VOV4.Sêdang - Tung mâu hơnăm hiăng hluâ, tơdroăng ki vâi hdrêng tro trâm tơdroăng xía vâ, môi tiah klâk têa, tơklâm rơxế a kong pơlê Daklak hlo ré hên ‘nâng. Rêm hơnăm ai lối chât ngế ki ôh tá mơhúa, tro trâm xía vâ, tro klâk têa drêng hum têa kroăng, têa long, ma lối tung pơla rơnó pơtê hriâm. Tơdroăng kố thăm rế pro mâu nôu pâ tô tuăn, xua rơnó mê hngêi hiăng troh, xuân tro rơnó pơtê dêi kuăn ‘ne\ng. Vâ kum ăm vâi krâ-nho\ng o ‘nâi tơ’nôm mâu tơdroăng cheăng, hriâm tâp tung pơla rơnó pơtê hriâm ăm vâi hdrêng, vâ ing mê, pó kô ăm dêi kuăn ‘ne\ng châ lăm hriâm, vâ vâi pôi tá chía lăm xah hyô hmâng lơ vâ. Mê hâi kố, ngin ai trâm tơpui [ă ngoh Nguyễn Ngọc Hòang, Kăn pơkuâ ngăn hngêi mơhno mơjiâng túa le\m tro dêi kong pơlê Daklak.

          Ô ngoh, mâu hơnăm achê pơla kố, mê khế 6 rêm hơnăm châ Khu xiâm pơkuâ ngăn cheăng pêi – mố đo#i tro rong [a\ rêh ối pơlê pơla rah xo khế pêi cheăng xua vâi hdrêng. Hơnăm kố [a\ pơxá inâi ‘’Xua tơdroăng rêh ối tơniăn, hbrâ mơdât trâm xía vâ a vâi hdrêng’’, mê Hngêi mơhno mơjiâng khôi túa le\m tro droh rơtăm pho#m xông kân, vâi hdrêng kong pơlê Daklak hiăng ai hên tơdroăng ki klâi vâ po rơdâ mâu tơdroăng xiâm tiô pơxá kố?

            Mơhnhôk tơdroăng pơxá Khế pêi cheăng xua vâi hdrêng hơnăm kố, hngêi mơhno mơjiâng túa le\m tro ngin hiăng hbrâ po rơdâ pêi pro tơdroăng xah hêi rơnó pơtê hriâm, pơkâ hnê tơ’nôm tơdroăng ki vâi hdrêng rơkê, tơdrêng amê, ngin xuân tơku\m djâ vâi o veăng hriâm xah hêi rơnó pơtê hriâm, chiâng môi tíu xah hêi rơnó pơtê hriâm tung pơlê kong kơdrâm. Hâi hnah, lơ 31 khế 5, hngêi mơhno mơjiâng túa le\m tro droh rơtăm pho#m xông kân, vâi hdrêng hiăng tơku\m po hâi leh vâi hdrêng kong pơlê Daklak hlối po rơdâ mâu tơdroăng xah hêi, hriâm tâp rơnó pơtê hriâm, pro 38 to kâu la\k [o# khu, kâu la\k [o# hriâm tâp mâu lâm hnê tiô tơdroăng vâi hdrêng rơkê tung xah hêi, xuân môi tiah tơku\m po tíu xah hêi ăm vâi hdrêng, vâ mơhnhôk hên vâi hdrêng veăng xah hêi, ki nhên thăm diâp hnoăng liăn rơkê ăm vâi o ai tơdroăng rêh ối pá puât, ki rơhêng vâ tối ai mâu tơdroăng xah hêi tê kơtê, klê têa, xah hêi tung têa, kum vâi o châ xah hêi tung rơnó pơtê hriâm.

             Mot tung rơnó pơtê hriâm, pák^ng tô tuăn ‘na tíu xah hêi ăm kuăn ‘ne\ng dêi tơná, mê hên nôu pâ tơmâng troh tơdroăng kô ăm kuăn ‘ne\ng dêi tơná veăng tơdroăng ki klâi, veăng hriâm lâm tiô kuăn ‘ne\ng hâk vâ tung rơnó pơtê. Tiah mê, pêi pro tơdroăng pói vâ kố, tung pơla kố nah, hngêi mơhno mơjiâng túa le\m tro droh rơtăm pho#m xông kân, vâi hdrêng kong pơlê Daklak hiăng tơku\m po mâu tơdroăng xah hêi, hriâm tâp rơnó pơtê hriâm môi tiah lâi, ô ngoh?

            Rêm roh pơtê hriâm, hngêi mơhno mơjiâng túa le\m tro pơrá ai hbrâ tơnáu tu\m têk kế tơmeăm khoăng, mâu túa xah hêi, mâu tơdroăng vâ tơku\m po. Hơnăm kố, mê ngin hiăng hbrâ tơnáu tơtro tâ ‘na mâu tơdroăng. Tiô xêo ngăn, a kơvâ mơhno khôi túa le\m tro ‘na nge# thua#t ai mâu khu hơdruê, axoâng, kơchuâ um, hriâm rêi proâ. Lơ a kơvâ ivá, mê ai peăng xâk í, [a long bas-kit, peăng ping po\ng. Hơnăm kố, ngin hnê tơ’nôm mâu môn ki nếo, [along Fusan tung hngêi lơ lâm hnê tiê piano. Pak^ng mê, ngin xuân tơtro\ng túa tơku\m po kâu la\k [o# khu pú hên kum ăm vâi o châ hriâm, xah hêi tung khu pú hên, châ hriâm ‘na túa mơhno mơđah tơbleăng ivá dêi tơná.

            Ô ngoh, môi tiah mê ki hlo tung pơla kố nah hngêi mơhno mơjiâng túa le\m tro droh rơtăm pho#m xông kân, vâi hdrêng kong pơlê Daklak hiăng ai hên tơdroăng tơku\m po xah hêi, hriâm tâp ăm vâi hdrêng, ki má lối tung roh pơtê hriâm. Tiah mê hơnăm kố, mâu tơdroăng xah hêi rơnó pơtê hriâm a hngêi mơhno mơjiâng túa le\m tro ai tơdroăng klâi ki nếo há?

            Hơnăm kố, hngêi mơhno mơjiâng túa le\m tro droh rơtăm pho#m xông kân, vâi hdrêng kong pơlê Daklak tơtro\ng troh tơdroăng hnê hriâm, pơtâng tối, thăm hlê ple\ng ‘na hbrâ ví trâm xía vâ. Ki rơhêng vâ tối tung mê, ai tíu klê têa tơtro tiô pơkâ ‘na tơ’noăng [a\ hnê mơhno, mê ngin tơku\m po hên hneăng hnê klê têa, tối ‘na tơdroăng hbrâ ví klâk têa. Khế 6 kố, ngin kô tơku\m po 6 troh 10 lâm hnê klê têa, tung mê, ai mâu lâm hriâm tê kơtê. Pak^ng mê, u ối 5 lâm hnê tiô túa nếo, tung mê ai hnê vâi o rơkê chiâng mơjiâng pro kế tơmeăm khoăng tung kơpeăng ko\ng dêi tơná; lơ lâm hnê ‘na cheăng pro ngế chêh hlá tơbeăng ăm mâu vâi o. Mâu lâm hnê tê kơtê, mê cho hnê kơhnhon xuâng, ‘na tơdrá proâ, ivá, (den-spot) dance sport, mê ngin pro tíu xah hêi, mâu vâi o kô chiâng troh [a\ ai mâu ngế ki hnê mơhno ăm mâu vâi o’’.

            Vâ hbrâ tơnáu ăm mâu tơdroăng môi tiah ngoh hiăng tối, mê hngêi mơhno mơjiâng túa le\m tro droh rơtăm pho#m xông kân, vâi hdrêng kong pơlê Daklak hiăng pro môi tiah lâi vâ kum nôu pâ [a\ mâu vâi o ‘nâi troh [a\ veăng mâu tơdroăng châ tơku\m po a hngêi kố?

            Hơnăm kố, ngin pơtối pơtâng tối, tơbleăng mâu tơdroăng hriâm. Ki rơhêng vâ tối ngin ai troăng pơtâng tối [a\ pa-nô um, pa-nô ap-phich xuân môi tiah [a\ng-rôl krâ a k^ng mâu troăng kân dêi pơlê kong kơdrâm {uôn Ma Thuột, a mâu hngêi trung hriâm [a\ mâu tơring. Má péa nếo, cho pơtâng tối tung trang web dêi hngêi mơhno mơjiâng túa le\m tro droh rơtăm pho#m xông kân, vâi hdrêng, xuân môi tiah tung trang điên tưh [a\ trang măng pơlê pơla. Pák^ng mê, ngin xuân tơku\m po trâm mâ mâu hngêi trung vâ tơbleăng mâu túa pêi cheăng, xuân môi tiah tơdroăng xah hêi tung rơnó pơtê hriâm kố.

            Hôm mơnê kô ngoh Nguyễn Ngọc Hoàng, kăn pơkuâ hngêi mơhno mơjiâng túa le\m tro droh rơtăm pho#m xông kân, vâi hdrêng kong pơlê Daklak hiăng tơpui tối mâu tơdroăng ki mê ai.

A Sa Ly tơplôu [a\ tơbleăng