VOV4.Sêdang - Rơxế tu tuh cho rơxế ki xiâm vâ pơto  kế tơmeăm a mâu kơpong pơlê kơpong Tây Nguyên tối tơdjuôm [ă kong pơlê Daklak tối phá xêh. Laga, xua cheăng rak ngăn kố tá hâi tơniăn, mê túa rơxế ki kố hiăng pro hên tơdroăng xía vâ, tơklo#m dêi pó, thăm nếo ối pro ôh tá tơniăn a troăng prôk, pro hlâ rong kuăn mơngế [ă tơ’nhê kế tơmeăm. Hlo ai tơdroăng kố, kơvâ ngăn ‘na troăng prôk, rơxế kơtâu a kong pơlê Daklak dế pơkuâ ngăn kơtăng ‘na rơxế tu tuh, vâ kơdroh iâ tơdroăng ki ôh tơniăn ‘na rơxế ki kố drêng kơtâu drô troăng kân. Tuấn Long, ngế chêh hlá tơbeăng cheăng tung Rơ’jiu Việt Nam a Tây Nguyên ai chêh tối.

          Rêm kơxo, drô troăng kân Hồ Chí Minh, tơkâ luâ mâu tơring Ea Hleo, tơring Krông {uk, pơlê kong krâm Buôn Hồ, kong pơlê Daklak, tơrêm khu rơxế tu tuh, mơngế kuăn pơlê prôk pơtối dêi rơpó chơ mơngế [ă tơmeăm xúa tung pêi chiâk deăng. Kơxêi, mâu khu rơxế kố pro hâ ho drô troăng kân, hâ to rơxế tu tuh [ă ai hên ngế to tung rơxế. Mơhé troăng kân Hồ Chí Minh ki tơkâ hluâ kố hiăng châ po rơdâ, ok chhá kơxu tơdrăng, la [ă tơdroăng veăng kơtâu drô troăng dêi mâu rơxế pro chiâng kơtâu tơdrêng [ă mâu rơxế ki ê, pro troăng ki xiâm mê chiâng xâu rơ-iô kô trâm hên tơdroăng xía vâ. Hiăng hlo [ă mâ tơdroăng kố rêm hâi, ngoh Phùng Đức Nguyên, ối a thôn Katy 2, cheăm C|ư Kpô, tơring Krông {uk, ai tối: Rơxế chơ mơngế hên hlo hiăng rơ-iô, tiô a, ko\ng an thế pơxâu phâk kơtăng xua rơxế tu tuh kố ôh tá tơniăn ‘na kơxo# kơmăi kih thua#t la kơtâu [ă côn vâ vê hơ’lêh troăng tâng kơtâu têi hmâng vâ gá kô rit hâ côn lơ tro tiê peăng pá ê kô tro kơduôp hlối, kô hlâ mơngế tơdroăng ki mê hiăng hmâ hlo.

Rơxế tu tuh kơtâu hdi troăng dêi rơxế ô tô

          Ôh tá xê to troăng kân Hồ Chí Minh ki tơkâ hluâ mâu tơring peăng kơnho\ng Daklak, mê rơxế tu tuh kô hlo kơtâu a rêm to troăng kân tung kong pơlê. Trung tă Võ Hoài Giang, Kăn pho\ pơkuâ gâk ngăn troăng kân Krông {uk, Ko\ng an kong pơlê Daklak ăm ‘nâi, rơxế tu tuh pro xôi luât chơ mơngế [ă tơmeăm hlo hên h^n, la khu kăn sât gâk troăng prôk iâ mơngế, tíu gâk ngăn kân rơdâ, mê tơdroăng rup pơxâu ôh tá kâi tơ-[rê. Vâ ‘mâi rơnêu tơdroăng kố, tung la ngiâ khu pơkuâ cheăng kô mơdêk hnoăng cheăng séa ngăn, pêi pro tơdroăng pơkâ kơtăng tâ vâ pro tơniăn drô troăng prôk. Trung tă Võ Hoài Giang tối: Ngin kô pơtối mơdêk hnoăng cheăng rak ngăn, séa ngăn [ă pơxâu phak kơtăng tâ mâu ki pro xôi luât: môi cho, chơ mơngế tung rơxế, péa ôh tá ai hlá mơ-éa rơxế, [âng vế rơxế, pái kơtâu têi ah pro chiâng trâm xía vâ drô troăng. Tơdrêng [ă kơ koan, Khu tơru\m cheăng khu râ kăn kong pơlê ngin kô hnê tối trâu rơdâ troh kuăn pơlê, ngin pơtối tơku\m po hnê ăm kuăn pơlê k^ tơhrâ drêng vê rơxế tu tuh kơtâu drô troăng thế rak vế pêi pro tiô luât prôk drô troăng.

Rơxế tu tuh pơtăng drô troăng kơtâu a troăng ki ăm rơxế kơ’nuâ

          Tiô pơkâ, rơxế [ă mơngế ki vê rơxế tu tuh thế pêi pro tro tiô tơdroăng pơkâ rak ngăn tơdroăng cheăng ing tơdroăng chêh inâi, pro hlá mơ-éa séa ngăn kih thua#t, mơngế ki vê rơxế thế hriâm xo [âng vê rơxế râ 4A, rôe baoh hiêm. Lâp tung kong pơlê Daklak ai dâng 80 rơpâu toăng rơxế tu tuh, la bú ai 13 rơpâu ngế tê ai [âng vế rơxế râ 4A. Ôh tá rơkê [eăn túa vê rơxế, [ă rơxế tu tuh mê hnối ôh tá tơniăn ‘na kih thua#t, [ă mơngế ki prôk drô troăng ôh tá vâ rak vế tro tiô luât mê cho ki xiâm khoh pro ai tơdroăng xía vâ drô troăng kân tơdjâk troh rơxế tu tuh. Pôa Bùi Văn Ngọc, Kăn [ơrô ngăn ‘na rak tơniăn drô troăng prôk kong pơlê Daklak ăm ‘nâi, sâp apoăng hơnăm troh nôkố, khu râ pơkuâ cheăng kong pơlê Daklak hiăng pơxâu phak lối 740 ngế, rup râng vâ chê 90 toăng rơxế tu tuh ki pro xôi luât chơ mơngế [ă tơmeăm lối hên. Tơdroăng kố kal thế hnê tối vâ kơdroh ki ôh tá tơniăn tung la ngiâ: Khu ngăn troăng prôk kong pơlê tí tăng ‘nâi ple\ng ăm Vi [an kong pơlê hnê mơhno ăm mâu kơ koan tơdjâk troh, mâu khu râ ngăn ‘na troăng prôk dêi mâu tơring, pơlê kong krâm, pơlê kong kơdrâm, mâu Tíu hnê hriâm xo [âng vế rơxế hạng 4A tung mâu cheăm, bêng vâ pro tơ’lêi hlâu ăm kuăn pơlê a mâu cheăm tơ’lêi châ hriâm xo [âng. Pak^ng mê, hnối tơku\m hnê ăm kuăn pơlê bú to rơxế tu tuh chơ tơmeăm pêi lo ing chiâk deăng phon rơvât tê, pôi tá chơ mơngế.

Rơxế tu tuh pơto lối chât ngế kơtâu tât mơngăn tơdế troăng ki ăm rơxế kơ’nuâ

          Rơxế tu tuh cho rơxế ki vâ xúa tung pêi chiâk deăng dêi mâu kong pơlê kơpong Tây Nguyên tối tơchuâm, Daklak tối phá xêh. Xua mê, khu râ pơkuâ cheăng kong pơlê kal thế rak ngăn kơtăng tâ nếo, hnê ăm kuăn pơlê ple\ng nhên mâu tơdroăng pơkâ dêi luât ‘na to rơxế kố, vâ tơniăn tung pêi chêak deăng [ă drêng vê rơxế kơtâu drô troăng kân.

Gương tơplôu [ă tơbleăng