VOV4.Sêdang - Rơtế [ă lâp tơnêi têa, hâi kố lơ 5 khế 9, lối 160 rơpâu ngế hok tro a kong pơlê Daknông xuân sôk ro pơxiâm mot tung hơnăm hriâm nếo. Tung mê, mâu hok tro hdroâng kuăn ngo dêi kong pơlê châ vâ chê 1 kơpêng 3. Rơtế [ă mâu troăng hơlâ to\ng kum dêi tơnêi têa, kong pơlê Daknông ối ai troăng hơlâ to\ng kum phá xêh ‘na kơxo# liăn ăm hok tro, sinh viên cho hdroâng kuăn ngo. Kơnôm ti mê, hok tro a kong pơlê ôh tá la lâi pơtê mơdêk tiô rêm hơnăm, ôh tá ai xếo tơdroăng ki hok tro lo pơtê hriâm. Hok tro hdroâng kuăn ngo ki hiăng hriâm klêi đăi hok, kao đăng [ă mâu hngêi trung trung ka#p hnê cheăng pêi rế hía rế hlo châ mơjiâng hên, ‘mot tơ’nôm kơxo# mâu ngế ki hriâm a kong pơlê kố. Drêng mot hơnăm hriâm nếo, ngế chêh hlá tơbeăng cheăng tung Rơ’jiu Việt Nam a Tây Nguyên ai [ai chêh, hvái ngăn ki châ tơ-[rê ‘na troăng hơlâ to\ng kum hriâm tâp ăm kuăn ‘ne#ng hdroâng kuăn ngo a Daknông.

Pơxiâm mot hơnăm hriâm nếo a hngêi trung hdroâng kuăn ngo ai tíu kâ koi ối pơtê N’ Trang Lơng

          Rơmêt dêi hmân ếo rơtế môi iâ mơ-éa hriâm, mơ-éa chêh vâ hbrâ tơnáu mot hriâm đăi ho\k a pơlê kong kân Hồ Chí Minh, o K’Cường, ối a [on N’Jiêng, cheăm Dak Nia, pơlê kong krâm Gia Nghĩa, kong pơlê Daknông tối ăm ‘nâi, mâu hơnăm hriâm râ má pái, o hriâm tung hngêi trung hdroâng kuăn ngo ai tíu kâ koi ối pơtê, rơpo\ng ôh tá êa nâp ki klâi. Nôkố lăm hriâm a pơlê kong kân Hồ Chí Minh, o xuân hmiân tuăn xua hiăng ai troăng hơlâ to\ng kum dêi kong pơlê Daknông ăm hok tro, sinh viên mơngế hdroâng kuăn ngo. K’Cường hơ’muăn tối: A hriâm hngêi trung ai tíu kâ koi ối pơtê dêi kong pơlê, ôh tá nâp ki klâi, troh hơnăm mot lâm 10 á châ tơdah hnoăng liăn hriâm rơkê 500 rơpâu liăn. Á o mơ-eăm hriâm kơhnâ, vâ la ngiâ ai tơdroăng rêh ối tơtro tâ [a\ tơxâng tơdroăng pói vâ dêi nôu pâ.

            Nôu dêi K’Cường, cho am^ Vung tối ăm ‘nâi, rơpo\ng kơtiê, laga kơnôm ai tơdroăng veăng kum dêi tơnêi têa, mê mâu kuăn dêi nâ pơrá châ hriâm tâp tu\m: Kuăn rơmúa á sap lâm 5 troh lâm 9 hriâm a Quảng Khê, klêi mê lăm hriâm a kong pơlê hriâm, hriâm cheăng ‘na on tơhrik, rế  hriâm chư rế hriâm cheăng pêi, châ tơnêi têa tơmâng to\ng kum, ôh tá êa nâp liăn kâ, ối, liăn hriâm. {a\ Cường mê sap lâm 1 troh lâm 9 hriâm akố, troh lâm 10 hriâm tung hngêi trung ai tíu kâ koi ối pơtê dêi kong pơlê, tu\m kơxo# liăn kâ koi ối pơtê hngêi trung ăm tâi tâng. Á mơnê hên ‘nâng tơdroăng tơmâng to\ng kum dêi tơnêi têa [a\ mâu thái kô hiăng pro tơ’lêi hlâu kum kuăn á châ hriâm. Mâu kuăn lăm hriâm, mê rơpo\ng ôh tá ai mơngế pêi cheăng, xua mê tơdroăng cheăng kâ xuân pá puât. Laga á xuân mơ-eăm pêi cheăng, vâ mâu mâu kuăn hmiân tuăn hriâm ăm tơtro, vâ tơdroăng rêh ối mơnhông tơtêk, niân tâ.

Pơxiâm mot hơnăm hriâm nếo a hngêi trung hdroâng kuăn ngo ai tíu kâ koi ối pơtê N’ Trang Lơng

            Ôh tá xê rơpo\ng Am^ Vung, mê tâi tâng kuăn ‘ne\ng vâi o hdroâng kuăn ngo a cheăm Dak Nia tối phá xêh [a\ kong pơlê Daknông tối tơchuâm, pơrá châ to\ng kum hriâm tâp, K’Tông, mơgêi hriâm hngêi trung Đăi ho\k Tây Nguyên nôkố dế pêi cheăng hơp đông a Vi [an cheăm Dak Nia, pơlê kong krâm Gia Nghĩa, tối ăm ‘nâi, rơtế [a\ hngêi trung lâm hiăng châ mơjiâng pro achê pơlê, mâu hơnăm achê kố, mâu troăng hơlâ to\ng kum tu\m têk ăm kuăn ‘ne\ng mơngế hdroâng kuăn ngo châ pêi pro hiăng kum mâu ngế hok tro hdroâng kuăn ngo hmiân tuăn troh hriâm a hngêi trung, a lâm. Môi tiah K’Tông, drêng hriâm râ má pái phôh thông châ xing xoăng mơ-éa hriâm, mơ-éa chêh [a\ ai liăn to\ng kum rêm khế. Drêng hriâm Đăi ho\k Tây Nguyên, á kô pơtối châ tơdah liăn to\ng kum dêi kong pơlê, thăm nếo ai tá liăn ve\ to rơxế pơto tơmối Daknông troh Daklak. K’Tông tối: Á hriâm đăi ho\k, tơnêi têa to\ng kum hên troăng hơlâ mơhnhôk, rêm khế xing xoăng ăm 140 rơpâu liăn, [a\ á lăm a Khu pơkuâ hdroâng kuăn ngo kong pơlê xo tơ’nôm liăn to\ng kum vâ nâp hnoăng liăn hriâm. Pơtih hnoăng liăn hriâm rêm hneăng 4 rơtuh liăn, mê a xo liăn nôu pâ nâp, klêi mê mơ’nui hneăng hriâm lơ mơ’nui hơnăm hriâm vêh a pơlê tơná xo liăn ki mê vâ nâp pơtối hriâm nếo. Rơpo\ng xuân mung liăn hngêi arak liăn kum rêh ối pơlê pơla ăm sinh viên, 1 hơnăm 8 rơtuh liăn, a mung 3 hơnăm. Nôkố mơgêi lo hngêi trung, á dế pêi hơp đông a Vi [an cheăm.

            Tiô jâ Hà Thị Hạnh, Kăn pơkuâ hdroâng kuăn ngo kong pơlê Daknông, hơnăm 2005 klêi kơ’nâi mơjiâng kong pơlê nếo, vâ thăm mơnhông tơdroăng hnê hriâm tung kơpong hdroâng kuăn ngo, Daknông hiăng pêi pro phá môi troăng hơlâ to\ng kum hnoăng liăn hriâm ăm hok tro, sinh viên mơngế hdroâng kuăn ngo a kố. Tiah mê, kuăn ‘ne\ng tiô hriâm râ má péa troh kao đăng, đăi ho\k châ to\ng kum rêm khế sap 70 rơpâu troh 300 rơpâu liăn, tiô ngăn râ hriâm [a\ to\ng kum tơ’nôm liăn rơxế tâng lăm hriâm pá gong kong pơlê. Troh hơnăm 2011, troăng hơlâ kố hiăng mơdêk kơlo to\ng kum châ péa xôh [a\ po rơdâ mâu ngế ki châ kum [a\ hok tro tâi tâng mâu hdroâng kuăn ngo. Troăng hơlâ kố hiăng mơhnhôk tơdroăng hriâm tâp tung kơpong hdroâng kuăn ngo a Daknông. Hlo nhên cho kơxo# hok tro hdroâng kuăn ngo rêm hơnăm pơtối tâk, kơxo# hok tro lôi pơtê hriâm rế hía rế kơdroh, [a\ ôh tá ai xếo hok tro mơngế hdroâng kuăn ngo lôi pơtê hriâm xua tơdroăng cheăng kâ pá puât. Kuăn ‘ne\ng hdroâng kuăn ngo xuân mơ-eăm hriâm to troh lâm kân tâ mê nếo. Hơnăm 2005, lâp kong pơlê Daknông bu ai 25 ngế o hriâm kao đăng, đăi ho\k; mê troh nôkố, bu to mâu sinh viên tiô hriâm mâu hngêi trung kao đăng, đăi ho\k ki hriâm rơkê châ kong pơlê kheăn kơdeăn rêm hơnăm ai lối 800 ngế vâi o. Hên vâi o hiăng lo mơgêi hriâm vêh a pơlê pêi cheăng, tơ’nôm mâu kăn [o# mơngế hdroâng kuăn ngo. Jâ Hà Thị Hạnh, tối ăm ‘nâi: Châ to\ng kum môi tiah mê mâu vâi o hmiân tuăn tâ tung hriâm tâp, [a\ thăm mơdêk tơdroăng hriâm tâp tung kong pơlê choâ ‘lâng mơnhông tơtêk. {a\ tơdroăng to\ng kum ăm hok tro sinh viên kố hiăng kum pro troăng prôk mơjiâng mơngế pêi cheăng [a\ kơpong hdroâng kuăn ngo, [a\ tơdroăng mơjiâng mơngế kăn [o# cho hdroâng kuăn ngo dêi kong pơlê xuân châ mơnhông tơtêk.

Hngêi trung râ má môi Vừ A Dính cheăm Dak Som

            Pôa Y Thái, kăn pho\ pơkuâ hdroâng kuăn ngo – Ho#i đông kuăn pơlê dêi kong pơlê Daknông tối mơnhên, mâu tơdroăng, mâu troăng hơlâ kơjo má môi dêi tơnêi têa hiăng mơjiâng tơdroăng hriâm tâp a kong pơlê Daknông, mơdêk tơdroăng hnê hriâm tung kơpong hdroâng kuăn ngo. Xua mê a hneăng hôp mơ’nui khế 8 kố nah, Ho#i đông kong pơlê Daknông hiăng pơtối tơbleăng tơdroăng pơkâ, tơbleăng troăng hơlâ to\ng kum ăm hok tro sinh viên hdroâng kuăn ngo hneăng hơnăm 2016 – 2020. Laga, vâ tơtro tiô pơkâ mơnhông mơdêk dêi pơlê pơla, ôh tá to\ng kum tâi tâng mâu hok tro hdroâng kuăn ngo, mê troăng hơlâ nếo kô tơku\m to\ng kum mâu vâi o ki ối tung rơpo\ng pá puât. Pôa Y Thái, tối ăm ‘nâi: Pơtối pêi pro tu\m têk troăng hơlâ kố, mê Ho#i đông kong pơlê tơbleăng môi troăng hơlâ ki nếo, tu\m têk tâ, ki rơhêng vâ tối  tơmâng to\ng kum troh mâu vâi o hdroâng kuăn ngo ối tung rơpo\ng kơtê [a\ vâ chê kơtiê, ing mê vâ mơdêk kơlo to\ng kum mâu vâi o hên tâ. {a\ pói vâ troăng hơlâ nếo kô kum tro mâu vâi o ki ai troăng hơlâ to\ng kum [a\ dế kal to\ng kum tung hriâm tâp, ki má lối mâu vâi o ki ối tung rơpo\ng kơtiê, vâ chê kơtiê.

            {a\ 40 hdroâng kuăn ngo rơtế rêh ối, 1 kơpêng 3 pơ’leăng mâ mơngế cho hdroâng kuăn ngo, tơdroăng tơtro\ng mơ’no liăn cheăng ăm hnê hriâm kơpong hdroâng kuăn ngo cho troăng prôk ki tơtro kum kong pơlê Daknông mơnhông mơdêk cheăng kâ rêh ối krá tơniăn. Tơdroăng mơ’no liăn tro tiô pơkâ dêi tơnêi têa, rơtế [a\ tơdroăng mơ-eăm dêi kăn [o#, thái kô, tơdroăng mơ-eăm dêi vâi o mâu hdroâng kuăn ngo kô kum kong pơlê Daknông ai hên mơngế ki rơkê, tơniăn tơdroăng gâk kring, kal kí, mơnhông mơdêk cheăng kâ, choâ ‘lâng mơdêk tơdroăng rêh ối dêi kuăn pơlê.

A Sa Ly tơplôu [a\ tơbleăng