VOV4.Sêdang - Rơtế [ă mâu kong pơlê tung kơpong Tây Nguyên, rôh pơreăng tơngê lo mơheăm xuân dế xông tâ tú ó a kong pơlê Daknông. A tâi tâng mâu cheăm, pơlê kân tung kong pơlê hiăng hlo ai pơreăng, [ă 1 rơpâu 500 ngế tâ, tâk 1 rơpâu 300 ngế tâng vâ pơchông [ă khế kố hơnăm nah. Hlo tơdroăng mê, Vi [an hnê ngăn kong pơlê Daknông hiăng hôp tơdrêng hnê mơhno mâu tơring, cheăm [ă kơvâ ki ai tơdjâk troh tối tơbleăng hnoăng cheăng hbrâ mơdât pơreăng. Hoàng Qui, ngế chêh hlá tơbleăng ai chêh ‘na tơdroăng mê.

            Pơrea\ng tơngê lo mơheăm tâk re\ng – hngêi pơkeăng kơdrâm mơngế pơlât.

            Mâu hâi ki kố, kơbong pơlât mâu ngế tamo châi, hngêi pơkeăng kân tơring Dak Rlâp, kong pơlê Daknông đi đo ai kơdrâm hên mơngế, xua mâu ngế tơngê lo mơheăm đi đo mot khăm pơlât a hngêi pơkeăng. Ai hên ngế tơngê lo mơheăm ối koi tơchuâm môi to xoăng vâ pơlât lơ ‘măn tơ’nôm xoăng ki chiâng hdôu drô hâng lông. Nâ Phạm Thị Huyền, ối a thôn 6, cheăm Quảng Tín, tơring Dak Rlâp dế rak ngăn 2 ngế kuăn kơdrâi a hngêi pơkeăng tối ăm ‘nâi, xua ôh tá vâ bê tơmâng, dó xêh dêi kuăn êi krôk, roê pơkeăng ăm ôu 4 hâi xuân tá hâi kơdroh tơngê, nếo lăm pơlât a hngêi pơkeăng: Xua kuăn á prếi lăm hêi a Bình Phước, jâ gá dó dêi cháu châi krôk xua mê ôh tá djâ dêi kuăn lăm mơnúa ngăn mơheăm. Drêng tơngê troh hâi má 5, mê a nếo djâ dêi kuăn lăm pơlât a hngêi pơkeăng, châ [ok thái pơkeăng séa ngăn mơheăm tối gá tơngê lo mơheăm. Troh hâi kố cho hâi má péa ối koi pơlât a hngêi pơkeăng, mê hiăng kơdroh ki tơngê, hiăng prêi le\m [a\ lo\n kâ kế [a\ kơmăng koi ôh tá kơdrâ xếo.

Hngêi pơkeăng Dak Rlâp lối kơdrâm mơngế pơlât

            {ok thái pơkeăng Đào Kim Nghiệp, kăn pho\ pơkuâ hngêi pơkeăng kân tơring Dak Rlâp tối ăm ‘nâi, a tơring, pơrea\ng tơngê lo mơheăm dế xông tâ tú ó. Rêm hâi, hngêi pơkeăng tơdah sap 40 troh 70 ngế tơngê lo mơheăm, tơdrêng amê hngêi pơkeăng bu ai 90 to xoăng. Tiô xêo sap apoăng hơnăm troh nôkố, hngêi pơkeăng hiăng pơlât lối 500 ngế tơngê lo mơheăm. {ok thái pơkeăng Đào Kim Nghiệp, tối: Troh nôkố pơrea\ng tơngê lo mơheăm hên ‘nâng, ngin hiăng ‘măn tơ’nôm xoăng koi pơlât [a\ mơngế pêi cheăng, mơhnhôk tâi tâng [ok thái pơkeăng vâ hnê mơhno ăm nho\ng o túa pêi cheăng, vâ nho\ng o teăm tơdrêng hbrâ mơdât pơrea\ng tơngê lo mơheăm. {a\ kơxo# mơngế tơngê lo mơheăm tâk hên tâng pơchông [a\ mâu hơnăm hdrối mê hía nah, vâ tơniăn bê xoăng, mê ngin roê tơ’nôm xoăng, ngin xúa kơbong hôp ‘măn xoăng vâ pơlât ăm mâu ngế tơngê lo mơheăm.

Pơlê kong krâm Gia Nghĩa xôh pơkeăng kơdê tri trôu

            Tiô Tíu xiâm hbrâ mơdât pơrea\ng kong pơlê Daknông tối, sap apoăng hơnăm troh nôkố hiăng châ hlo dâng 1 rơpâu 500 ngế tơngê lo mơheăm troh pơlât a mâu hngêi pơkeăng, tâk lối 1 rơpâu 300 ngế tâng pơchông [a\ roh kố hơnăm nah; hên má môi tung hên hơnăm achê kố. Pơrea\ng tơngê lo mơheăm tơku\m hên a kơpong kơchơ, kơdrâm kuăn pơlê rêh ối, môi tiah a pơlê kong krâm Gia Nghĩa, mâu tơring Dak Rlâp, Dak Mil. Pái tơring kố hiăng tơku\m xôh pơkeăng kơdê tri trôu a mâu tíu ki ai hên ngế tơngê lo mơheăm. Apoăng hiăng châ mơdât pơrea\ng, ôh tá ai mơngế ki tơngê lo mơheăm ki nếo, laga pơrea\ng kô tơ’lêi pơtối xông tâ tú hên, xua kong mêi, kong tô ôh tá tơniăn, pro tri trôu tơ’lêi ai kuăn.

            Hbrâ mơdât pơrea\ng tơngê lo mơheăm – kal tơchuâm ivá dêi tâi tâng pơlê pơla.

Tiô pôa Sang Quốc Hà, kăn pho\ pơkuâ Tíu xiâm ngăn pơkeăng [a\ hbrâ mơdât pơrea\ng kong pơlê Daknông tối, vâ mơdât pơrea\ng tơngê lo mơheăm châ tơ-[rê, kuăn pơlê hlê ple\ng tung hbrâ mơdât pơrea\ng cho kal má môi: Tung kong pơlê kơpong Tây Nguyên xuân môi tiah Daknông dế mot tung rơnó mêi, kong tô, kong mêi ôh tá tơniăn [a\ kố xuân cho roh vâ pro tơ’lêi hlâu ăm tri trôu ai kuăn hên. Kuăn pơlê hmâ hdoăng têa, pá k^ng mê ki hlê ple\ng dêi kuăn pơlê ‘na mơgrúa kong prâi a tíu rêh ối tá hâi châ pêi pro tro. Kal châ kuăn pơlê hlê ple\ng rơtế [a\ kơvâ ngăn pơkeăng [a\ khăm pơlât, mê nếo pói tơngah kâi mơdât pơrea\ng. Nôkố kơvâ ngăn pơkeăng [a\ khăm pơlât xuân dế mơ-eăm rơtế [ă khu kăn pơkuâ kong pơlê pêi kơtăng ‘na mơgrúa kong prâi xuân môi tiah xôh pơkeăng kơdê tri trôu ki kong pơlê dế po rơdâ pêi pro.

Kong pơlê Dak  Nông pơtâng tối ‘na hbrâ mơdât pơrea\ng

            Troh nôkố, tâi tâng mâu cheăm, pơlê kân dêi kong pơlê Daknông hiăng hlo pơrea\ng tơngê lo mơheăm xông tâ tú. Drêng ai tơdroăng mê, Vi[an kong pơlê hiăng tơku\m hôp thâ vâ hnê mơhno mâu tơring cheăm [a\ kơvâ cheăng po rơdâ tơdroăng hbrâ mơdât pơrea\ng. Tiô tối dêi kơvâ ngăn pơkeăng [a\ khăm pơlât, pá k^ng kong prâi tơ’lêi hlâu ăm tri trôu chiâng ai kuăn, mê xiâm kối tơngê lo mơheăm xông tâ tú ó tung pơla kố nah xua kuăn pơlê ôh tá vâ bê tơmâng, khu kăn pơkuâ tá hâi kơtăng tung hbrâ mơdât, mâu khu pơkuâ cheăng Đoân droh rơtăm tá hâi veăng pêi. Jâ Tôn Nữ Ngọc Hạnh, kăn pho\ hnê ngăn Vi [an kong pơlê Daknông tối ăm ‘nâi, rơtế [a\ hnê mơhno kơtăng, kong pơlê tơniăn tu\m kơxo# liăn vâ hbrâ mơdât pơrea\ng tơngê lo mơheăm: Vâ tơku\m tung tơdroăng rak ngăn ivá kuăn pơlê, troăng tơmiât dêi Vi [an kô mơ-eăm tâi ivá vâ mơhnhôk khu râ, ngin kô tơku\m hnê mơhno mâu khu râ, kơvâ cheăng veăng tơlo liăn vâ tơniăn bê kơxo# liăn, ki má môi cho pơkeăng, kơmăi kơmok ki dâi le\m má môi ăm kơvâ ngăn pơkeăng [a\ khăm pơlât pêi cheăng khăm pơlât. Tơdroăng tơmâng tơtro dêi khu kăn pơkuâ kong pơlê, mâu khu cheăng kal kí pơlê pơla thế [a\ hnoăng cheăng dêi mâu tíu cheăng [a\ kơvâ ngăn pơkeăng [a\ khăm pơlât tung tơdroăng hbrâ mơdât pơrea\ng tơngê lo mơheăm tơtro má môi’’

A Sa Ly tơplôu [a\ tơbleăng