VOV4.Sêdang - Hâi hnah, lơ 29 khế 1, Kơ koan Kan sât séa tơleăng  tơdroăng xôi, ối tung Ko\ng an tơring Tuy Đức, kong pơlê Dak Nông pơxiâm pơsăm tối, [ă pơkâ rup kroăng Phương Văn Thời, kot mâ hnăm 1965, ối a cheăm Quảng Trực, tơring Tuy Đức ‘na tơdroăng xôi ko ‘nhiê kong. Pơxiâm pơsăm tối ngế ki pro xôi [ă ôh tá ăm Điểu Hóa châ lo ing hngế ing pơlê, a cheăm Quảng Trực, tơring Tuy Đức xun ‘na tơdroăng xôi kếo ‘nhiê loăng kong. Tiah mê, a hâi lơ 2 khế 10 hnăm 2014, Phương Văn Thời ai roê dêi Điểu Hóa môi [ăng chêk dâng 1 ha, xun ối hên loăng kong a kơpong 1455 xua Trung đoân 726 pơkuâ ngăn ối tung cheăm Quảng Trực, tơring Tuy Đức [ă yă 45 rơtuh liăn. Klêi kơ’nâi ăm liăn hdrối 20 rơtuh, Thời hlo a kơpong achê chêk dế ối kong loăng mê hiăng thế Điểu Hóa ko, kếo mâu loăng vâ pro chêk [ă kơxo# liăn mơhá 10 rơtuh. Điểu Hóa hiăng dâi tơkâ, vok, dâi liâ kơmăi pơtối uâ loăng tung 1 pơla măng tie#u, ‘nhiê klêi 1 ha kong. Pêi klêi, Điểu Hóa châ Thời ăm 10 rơtuh liăn, [ă 25 rơtuh liăn ki roê tơnêi ki tá hâi teăm ăm tu\m. Hâi lơ 26 khế 12 hnăm 2014, tung pơla Phương Văn Thời dế ối pro hla mơéa tê tơnêi kố, dâng 2 ha ăm môi ngế kuăn pơlê tung tơring Dak Song [ă yă 160 rơtuh mê tro khu ko\ng an ‘nâi, krếu êng ‘na tơdroăng mê. Ing tơdroăng mơnhên ngăn ki lu\p dêi tâi tâng mâu loăng [ă kong prâi xua 2 ngế ki kố pro vâ chê 100 rơtuh liăn.

Katarina Nga tơplôu