VOV4.Sêdang - Hâi lơ 17 khế 5, Vi[an kong pơlê Dak Lak hiăng tơku\m po hneăng hôp tơpui tơno [a\ 150 khu tê mơdró vâ tối tơdroăng pêi cheăng xuân môi tiah tơmâng mâu tơdroăng tơpui pâ thế, púi tơngah dêi mâu khu tê mơdró tung kong pơlê vâ ai túa kum mâu tơdroăng pá puât, pro tơ’lêi hlâu tung mơ’no liăn cheăng, mơjiâng pro kế tơmeăm, tơpui a Hneăng hôp ‘na tê mơdró, kăn teăng mâ mâu khu mơdró hiăng tối mâu tơdroăng ki xahpá, tơvâ tơvân kal châ kong pơlê pơtối tơmâng, to\ng kum. Hên mâu khu mơdró tối tiah kố, ki hên mâu luât, troăng rơhlâ to\ng kum pơkâ a râ kong pơlê ga tro, la drêng hnê pêi pro a mâu tíu pêi cheăng, kơvâ cheăng, tơring cheăm ôh tá pêi pro tro, tơdâng tơ‘mô; mâu tíu pêi cheăng ki ‘nâ hâi pêi tâi hnoăng cheăng tơná, hâi vâ  pêi khât tung tơdroăng hnê, pro hla mơ-éa ăm mâu khu mơdró drêng kal vâ. Tiô tối tơbleăng a hneăng hôp tâi tâng kong pơlê ai lối 3 rơpâu 271 khu mơdró chêh inâi tê mơdró [ă tâi tâng kơxo# liăn chêh lối 22 rơtal 730 rơtuh liăn. Tung hơnăm hiăng hluâ, Vi[an kong pơlê Dak Nông hiăng hnê rêm râ, kơvâ cheăng mơdêk ‘mâi hơ’lêh mâu túa cheăng; tơku\m po hôp tơpui tơno vâ teăm tăng troăng kơdroh ki pá puât, tơvâ tơvân ăm mâu khu mơdró ‘na pro hla mơ-éa ‘no liăn cheăng, luât xo liăn cheăng [ă hía hé.