VOV4.Sêdang - Maluâ ối trâm hên pá puât ‘na cheăng kâ la hên sinh viên hdroâng kuăn ngo a kong pơlê Daklak hiăng kơdôu mơ-eăm kho\m châ pêi pro hên hnoăng cheăng tung hriâm tâp [ă veăng pêi pro mâu tơdroăng cheăng tơchuâm kum pơlê pơla. H’Xíu, Ngế chêh hlá tơbeăng cheăng tung Rơ’jíu Việt Nam a Tây Nguyên ai tơbleăng tối ‘na mâu troăng hơlâ cheăng dêi sinh viên hdroâng kuăn ngo ki rơkê kơhnâ mê.

            Tơdroăng rêh ối dêi rơpo\ng pá puât, hriâm tâi lâm 12, Nông Thanh Hùng, hdroâng kuăn ngo Tày, kot mâ hơnăm 1990, pơtê hriâm, lăm pêi cheăng tăng liăn kum nôu. Vâ chê 5 hơnăm pêi cheăng, pêi tu\m tơdroăng cheăng, ing lăm pêi cheăng vâi, pro ko\ng nhân pơchoh hmân ếo, pôe xâk, klêi mê pêi chiâk deăng, Hùng tơmiât, thế pơtối hriâm vâ ‘nâi rơkê pêi cheăng, kum rơpo\ng hluăn ing kơklêa, kơtiê. {a\ tơdroăng mơ-eăm mê, Hùng hiăng tơ’noăng plah kơvâ pêi cheăng pơlê pơla, hngêi trung Cao đẳng Sư phạm Daklak. Pak^ng chôu hriâm a hngêi trung, Hùng ối pêi cheăng tơ’nôm vâ tăng liăn nâp hriâm tâp. {a\ tơdroăng đi đo mơ-eăm, 2 hơnăm pơtối Hùng châ mơnhên cho sinh viên ki rơkê, châ rah xo to pro ngế pơkuâ chi đoân [a\ cho ngế pơkuâ khu pleăng hnoăng cheăng kum pơlê pơla dêi hngêi trung Cao đẳng Sư phạm Daklak.

            Ôh tá xê to môi ngế sinh viên ki rơkê dêi hngêi trung, a pơlê cheăm, Hùng xuân cho môi ngế ki kơhnâ rơkê pêi cheăng Đoân droh rơtăm [a\ tơdroăng cheăng hnê djâ khu droh rơtăm, mâu pho#m xông kân dêi cheăm Ea Kly, tơring Krông Pa]. Hơnăm 2011, Hùng sôk ro châ rah xo mot hriâm Đảng, drêng nếo 21 hơnăm. Nông Thanh Hùng tối: Drêng ối hriâm tung hngêi trung, mê a xuân pói vâ pêi kêi hnoăng cheăng ki khu pơkuâ Đoân droh rơtăm hngêi trung xuân môi tiah chi [o# [a\ nho\ng o pơcháu. Vêh a pơlê cheăm, mê pói vâ tơdroăng ki dêi tơná châ hriâm, mê xúa pêi tung tơdroăng cheăng Đoân a pơlê cheăm. Xua tiô á tơmiât, tơdroăng cheăng Đoân a pơlê cheăm xuân dế trâm hên tơdroăng, á xuân pói tơngah hên mơnhông tơtêk tung la ngiâ, xua mê, drêng á lăm hriâm hngêi trung, mê châ hriâm mâu tơdroăng ki pơxúa, vâ la ngiâ kô pêi cheăng a pơlê cheăm.

Sinh viên hdroâng kuăn ngo

            {a\ H’Phi La Niê, hdroâng mơngế Rơđế, sinh viên kơvâ Y dược, hngêi trung Đăi ho\k Tây Nguyên, pói vâ chiâng [ok thái pơkeăng hiăng mơhnhôk o mơ-eăm hriâm rơkê. Kot mâ tung rơpo\ng pâ pro ko\ng nhân kúa chhá kơxu, nôu pro thái pơkeăng a cheăm, pái ngế nho\ng o pơrá tro hơnăm hriâm, xua mê sap ing ối ku\n H’Phi La châ hriâm rêh ối môi ngế xêh [a\ ‘nâi tơmiât hriâm xêh. H’ Phi La tối, hlê ple\ng ki kal dêi tơdroăng tơná hriâm, ai tơdjâk troh ivá châ chăn [a\ mơngế, xua mê tơdroăng hriâm tâp đi đo cho hnoăng cheăng xiâm, đi đo hriâm tâp, ti tăng ple\ng hên ing mơ-éa phá tơ-ê dêi pó. Pak^ng mê, H’Phi La ối veăng hên mâu tơdroăng cheăng Đoân droh rơtăm, Ho#i xua kơvâ tơku\m po, klâ axoa\ng hâi hriâm tâp [a\ xah hêi ăm tơtro. Kơnôm mê, tung 2 hneăng hriâm kố nah, H’Phi La hriâm châ rơkê, cho môi ngế sinh viên ki rơkê dêi lâm Y K15, hngêi trung Đăi ho\k Tây Nguyên. H’ Phi La Niê tối: Sap ing hriâm râ má pái nah á hiăng hâk vâ chiâng [ok thái pơkeăng vâ pơlât ăm rêm ngế, á vâ mâu tơdroăng ki á ‘nâi ple\ng kum ăm pơlê pơla, xuân môi tiah kum vâi krâ nho\ng o pá puât. Sinh viên thế ‘nâi hriâm xêh, ôh tá xê to tơmâng [ai thái cô hnê, mê ối hriâm a hên tíu, hriâm mâu tơdroăng ki ê nếo, môi tiah lăm a tíu chôu ‘măn mơ-éa xuân môi tiah hriâm a internet. Pak^ng mê ôh tá xê to hriâm tê, mê pin thế xah hêi há, pơtâp ivá [a\, ai chôu pêi cheăng tung ho#i, Đoân droh rơtăm.

            Nông Thanh Hùng [a\ H’Phi La Niê bu 2 tung kơxo# lối 3000 ngế sinh viên hdroâng kuăn ngo dêi kong pơlê Daklak dế hriâm tâp a mâu hngêi trung đăi ho\k, kao đăng tung lâp tơnêi têa. Hơnăm hriâm kố nah, lâp kong pơlê ai 115 ngế sinh viên hriâm tâp rơkê. Ôh tá xê to hriâm rơkê, mê ối hên sinh viên ‘nâi veăng pêi mâu tơdroăng cheăng Đoân droh rơtăm, ho#i a mâu râ, mơ’no dêi ivá tơná vâ mơnhông tơdroăng cheăng Đoân. Ngoh Y Nhuân {yă, kăn pơkuâ tơdroăng cheăng Đoân droh rơtăm kong pơlê Daklak tối ăm ‘nâi, [a\ hnoăng cheăng xiâm tung hnoăng cheăng Đoân, tơku\m droh rơtăm, tung pơla kố nah, đoân viên, droh rơtăm [a\ Khu pơkuâ droh rơtăm kong pơlê Daklak xuân ai hên tơdroăng to\ng kum droh rơtăm, sinh viên hdroâng kuăn ngo vâ kum mâu vâi o hmiân tuăn hriâm tâp [a\ mơ-eăm tung tơdroăng cheăng: Mâu hơnăm hiăng hluâ, [a\ hnoăng cheăng dêi tơná, Đoân droh rơtăm Ko\ng san Hồ Chí Minh hiăng tơru\m tơbleăng [a\ khu pơkuâ kong pơlê vâ tơmâng [a\ rơtế kum sinh viên hdroâng kuăn ngo. Troăng má môi cho ăm hok tro, sinh viên châ mung liăn vâ hriâm, má péa, rêm hơnăm trâm mâ sinh viên [a\ mơhnhôk ‘na hiâm mơno mâu vâi o, vâ mâu vâi o mơ-eăm tung hriâm tâp. Má pái, khu pơkuâ tơdroăng cheăng Đoân droh rơtăm kong pơlê xuân diâp hnoăng liăn hriâm rơkê ăm mâu vâi o ai tơdroăng rêh ối pá puât vâ hmiân tuăn tung hriâm tâp. Ing mê kum rơtế mâu vâi o tung tơdroăng hriâm tâp, pêi cheăng.

            Ing tơdroăng kơdo mơ-eăm, tơdroăng tơmâng dêi khu kăn pơkuâ [a\ khu cheăng Đoân, hên sinh viên hdroâng kuăn ngo a Daklak dế mơ-eăm tơkâ hluâ pá puât châ tơ-[rê tung hriâm tâp [a\ hriâm hên tơdroăng ki ê. Ing mê, kum mơjiâng môi khu ngế hơnăm ối nếo ki rơkê, hriâm kân, kơhnâ tung mơnhông cheăng kâ – rêh ối pơlê pơla a kong pơlê.

A Sa Ly tơplôu [a\ tơbleăng