Ing tơdroăng ki kal vâ xúa on tơhrik rêm khế ga hên ‘nâng, jâ Nguyễn Thị Nhàn, ối a thôn 6, cheăm Dak Ha, tơring Dak Glong hiăng ‘no liăn mơjiâng pro on tơhrik kơtâu [ă hyôh tô mâ hâi, pơkrâ a kuâ hngêi vâ kum ăm mâu rơpo\ng hngêi châ xúa on tơhrik dêi tơnêi têa. Kơxo# liăn ki ‘no apoăng ai 150 rơtuh liăn, tâi tâng ai 16 kơtâ hmôu on ai ivá têi châ 5,6kWp. Ing mê, khoh pro jâ Nhàn hâk phiu ‘nâng:

‘’Rêm khế, rơpo\ng á hrê liăn hân ‘nâng ‘na tơdroăng mơdrếo liăn on tơhrik kố, klêi kơ’nâi tâng rêm ngế tối tơbleăng mê á hlo hmốu on mâ hâi ai pơxúa khât mê á hiăng ‘no 150 rơtuh liăn vâ mơjiâng on tơhrik kơtâu [ă hyôh mâ hâi ki pơkrâ ‘măn pá pêng kuâ hngêi kố. Mâu hơnăm hdrối nah, rêm khế rơpo\ng á tâi athế troh 1 rơtuh 600 rơpâu liăn, klêi kơ’nâi krâ hmốu on kơtâu ing hyôh tô mâ hâi kố, rơpo\ng á bu hrê tâi 600 rơpâu liăn, ối rơlối á tê on tơhrik kố ăm khu ngăn ‘na on tơhrik dêi tơnêi têa, xuân châ 700 rơpâu liăn 1 khế, tơkéa vâ tối châ tơ-[rê khât ‘nâng’’.

Hlo ai ki pơxúa dêi tơdroăng mơjiâng on tơhrik kơtâu [ă hyôh tô dêi mâ hâi, klêi kơ’nâi hriăn ngăn, tí tăng ‘nâi, rơpo\ng pôa Nguyễn Thế Tùng ối a thôn 2, cheăm Trường Xuân, tơring Dak Song hiăng ‘no lối 320 rơtuh liăn vâ krâ kơmăi on tơhrik ki ‘măn pá pêng kuâ hngêi dêi tơná. Tâi tâng ai 36 kơtâ hmốu on ai ivá têi châ 12kWp, bú tung khế ki apoăng xúa [ă tơ-‘môe on tơhrik dêi tơnêi têa, malối a rơnó mê hngê la rơpo\ng pôa hiăng châ ai lối 2 rơpâu kWh. Hlo châ tơ-[rê, pôa Tùng hiăng hriăn ple\ng, pơtối ‘no liăn ăm rơpo\ng hngêi xúa on tơhrik ki kố. Pôa Nguyễn Thế Tùng ai hơ’muăn tối:

‘’Kơnôm ai môi ngế pú hmâ tối tơbleăng ăm á mê á hlo châ tơ-[rê ‘nâng, xua mê á hiăng tơpui tơno [ă on veăng vâ pơkrâ kơmăi on tơhrik kố. Klêi kơ’nâi xúa ai 1 khế, á hiăng ‘no 327 rơtuh liăn, luâ 1 khế hdrối kố nah, kong rế mêi rế tô há, la á xuân châ xo dêi 4 rơtuh 300 rơpâu liăn, tâng vâ riân ngăn, vâ tối ga tơ’mô 1.3% 1 khế, kố châ ngăn cho ki tơ-[rê khât mê khoh pơtối pơkrâ tơ’nôm’’.

Tiô Ko\ng ti ngăn on tơhrik Dak Nông tối, cho tíu ki pơkuâ ngăn 14 tíu krâ hmôu on mâ hâi pá pêng kuâ hngêi dêi kuăn pơlê, tâi tâng ivá châ ai 3 rơpâu 57 kWp. Mâu tơmeăm ki mê hiăng châ Khu ngăn on tơhrik k^ tơkêa rôe on tơhrik [ă yă 2 rơpâu 314 liăn kWh, châ xúa tung plâ 20 hơnăm la ngiâ kơnôm ing mâu hmôu on mâ hâi ki hiăng hmâ xúa sap hâi lơ 30/6/2019. Pôa Nguyễn Văn Trình, Kăn pho\ pơkuâ ngăn Ko\ng ti on tơhrik Dak Lak tối ăm ‘nâi:

‘’Pak^ng mơjiâng on tơhrik ăm kuăn pơlê vâ xúa, mê on tơhrik ki ê kô tê ăm kơvâ pơkuâ on tơhrk. Mê khu râ ngăn ‘na on tơhrik kô krâ kong tơ péa pâ [ă chêh tối tâi tâng ivá on ki hiăng mơ’no tơdjêp, [ă rêm khế kơvâ ngăn on tơhrik hiăng pơkâ kơlo kong tơ [ă liăn mơdrếo ăm kuăn pơlê xúa on tơhrik. Tiô riân ngăn, tâng mơ’no liăn mơjiâng on tơhrik kơtâu [ă hyôh tô mâ hâi kố, mơni sap 5 troh 6 hnăm kô châ mơdrếo tơvêh tâi tâng kơxo# liăn ki ‘no rôe hmốu on mê. Ki má péa nếo, xua hiăng ai hlâu on tơhrik ki mơjiâng, mê tơdroăng ki tơ’môe kơxái on tơhrik ing tíu kố troh tíu ê kô kơdroh, ivá on a kơpong mê xuân tơniăn, mâu rơpo\ng tâ tá xuân châ tơniăn ai on tơhrik tu\m’’.

Tiô tối mơnhên, tơdroăng krâ khu kơmăi hmốu on mâ hâi pá pêng kuâ hngêi, ga kum pro kơdroh hên kơxo# liăn ki rơpo\ng hngêi nâp rêm khế, ki ai pơxúa kân ăm rơpo\ng hngêi ki mơjiâng on tơhrik kố, tâng ivá on tơhrik ối rơlối mê rơpo\ng hngêi kô tê ăm kuăn pơlê ki ê châ xúa há. On tơhrik kơtâu [ă hyôh tô mâ hâi ối ai pơxúa ga cho rak krúa le\m ăm tơnêi tíu, tâ tá, tơdroăng krâ ‘măn xuân tơ’lêi hlâu, krâ a kuâ hngêi, lơ mâu tíu ki tơniăn vâ tơdah xo hyôh tô dêi mâ hâi ga kô chiâng ai on tơhrik tơniăn.

Hoàng Qui chêh

Nhat Lisa tơplôu [ă tơbleăng