Cho tung rơnó mơdrăng, kong tô khăng khoăng ó la chiâk deăng kơphế [ă prá alâi a thôn Phú Lợi, cheăm Quảng Phú, tơring Krông Nô, kong pơlê Dak Nông xuân ối drêh ngiât. Malối a [ăng klâng kân rơdâ [uôn K’Tah rơdâ lối 20ha tơdroăng ki pêi cheăng sôk ro hlo kơhnâ khât, xua kố cho rôh apoăng vâi krâ nho\ng o ai têa vâ mơdâ pêt báu rơnó xeăng tô.

Pôa Y Phương Buy a thôn Phú Lợi, cheăm Quảng Phú ăm ‘nâi, kơnôm ing tíu hrik têa [uôn K’Tah nếo pro, mơ’no tu\m têa ăm [ăng klâng kân rơdâ kố, mê vâi krâ nho\ng o phiu ro khât.

‘’Hơnăm kố châ Đảng, Tơnêi têa [ă khu kăn pơkuâ tơmâng ngăn, pro hno têa a kố mê vâi krâ nho\ng o tung thôn phiu ro khât. Drêng lâi kal mê xúa, drêng lâi ôh tá kal xếo mê xoăng ăm nho\ng ki ê. Ki dâi le\m dêi báu hdrối nah á pêi 1,2 sao bu châ 20 kơxâk, châ dâng 1 ta#n xo. Hơnăm kố ai têa tơu\m, rơvât phon tu\m mê mơ’ni kô châ hên tâ’’.

Rôh apoăng [ăng klâng kân rơdâ thôn Phú Lợi, tơring Krông Nô, kong pơlê Dak Nông ai têa vâ mơdâ pêt báu rơnó xeăng tô

Tíu ki hrik mơ’no têa [on K’tah ối tung tơdroăng tơkêa kơdroh kơtiê kơpong Tây Nguyên, châ mơjiâng pro a k^ng têa Krông Nô. Tơmeăm kố nếo châ pơcháu ăm Ko\ng ti pêi cheăng tiô rơnó môi tung khu mơjiâng pro hno, long têa kong pơlê Dak Nông rak ngăn sap ing apoăng hơnăm kố. Xua kong tô ton, kơdró têa a têa Krông Nô xiâ ó, ai rôh ki ‘nâ hiăng xiâ troh tơnêi têa, mê khế 2 kố nah, Vi [an hnê ngăn cheăm Quảng Phú, tơring Krông Nô hiăng mơhnhôk kăn [o#, mâu ngế cheăng rơtế [ă kuăn pơlê tung cheăm xúa mâu kế tơmeăm vâ mơdât têa vâ xo têa mot tung tíu ki hrik têa K’tah. Kơnôm tiah mê, lối 100 ha mâu hdrê loăng pêt ton hơnăm môi tiah kơphế, tiu, prá alâi [ă báu ôh tá trâm tơdroăng ki kong tô pro hlâ răng xua ôh tá ai têa. Malối, tíu klâng kân rơdâ 20 ha a thôn Phú Lợi rôh apoăng ai têa vâ mơdâ pêt báu rơnó xeăng tô.

Vi [an hnê ngăn cheăm Quảng Phú thế mâu kăn [o# rơtế [ă kuăn pơlê kâng têa Krông Nô vâ ‘mot tung tíu ki hrik

Pôa Vũ Hoàng Phú, Kăn hnê ngăn Vi [an cheăm Quảng Phú, tơring Krông Nô, kong pơlê Dak Nông ăm ‘nâi, maluâ rơnó tô mơdrăng ó, la xua hbrâ rơnáu têa, rơnó xeăng tô kố, cheăm xuân ối rak vế [ăng tơnêi pêt báu a 4 tíu klâng, [ă lối 150ha. {ă mâu hdrê pêt ki iâ hâi, hdrối nah bu pêt alâi, la hơnăm kố ai tơ’nôm hdrê hât, pôm ló [ă mâu hdrê loăng ki ê a drô k^ng têa Krông Nô, [ă tâi tâng tơnêi vâ chê 200 ha, pơrá ai têa vâ tôh.

Pôa Vũ Hoàng Phú tối rơdêi, vâ hbrâ rơnáu ai têa ki hdrối tâ khu kăn pơkuâ, kơvâ cheăng ki ai tơdjâk troh [ă kuăn pơlê pơrá athế hbrâ rơnáu rak ngăn sap ing apoăng rơnó.

‘’Cheăm xuân hiăng hbrâ rơnáu sap ing apoăng rơnó. Nôkố ai 4 to long têa, rak tơniăn ăm tơdroăng ki xúa, cho hnoăng cheăng ki kal. Malối cheăm ai klâng kân rơdâ athế hrik têa tôh 2 rơnó, rơnó mê xuân athế hrik. Mot apoăng rơnó mơdrăng, Vi [an hnê ngăn cheăm hiăng hnê mơhno ăm kăn [o# ki rơkê [ă kuăn pơlê kơd^ng têa sap ing long, têa kroăng ai tu\m têa vâ hrik tôh kế tơmeăm tung pơla hdrê loăng pêt vâ xông kân.

Malối, hơnăm kố kuăn pơlê a kơpong hdroâng kuăn ngo môi tiah {uôn Đôn, {uôn Lang hdrối nah hrá mơdâ pêt, hmâ trâm khăng khoăng a mơ’nui rơnó, la hơnăm kố Vi [an hnê ngăn cheăm hiăng hnê mơhno ăm vâi krâ mơdâ re\ng tâ hơnăm nah vâ ví tơdroăng ki ôh tá ai têa’’.

Tíu hrik têa a [on K’tah mơjiâng pro a k^ng têa Krông Nô

Krông Nô cho tơring ki ai hên long têa má môi a kong pơlê Dak Nông, ai 44 to long. Xua kong tô  ton, nôkố hiăng ai 8 to long ôh tá ai têa, tung mê ai 5 to tíu hrik têa hiăng ôh tá ai têa xếo [ă 3 to rơchoâ têa hăng xoê. Tơdroăng ki kong tô mơdrăng dế mơnhâu troh hên [ăng tơnêi ki pêt hdrê loăng a mâu cheăm Nâm N’dir, Dak Xô, Quảng Phú, Đức Xuyên [ă Nam Xuân.

Sap ing apoăng hơnăm kố, Ko\ng ti pêi cheăng tiô rơnó môi tung khu mơjiâng pro hno, long têa kong pơlê Dak Nông hiăng tơdah xo tơ’nôm 2 to tíu ki hrik têa sap ing mâu khu ki ‘no liăn cheăng la pơrá trâm pá tung hnoăng cheăng mơ’no. Ki nhên, tíu hrik têa {uôn Choi, cheăm Đức Xuyên ai ivá ‘ro, troăng klo\ng têa ku\n, mê tíu cheăng kố hiăng ‘no liăn roê kơmăi hrik ki nếo, krâ ‘măn troăng klo\ng têa ki kân tâ vâ hrik kum ăm tơdroăng cheăng kâ.

4.200 ha báu prá alâi [ă 150 báu rơnó xeăng tô a cheăm Quảng Phú, tơring Krông Nô xuân ối bê tu\m têa vâ tôh

{ă tíu hrik têa [uôn K’tah, cheăm Quảng Phú xua hngêi kơmăi on tơhrik {uôn Tuôr Sah mơdât têa sap ing kơnho\ng, mê ôh tá bê têa vâ hrik, athế mơhnhôk khu ki mơdât têa kroăng, xo têa hrik vâ tôh mâu kế tơmeăm hdrê loăng pêt. Pôa Đỗ Tuấn Cường, kăn pơkuâ ko\ng ti pêi cheăng tiô rơnó môi tung khu mơjiâng pro long têa kong pơlê Dak Nông, tíu cheăng a tơring Krông Nông ăm ‘nâi, pak^ng mâu troăng hơlâ pơkâ ‘na kih thuât a mâu hno, long têa, tíu cheăng hiăng tơru\m [ă khu kăn pơkuâ cheăm [ă mâu tíu cheăng ki ai tơdjâk troh vâ ai ai túa pơkâ ‘no têa ăm tơtro, vâ kơdroh tơdroăng ki tro lu\p xua kong tô mơdrăng pro.

‘’Apoăng rơnó mêi, tíu cheăng hiăng môi tuăn [ă mâu tơring cheăm pơkâ chôu phut cheăng dêi khu tiô rôh ki nhên [ă mâu hdrê loăng pêt ton hơnăm. {ă báu xuân hiăng môi tuăn túa pơkâ rêm rôh mơ’no têa, tíu cheăng tơru\m [ă Hngêi kơmăi on tơhrik cho athế mơ’no tu\m têa vâ hrik tôh ăm [ăng tơnêi pêt báu.

Nôkố hiăng ai 8 to hno, long têa tro tơdjâk xua kong tô mơdrăng, khăng khoăng ôh tá ai têa. Tíu cheăng hiăng tối tơbleăng mâu troăng hơlâ hbrâ ví kong tôu. Ai mâu tíu hrik têa mê tíu cheăng hiăng krâ ‘măn tơ’nôm kơmăi hrik vâ hbrâ ví kong tô. Ai mâu tíu hrik ki ‘nâ hiăng tối tơbleăng tơ’moê klo\ng hrik tah trâp a mâu tíu têa ki u ối. {ă mâu rơchoâ, long ki têa tâk đik mê tơru\m [ă tíu pêi cheăng a tơring Dak Mil vâ mơ’no têa sap ing long E29, long Dak Sak [ă long Dak Mol, tăng tơ’nôm têa ăm mâu rơchoâ ki đik a drô têa plông Dak Sôr’’.

Tiô tối tơbleăng, rơnó tô Tây Nguyên xuân pơtối ton troh khế 5, tơdroăng ki kong tô mơdrăng khăng khoăng pơtối mơnhâu troh hên [ăng tơnêi pêt tơmeăm khoăng tung kơpong. A tơring Krông Nô, kong pơlê Dak Nông, Ko\ng ti pêi cheăng tiô rơnó môi tung khu mơjiâng pro long têa hiăng tơru\m [ă khu pơkuâ [ă kuăn pơlê dêi tơring hbrâ rơnáu tối tơbleăng mâu troăng hơlâ hbrâ ví kong tô, veăng kum kơdroh tơdroăng ki tro lu\p kế tơmeăm xua kong tô mơdrăng khăng khoăng pro.

Quốc Học chêh

Katarina Nga tơplôu [ă tơbleăng