VOV4.Sêdang - Măng t^ng hiăng hluâ, Vi [an kong pơlê Daknông hiăng tơku\m po hneăng hôp tơpui ‘na tơdroăng ‘no liăn cheăng [ă tơbleăng ‘na ôm hyô, veăng hôp mê ai hr^ng khu mơdró lo ing pơlê kong kân Hồ Chí Minh, mâu kong pơlê tung kơpong tơdế tơnêi têa [ă Tây Nguyên. Kố cho rôh vâ mâu kong pơlê thăm rế pro rơdêi ‘na kơvâ cheăng ‘mot tơmối ôm hyô - môi tung 3 troăng hơlâ pêi pro vâ tơ-[rê tung cheăng kâ dêi kong pơlê tiô pơkâ dêi Khu kăn Đảng kong pơlê Daknông pơla mâu hơnăm la ngiâ, cho pêi chiâk deăng xúa kơmăi kơmok ki dâi le\m, kơmăi tí tăng ngăn ‘na tơmeăm khoăng [ă ôm hyô. Hoàng Qui, ngế chêh hlá tơbeăng ai chêh tối ‘na tơdroăng mê.

            Hneăng hôp mơhnhôk mơ’no liăn cheăng [a\ tơbleăng ôm hyô kong pơlê Daknông vâ tơbleăng mâu kế tơmeăm khoăng ki mơnhông tơtêk, [a\ tơdrêng amê thăm mơhnhôk mơ’no liăn cheăng châ tơ-[rê ing kơxo# liăn mơ’no vâ mơnhông ôm hyô tối phá xêh [a\ cheăng kâ – rêh ối pơlê pơla dêi kong pơlê tối tơchuâm.

            Daknông ai loăng pơlái kế kong le\m mơnâ mâ ngăn; ai hên long têa, xí le\m krip, pơ-ô pơ-eăng môi tiah Dray Sap, Gia Long, Trinh Nữ, Liêng Nung, Dak Glun [a\ hía hé. Kơpong rak vế loăng pơlái kế kong Tà Đùng, kơpong rak vế loăng pơlái kế kong Nâm Nung kân rơdâ; ai hên tíu rak ‘măn kế tơmeăm khoăng ton nah, khôi túa le\m tro ki kơnía git. Kố xuân cho kong pơlê tơku\m lối 40 hdroâng kuăn ngo nho\ng o rêh ối, [a\ khôi túa, vêa vong hên h^n, tu\m têk. A peăng hdroh Tây Nguyên, kong pơlê Daknông tơ’lêi vâ tơru\m [a\ pơlê kong kân Hồ Chí Minh, kơpong achê têa kơx^ kơpong tơdế tơnêi têa [a\ peăng mâ hâi lo pá hdroh tơnêi têa vâ mơnhông ôm hyô. Laga, cho môi kong pơlê ki nếo, tơdroăng ôm hyô a Daknông tá hâi le\m krip păng ‘nâng, hngêi trăng,  troăng klông tá hâi tu\m, kế tơmeăm khoăng ôm hyô tá hâi hên.

Ôm hyô Daknông

A hneăng hôp, mâu khu tê mơdró tung kơvâ tê mơdró, khu pơkuâ hiăng tơpui tơno, tơpui tối ‘na kế tơmeăm khoăng ki mơnhông ‘na ôm hyô [a\ roh tơ’lêi vâ mơ’no liăn a kong pơlê Daknông. Tung mê, khu kế tơmeăm khoăng ôm hyô, hriăn ple\ng khôi túa le\m tro; khu kế tơmeăm khoăng ôm hyô ngăn loăng pơlái kong kế [a\ khu kế tơmeăm khoăng ôm hyô tơ’noăng ivá rơ-iô châ mâu kơ koan tơmâng má môi. Pôa Nguyễn Phi Bằng, Kăn pơkuâ Vietravel a pơlê kong kơdrâm {uôn Ma Thuột, kong pơlê Daklak, tối ăm ‘nâi: Môi tiah pơla kố nah mâu [ai tơpui tơno xuân môi tiah mâu tơdroăng tơpui tối dêi mâu khu tê mơdró ki ê, mê Daknông dế cho kơpong ki ai hên kế tơmeăm khoăng vâ mơnhông tơtêk. Tâng pin rơkê xúa mâu kế tơmeăm khoăng ki mê xuân môi tiah tơru\m tâi tâng mâu kơpong troh [a\ Daknông, mê cho kế tơmeăm khoăng vâ mơnhông ơm hyô. Cho kơpong ai hên kế tơmeăm khoăng vâ mơnhông tơtêk ‘na ôm hyô, mê Daknông ahdrối kal mơjiâng ‘na mơngế ki rơkê, xua kong pơlê Daknông ai hên kế tơmeăm khoăng, laga cho kong pơlê nếo klâ, mơngế pêi cheăng rơkê pin thế hnê mơjiâng [a\ mơhnhôk mơngế ki rơkê troh [a\ kong pơlê Daknông.

            Tiô Vi [an kong pơlê Daknông tối, sap ing kố troh hơnăm 2020, kong pơlê kal tơmâng mơ’no liăn mơjiâng pro hngêi trăng, troăng klông a mâu kơpong ôm hyô ki má môi, môi tiah kơdrum reăng xah hêi Liêng Nung, kơpong ôm hyô ngăn loăng pơlái kong kế, khôi túa le\m tro roh nah Nâm Nung; kơpong ôm hyô ngăn loăng pơlái kế kong Tà Đùng, kơpong ôm hyô Dray Sáp – Gia Long, kiêp hmố ngo on kơpong Krông Nô. Rơtế [a\ tơdroăng pêi pro troăng hơlâ kơjo má môi ăm khu tê mơdró mơ’no liăn cheăng a kong pơlê Daknông, kơvâ cheăng kô pro tơ’lêi hlâu vâ mâu kơvâ cheăng pêi ‘na ôm hyô séa ngăn, mơjiâng tơdroăng lăm ôm hyô a kong pơlê. Pôa Lê Diễn, Kăn pơkuâ hnê ngăn cheăng Đảng kong pơlê Daknông tối ăm ‘nâi, kong pơlê kô tơru\m [a\ mâu kong pơlê tung kơpong Tây Nguyên, peăng hdroh kơpong tơdế tơnêi têa, pơlê kong kân Hồ Chí Minh vâ tơru\m mơnhông mơdêk ôm hyô krá tơniăn: Daknông ai hên kế tơmeăm khoăng kal mơhnhôk mơ’no liăn cheăng. Ngin ai mâu pơkâ vâ pro tiah lâi pro tơ’lêi hlâu ăm mâu khu mơ’no liăn cheăng troh tơ’lêi hlâu, môi tiah troăng hơlâ ‘na xo hnoăng mơhá, troăng hơlâ ‘na tơnêi, to\ng kum ‘na pro mơ-éa. Á loi tơngah khât sap ing kố troh hơnăm 2020 tơdroăng mơnhông mơdêk ôm hyô, mơjiâng pro hngêi trăng, troăng klông [a\ hnê mơjiâng mơngế rơkê pêi cheăng cho péa troăng pêi cheăng ton xo\n tơchuâm dêi kong pơlê. Pơtối mê, cho mơnhông ‘na kơmăi kơmok chiâ xo kế tơmeăm khoăng tung kơdâm tơnêi, kơmăi kơmok ơm hyô, kơmăi kơmok xúa tung pêi chiâk deăng, kơmăi kơmok kô po troăng mơnhông tơtêk nếo ăm kong pơlê Daknông tung la ngiâ.

            Roh kố, Vi [an kong pơlê Daknông hiăng pơcháu pơkâ troăng hơlâ mơ’no liăn cheăng ăm 4 khu tê mơdró [a\ tâi tâng kơxo# liăn k^ 362 rơtal liăn. Mâu khu tê mơdró lo ing pơlê kong kân Hồ Chí Minh diâp kế tơmeăm kum pơlê pơla Daknông [a\ ki kơnâ cho lối 123 rơtuh liăn.

A Sa Ly tơplôu [a\ tơbleăng