VOV4.Sêdang - Tung Khế pêi pro xua vâ tơniăn kế kâ pơla hdrối kố nah, mâu khu ki séa ngăn ki ai tơdjâk dêi kong pơlê Daklak hiăng lăm séa ngăn a 33 tíu ki mơjiâng pro, tê mơdró kế tơmeăm ôu kâ, hơpiâp pế pơchên hmê kơchâi ăm khu pú hên tung 15 tơring, pơlê kong krâm, pơlê kong kơdrâm.

          Klêi kơ’nâi séa ngăn, khu kố hiăng châ hlo 20 tíu ki pro xôi mâu tơdroăng pơkâ ‘na krúa le#m kế kâ lối 60%. Tung mê, ai 16 tíu ki tro pơxâu phâk xua pro xôi, 3 tíu tro tối tơbleăng, 13 tíu tro phâk liăn [ă tâi tâng kơxo# liăn phâk ai 81 rơtuh. Ki xiâm ‘na tơdroăng ki pro xôi kố cho, xua xúa pơkeăng ôh tá tro luât pơkâ, xôi ‘na tơdroăng ki mơgrúa le#m mâu kế tơmeăm, tơdroăng pơkâ xúa ăm kuăn mơngế, tối tơbleăng kế tơmeăm tá hâi tơtro tiô luât pơkâ ‘na krúa le#m kế kâ, chêh inâi tem ôh tá tro luât pơkâ, xúa kế tơmeăm pro [ă kế tơmeăm ki hiăng tâi hâi khế ăm phêp xúa lơ ôh tá ối tung inâi ăm phêp vâ mơjiâng pro kế tơmeăm [ă hên tơdroăng ki ê.

Katarina Nga tơplôu [ă tơbleăng