VOV4.Sêdang - Hâi lơ 13 khế 4, Vi [an Măt tra#n tơnêi têa Việt Nam kong pơlê Dak Nông po hneăng hôp tơru\m rôh má 3 chêh inâi tơbleăng mâu ngế ki vâ mot cheăng tung Kuo#k ho#i hneăng má 14 [ă Ho#i đồng hnê ngăn kong pơlê, hneăng hơnăm 2016-2021. {ă tuăn hiâm tơniăn, hneăng hôp hiăng tơpui tơno, moi tuăn rah xo 8 ngế ki chêh inâi tung khu kăn Kuo#k ho#i hneăng má 14. Hneăng hôp tơru\m rôh má 3 kố xuân hiăng môi tuăn chêh inâi 89 ngế cheăng tung Ho#i đồng hnê ngăn kong pơlê vâ xo 53 ngế tiô pơkâ. Xông tơpui mơgêi a hneăng hôp, pôa Điểu Xuân Hùng, Kăn hnê ngăn Măt tra#n tơnêi têa kong pơlê Dak Nông tối rơdêi, vâ rôh tâ ph^u kăn Kuo#k ho#i hneăng má 14 [ă kăn Ho#i đồng hnê ngăn hneăng má 3 châ pêi pro tro tiô hâi khế [ă châ tơ-[rê chiâng hâi leh dêi tâi tâng kuăn pơlê, mê rêm râ măt tra#n tơnêi têa [ă khu tơru\m cheăng kal pêi klêi hlá mơéa hneăng hôp tro ‘ló, ai tu\m mâu tơdroăng ki xiâm pơkâ thế re#ng pơtroh ăm mâu kơ koan ki ai tơdjâk.

Katarina Nga tơplôu [ă tơbleăng