VOV4.Sêdang - Ô vâi krâ nho\ o [ă pú hmâ! Tung mâu pơlê hdrông kuăn ngo a tơring Tuy Đức, kong pơlê Dak Nông, mâu ngế ki châ kuăn pơlê loi nhuo#m đi đo kơhnâ khât tung pêi hnoăng cheăng, cho mâu ngế ki djâ troăng ahdrối tung rêm kơvâ cheăng. Pêi rơkê hnoăng cheăng tung rơpo\ng hngêi, vâi ối kơhnâ khât kum mâu rơpo\ng kơtiê túa pêi cheăng kâ. Mâu ngế ki châ kuăn pơlê loi nhuo#m xun cho vâi krâ ki xiâm vâ tối tơbleăng, hnê mơhnhôk hdrông kuăn ngo tung pơlê veăng rak vế, pêi pro  tro mâu troăng rơhlâ pơkâ dêi Đảng, Luât dêi tơnêi têa, mơnhông mơdêk cheăng kâ rêh ối, rak vế krá tơniăn pơlê pơla, cheăm bêng, mơjiâng hiâm mơno tơru\m tung rêm khu hdrông kuăn ngo. Vâ mơdêk tâ nếo hnoăng ki veăng kum dêi mâu ngế ki châ kuăn pơlê loi nhuo#m tung kơpong hdrông kuăn ngo, mê Tơnêi têa kal ai tơ’nôm troăng rơhlâ mơhnhôk pêi ki tơtro. {ai chêh tối a kơ’nâi kố, ai mơnhên ‘na tơdroăng mê. Pó vâi krâ nho\ng o kô tơmâng.

Ngin lăm pôu pơlê Bu Prăng 2A, cheăm Quảng Trực, tơring Tuy Đức, kong pơlê Dak Nông a hâi mơ’nui khế 1 âm l^ch: Klêi kơ’nâi mâu hâi tơdah Têt Nguyên đăn A$t Mui, kuăn pơlê hdrông kuăn ngo M’nông sôk ro tơku\m pêi chiâk deăng hơnăm nếo: tôh dêi loăng plâi, rak ngăn kơphế, krí tiu [a\ hía hé. Rơpo\ng nâ Thị Yran, ối a pơlê Bu Prăng 2A, xuân tơvâ tơvân pêi dêi 9 sao kơphế nếo pêt [a\ kơdrum tiu hiăng châ krí plâi. Nâ Yran cho ngế kơdrâi ai hnoăng tung pơlê pơla hdrông kuăn ngo a cheăm kơpong tíu tơkăng kong kố: Mơhé hơnăm ối nếo, laga 4 hơnăm hdrối nah nâ hiăng châ kuăn pơlê loi tơngah rah xo to pro kăn pơkuâ pơlê. Rế rơkê tơdroăng cheăng rơpo\ng, mê nâ ối pêt rak ngăn tơtro pơlê pơla. Hnê mơhno kuăn pơlê mung liăn vâ mơ’no liăn pêi cheăng hơ’lêh hdrê pêt mơnăn păn, râng ko\ng hnê kuăn pơlê xúa khoa hok kih thua#t tung pêi chiâk deăng. Klêi kơ’nâi hnê hlối pêi, mê nâ pơtâng mâu troăng rơhlâ luât dêi tơnêi têa, mơhnhôk kuăn pơlê tah lôi mâu khôi túa ki ôh tá le#m tro [a\ hía hé, rak vế khôi túa, vêa vong ki le#m tro [a\ hía hé. Mâu tơdroăng cheăng pêi ki tơtro dêi nâ Yran hiăng kum hơ’lêh pơlê Bu Prăng 2A: ôh tá ai rơpo\ng kơklêa, kuăn pơlê kơhnâ veăng tung mơjiâng thôn pơlê, mơtiah mơjiâng pro troăng kân, hno têa, tơniăn tung pơlê pơla. Nâ Thị Yran tối: A sôk ro ‘nâng châ kuăn pơlê tung pơlê loi tơngah rah xo a pro kăn pơkuâ pơlê, [a\ cho ngế ki kuăn pơlê loi nhuo#m tơngah. A mơ-eăm mơ’no dêi tâi ivá dêi tơná vâ pơkuâ, hnê mơhno kuăn pơlê tung pêi pro tơtro mâu troăng rơhlâ dêi Đảng, luât dêi tơnêi têa, rak ngăn mơnhông mơdêk cheăng kâ.

            Poâ Điểu Khươn, ối a pơlê Bu Nđơr, cheăm Quảng Tâm, tơring Tuy Đức xuân cho ngế ki kuăn pơlê loi nhuo#m tơngah, xua pleăng dêi hnoăng cheăng tung tơdroăng mơjiâng pơlê. Laga poâ pro ngế ki pơkuâ măt tra#n dêi pơlê [a\ cho [ok Tin Lành, laga Điểu Khươn hiăng kum hên tung pơtâng tối, mơhnhôk kuăn pơlê pôi tá tơmâng mâu ngế ki ‘mêi pơlông djâ, thế mơ-eăm mơnhông cheăng kâ, rêh ối pơlê pơla. Pơlê Bu N’đơr châ diâp hên [âng kheăn kơdeăn. Poâ tơxâng cho ngế ki djâ troăng ahdrối vâ rêm ngế tung pơlê tiu [ối. Poâ Điểu Khươn, ối a [on Bu N’đơr, cheăm Quảng Tâm, tơring Tuy Đức, kong pơlê Dak Nông tối: Sap kuăn pơlê loi tơngah rah xo pơcháu hnoăng cheăng, mê thế mơ-eăm. Pơtih lăm mơhnhôk kuăn pơlê pêi cheăng tiu troăng rơhlâ dêi Đảng [a\ Tơnêi têa hiăng pơcháu mơtiah tơdroăng kơdroh tah kơklêa xăm kơtiê tâng ôh ‘na gâk kring, mơ-eăm pêi cheăng kâ vâ tơdroăng rêh ối rế hía rế mơnhông tơtêk. Tối tơchuôm akố, tơdroăng rêh ối hiăng xông tơtêk, châ mơtiah mê cho sôk ro ‘nâng.

            Klêi kơ’nâi châ kuăn pơlê loi tơngah, rah xo, lâp tơring Tuy Đức ai 42 ngế ngế ki kuăn pơlê loi tơngah rah xo tung hdrông kuăn ngo [a\ tung khu ki pơkuâ ‘na tơdroăng khôp. Poâ Đoàn Lê Anh, kăn pơkuâ [urô hdrông kuăn ngo tơring Tuy Đức tối ăm ‘nâi: Mâu ngế ki kuăn pơlê hdrông kuăn ngo loi nhuo#m tơngah dêi tơring hiăng kum kân k^n tung tơdroăng tơniăn gâk kring tung pơlê, pro tơ’lêi hlâu ăm khu râ kăn pêi pro tơtro mâu tơdroăng cheăng tung pơlê, mơtiah thăm mơdêk cheăng kâ, mơhno mơjiâng túa le#m tro, rêh ối pơlê pơla, kum mơdêk tơdroăng rêh ối dêi kuăn pơlê. Poâ Đoàn Lê Anh tối, Tơnêi têa kal ai troăng rơhlâ [a\ to\ng kum liăn tơtro vâ mơhnhôk teăm tơdrêng mâu ngế ki kuăn pơlê loi nhuo#m tơngah, xua tâi tâng vâi xuân veăng tung tơdroăng cheăng tung pơlê, laga liăn mơhá iâ, thăm nếo ôh tá ai ki klâi. Laga vâi cho mơngế ki kal: Mâu ngế ki kuăn pơlê loi tơngah a mâu pơlê, pơlê ngin khe#n kơdeăn vâi ‘nâng, vâi hiăng pêi kêi tơtro hnoăng cheăng pơtâng, mơhnhôk kuăn pơlê tung tơdroăng hơ’lêh hdrê pêt, mơnăn păn, mơnhông cheăng kâ. Xuân mơtiah mơhnhôk kuăn pơlê tung roh mơnhông cheăng kâ xuân mơtiah mơjiâng tơdroăng kal kí [a\ tơbleăng troăng rơhlâ dêi Đảng [a\ Tơnêi têa, kum mâu hdrông kuăn ngo rế hía rế tơtro.

            {a\ hnoăng cheăng dêi tơná, mâu ngế ki kuăn pơlê loi nhuo#m tơngah tung mâu pơlê hdrông kuăn ngo a tơring Tuy Đức, kong pơlê Dak Nông dế kum hên tung rêm tơdroăng, kum mơjiâng kơpong tíu tơkăng kong rế hía rế kro mơdro\ng./.

A Sa Ly tơplôu