng cheăng pơcháu rak ngăn kong hding khía, rak kơnho\ng têa peăng pá hdroh Cát Tiên a kong pơlê Daknông.

Mâ hâi nếo pơxiâm klêh xuân roh khu kuăn pơlê pêi chiâk deăng a thôn Quảng Đạt, cheăm Đạo Nghĩa, tơring Dak Rlâp, kong pơlê Daknông rơtế kăn [o# pơkuâ gak ngăn kong tât khía Peăng hdroh Cát Tiên mot tung kong lăm séa ngăn. Tiô hnê mơhno dêi kăn [o# pơkuâ gâk ngăn kong, mâu ngế ki tơdah gak ngăn kong a xoa\ng dêi pó tiô khu lăm séa ngăn, klêi mê hơ’lêh dêi pó gâk a mâu tíu ki kal.

Kuăn pơlê cheăm Đạo Nghĩa kơhnâ veăng gâk ngăn kong

Pôa Nguyễn Văn Chuyên ối a thôn Quảng Đạt, cheăm Đạo Nghĩa, tơring Dak Rlâp, kong pơlê Daknông tối ăm ‘nâi, tơdroăng cheăng kố pôa hiăng pêi tung 6 hơnăm kố, sap drêng rơpo\ng châ Khu pơkuâ pơcháu gak ngăn lối 20 hectar kong ki a chê chiâk deăng: Cho mâu ngế a chê kong, tơdah [a\ng kong vâ gak ngăn, rơpo\ng á xuân mơ-eăm veăng gak ngăn kong. Tung mâu hâi apoăng tá hâi hmâ [a\ tơdroăng cheăng, laga châ Khu hnê mơhno ‘na hbrâ mơdât on chếo, klêi mê lăm gak, klêi mê gak ngăn kong [a\ hía hé. Nếo achê pơla kố châ mơhá tơ’nôm liăn gak ngăn kong, mê rêm hơnăm vâi krâ nho\ng xuân châ tơdah chât rơtuh liăn. Pói vâ lăm gak ngăn, tâng lơ ai khu ki tong loăng, ai tơdroăng ki tơxiăn tôu pâm, lơ tro rong kô ai liăn to\ng kum pơlât, vâ vâi krâ nho\ng o hmiân tuăn tâ.

            {a\ tâi tâng [a\ng chiâk deăng lối 14 rơpâu hectar, kong tât khía Nam Cát Tiên ki kân rơdâ gá kuăn, laga ki xo\n tơkâ luâ 4 to cheăm: Đạo Nghĩa, Nhân Đạo, Dak Sin [a\ Hưng Bình dêi tơring Dak Rlâp, kong pơlê Daknông, [a\ ki kân rơdâ vâ chê 100 km, ki hên achê [a\ chiâk deăng [a\ kơpong kuăn pơlê rêh ối. Tơdrêng amê, khu gak ngăn kong dêi Khu pơkuâ kong bu lối 30 ngế, xua mê, tơdroăng pơkuâ, gak ngăn kong ki hên cho kơnôm mâu rơpo\ng ki tơdah gak ngăn. Pôa Đỗ Thành Tâm, kăn pơkuâ tíu gak ngăn kơxo# 3, ối tung Khu pơkuâ kong hding khía Peăng hdroh Cát Tiên tối: Tơdroăng cheăng rêm hâi dêi nho\ng o a tíu pơkuâ gak ngăn kong kơxo# 3, ki hên cho lăm séa ngăn, gak ngăn kong. Nho\ng o hiăng tơru\m [a\ mâu rơpo\ng tơdah gak ngăn kong [a\ khu pơkuâ ‘na gak ngăn kong tung cheăm, tơru\m to\ng kum mơdât mâu ngế ki tong kếo loăng, ki hên ối tung kong vâ gak ngăn, xua mê xuân trâm pá hên, ki má lối rơnó mêi kố cho pá puât vâ lăm séa ngăn. Laga ngin pơkâ tơdroăng pêi xiâm gak ngăn ing tơdroăng hnê mơhno [a\ tơdroăng tơru\m khu pơkuâ gak ngăn kong cheăm [a\ mâu rơpo\ng ki tơdah [a\ng kong vâ gak ngăn, vâ mơdât khu ngế tong kếo loăng châ mot tung kong hding khía peăng hdroh Cát Tiên kố.

            Nôkố, Khu pơkuâ ngăn kong hiăng pơcháu 7 rơpâu 800 hectar kong ăm 357 rơpo\ng gak ngăn, tung mê, ai 124 rơpo\ng hdroâng kuăn ngo a chê kong.

Kong Nam Cát Tiên ki hên achê chiâk deăng, laga iâ tro khu ngế ki tong loăng mot tung kong châ kếo tong loăng

Rơtế [a\ tơdroăng veăng lăm séa ngăn, gak ngăn, tơbleăng tâng ai tơdroăng kal, kum châ hlo, pơxâu hr^ng roh tong kếo loăng kong, mâu rơpo\ng tơdah gak ngăn kong ối kơhnâ văng hlá pêi, pêt kong [a\ hbrâ mơdât on chếo kong. Sap hơnăm 2012 troh nôkố, drêng ai kơxo# liăn mơhá gaqk ngăn kong, to\ng kum ăm mơngế ki tơdah gaqk ngăn kong ki hên 600 rơpâu liăn môi hectar, mâu rơpo\ng ki tơdah rak kong vâ gak ngăn, thăm kơhnâ vâ pêi tro tung tơdroăng gak ngăn kong. Pôa Nguyễn Ngọc Xuân, kăn pơkuâ Khu pơkuâ gak ngăn kong hding khía Peăng hdroh Cát Tiên tối: Tơdroăng pơcháu gak ngăn kong, tíu cheăng hiăng po rơdâ sap hơnăm 2007 troh nôkố, ing mâu tơdroăng pơkâ 327, 661 ‘na mơ’no liăn pêt kong [a\ nôkố pêi tơdrêng [a\ tơdroăng gak ngăn kong. Tiô tối mơnhên tơchuâm, sap ing vâi krâ nho\ng o châ mơhá tơ’nôm liăn gâk ngăn kong, ai tơdroăng gak ngăn kong, mê vâi krâ châ pêi lo liăn tơ’nôm ing gak ngăn kong, ing mê, vâi thăm pôu râng hnoăng tâ tung tơdroăng gak ngăn kong, hiăng tơru\m [a\ ngế ki pơkuâ kong xuân môi tiah tơbleăng tu\m tơdroăng ‘na mơngế ki lăm tong kếo loăng, vâ tíu cheăng ai túa tơleăng teăm tơdrêng, kơdroh tơdroăng mơngế mot kếo loăng kong.

Pơkuâ gak ngăn kong cho tơdroăng pêi ki pá, ki hên mâu kơpong kong a Tây Nguyên dế tro ko ‘nhiê ó, xua hên mơngế ki phá tơ ê dêi pó lăm mot tong kếo loăng. Tơdroăng pơcháu kong ăm kuăn pơlê a kơpong kong hding khía Peăng hdroh Cát Tiên, tơring Dak Rlâp, kong pơlê Daknông pơxiâm pro sap a poăng hlo hiăng châ tơ-[rê. Tơdroăng kố ăm hlo, tâng kuăn pơlê châ pơxúa ing gak ngăn kong, mê kô châ tơniăn gak ngăn kong [a\ pêt mơjiâng kong.

A Sa Ly tơplôu [a\ tơbleăng