VOV4.Sêdang - Tiô Khu pơkuâ ngăn pơkeăng ƀă khăm pơlât kong pơlê Dak Nông, troh nôkố lâp kong pơlê hiăng kêi đeăng pâk 4 roh vaccine COVID 19. Dak Nông cho môi tung 4 kong pơlê dêi lâp tơnêi têa tơniăn tơdroăng pâk vaccine tro hâi khế pơkâ.

Dak Nông tơniăn tơdroăng pâk vaccine COVID 19

Pơtối mê, tung 4 roh kơvâ ngăn pơkeăng ƀă khăm pơlât Dak Nông hiăng kêi đeăng pâk ăm lối 44.100 ngế, tung mê ai lối 6.000 ngế hiăng klêi pâk trum má môi. Mâu ngế châ pâk vaccine hbrâ mơdât COVID 19 ối tung khu ki kơjo cho mâu ngế pêi cheăng tung mâu hngêi pơkeăng, mâu ngế veăng hbrâ mơdât pơreăng ƀă kŏng nhân pêi cheăng a 3 kơpong hngêi kơmăi kơmok dêi kong pơlê.

Vâ tơdroăng pâk vaccine châ tơƀrê, kơvâ ngăn pơkeăng ƀă khăm pơlât Dak Nông hiăng tơkŭm po pâk a 8 tíu, mê cho: Hngêi pơkeăng kân kong pơlê a pơlê kong kơdrâm Gia Nghĩa ƀă 7 Tíu xiâm khăm pơlât mâu tơring.

A Sa Ly tơplôu ƀă tơbleăng