VOV4.Sêdang - Ma luâ hiăng ai hơ’lêh la a mâu pơlê cheăm dêi hdroâng kuăn ngo a kong pơlê Daknông dế pơla kố xuân ối hmâ rak vế dêi khôi túa ton nah, môi tiah, păn mơnăn ối kơ’nêi hmâng to lo vâ, tá hâi teăm pro hngêi mơdrah ki krúa le\m, tơdroăng mơgrúa dêi châ chăn, hngêi trăng, tíu ối tá hâi teăm krúa. Xua mê, khoh chiâng tơ’lêi trâm tơdroăng ki tâ tú pơreăng, môi tiah châi klêa lo liu, lo ‘mêi lâp châ, tơngê mơdrâu [ă hía hế. Ma lối a rơnó kong tô hơ’lêh rơnó mêi hngê pơreăng tơ’lêi tâ tú troh mâu vâi hdrêng lơ mâu vâi krâ ki pá hro. Pó kô tơmâng [ai chêh tối ‘na tơdroăng hnê pơtâng rak vế krúa le\m a cheăm Dak Nia, pơlê kong krâm Gia Nghĩa, kong pơlê Daknông.

            {on N’Riêng, cheăm Dak Nia, pơlê kong krâm Gia Nghĩa, kong pơlê Daknông ai vâ chê 100 rơpo\ng vâi krâ nho\ng o hdroâng kuăn ngo Mạ rêh ối, cheăng kâ. Mơhé cho kơpong pák^ng pơlê kong krâm, laga vâi krâ nho\ng o xuân ối rêh ối tiô khôi túa vâi krâ ton nah, ôh tá ‘nâi mơgrúa tíu rêh ối. Pôa K’Hai, kăn pơkuâ [on N’Riêng tối ăm ‘nâi, khu kăn pơkuâ [a\ kơvâ cheăng cheăm, kơvâ ngăn ‘na pơkeăng [a\ khăm pơlât hiăng pơtâng tối hên, laga tơdroăng rêh ối pá puât, xua mê hên rơpo\ng xuân tá ai ivá vâ mơjiâng kơdroăng păn mơnăn mơnôa hơngế ing hngêi ối. Hên rơpo\ng xuân tá hâi mơjiâng pro hngêi mơdrah, tơdroăng ok sok hmâng vâ. Ki rơhêng vâ tối tíu kơdoăng têa krúa hiăng châ mơ’no liăn mơjiâng pro, laga xua pơkuâ, xing xoăng têa ăm kuăn pơlê ôh tá tơtro, tíu kơdoăng têa kố re\ng tơ’nhiê. Xua ôh tá rak krúa le\m tung rêh ối, mê hên ngế tung pơlê, ki má lối cho vâi hdrêng [a\ mâu ngế ki ivá ôh tá pá hro hmâ tro tâ pơrea\ng, châi klêa, kơ-o [a\ tơngê. Pôa K’Hai tối: Tơdroăng ok sok hmâng vâ, ôh tá krúa le\m, hên tíu ôh tá krúa le\m, to sok hên h^n. Mơhé nôkố ai rơxế xo sok vâ ok tơku\m môi tíu, laga kuăn pơlê ôh tá hlê ple\ng ‘na tơdroăng mơgrúa, rêh ối ôh tá krúa le\m, tơdjâk troh vâi hdrêng, vâi hdrêng hmâ kơ-o, tơngê. Tối tơchuâm hiăng ai mơ’no liăn mơjiâng pro tíu kơdoăng têa krúa, laga drêng ai drêng ôh, xua têa rơnó kố hiăng siâ tâi.

            Cheăm Dak Nia ai 5 pơlê hdroâng kuăn ngo, kơxo# pơ’leăng mâ mơngế châ vâ chê tơdế. Tung mâu hơnăm hiăng hluâ, mâu khu râ pơkuâ Đảng, khu kăn pơkuâ [a\ kơvâ ngăn pơkeăng [a\ khăm pơlât hiăng pêi pro hên troăng hơlâ tơmâng rak ngăn ivá châ chăn ăm kuăn pơlê. Cheăm hiăng mơ’no liăn mơjiâng pro hngêi pơkeăng cheăm tơtro tiô pơkâ, ngăn pơkeăng [a\ khăm pơlât troh a mâu thôn, pơlê. Tơdroăng ki mơjiâng pro tíu kơdoăng têa krúa mơjiâng pro 5 tíu kơdoăng têa krúa tơku\m môi tíu, mơ’no liăn tâp klo\ng chuâ têa, kơnâ lối 2 rơtal liăn, laga nôkố hiăng tơ’nhiê. Cheăm thăm pêi pro tơdroăng pơtâng tối, vâ kuăn pơlê tung pơlê hlê ple\ng tơdroăng rak krúa le\m tung rêh ối, laga kuăn pơlê xuân ôh tá ‘nâi rak vế krúa le\m tung rêh ối. Xua mê, kố cho cheăm ai kơxo# vâi hdrêng châi tamo xua tro pơrea\ng hên má môi a pơlê kong krâm Gia Nghĩa. Pôa Đông Quang Huy, Kăn pho\ pơkuâ Đảng ủy cheăm Dak Nia tối ‘na tơdroăng kố: Ki hên mâu pơlê hdroâng kuăn ngo a kố, pêi chiâk deăng [a\ rêh ối ôh tá krúa le\m. Ki má lối tung păn mơnăn mơnôa, mơgrúa châ chăn ôh tá ‘nâi mơgrúa le\m. Ki má lối tung cheăm pá puât môi cho têa krúa ăm kuăn pơlê. Vâi krâ nho\ng o ối pá puât, ai rơpo\ng ôh tá ai ivá mơjiâng pro hngêi mơdrah. Ai rơpo\ng ki ‘nâ châ to\ng kum, mê tơdroăng roê têa vâ xúa drêng ai drêng ôh, mê kuăn pơlê pơtối rêh ối tiô khôi hmâ vâi krâ ton nah. Đảng u\y [a\ Vi [an, thăm pơtâng tối, mơhnhôk vâi krâ nho\ng o  tơdroăng pro hngêi mơdrah ăm i tơtro. Má péa, cho tơdroăng păn mơnăn mơnôa, vâ tơniăn vâi krâ nho\ng o ai ivá păn mơnăn mơnôa, laga thế hơngế kơpong kuăn pơlê rêh ối [a\ păn mơnăn mơnôa thế ai kơdroăng, ôh tá kơ’nêi hmâng vâ. ‘Na rak ngăn ivá châ chăn, mê vâi krâ nho\ng o xuân ai hnê mơhno dêi khu ngăn pơkeăng [a\ khăm pơlât [a\ tíu xiâm ngăn pơkeăng [a\ khăm pơlât ai tơdroăng pêi pro ki phá xêh, đi đo ai khăm pơlât [a\ mơhnhôk vâi krâ nho\ng o rak tơniăn krúa le\m kế kâ, xuân môi tiah tơdroăng rak ngăn ivá châ chăn ăm vâi krâ nho\ng o.

            Tiô [ok thái pơkeăng dêi hngêi pơkeăng kân kong pơlê Daknông, mơhé hiăng hơ’lêh hên, laga xuân tơ’lêi tro pơrea\ng xông tâ tú a mâu pơlê dêi hdroâng kuăn ngo. Tiô xêo ăm hlo, kơxo# mơngế châi klêa, kơ-o, lo ‘mêi lâp châ, tơngê mơdrâu cho vâi hdrêng kơpong hdroâng kuăn ngo châ troh lối tơdế. Ing tơdroăng kố ăm hlo kal thăm pơtâng tối tung pơlê pơla vâ kuăn pơlê hlê ple\ng tung tơdroăng rak vế krúa le\m tung rêh ối, pêi cheăng.

A Sa Ly tơplôu [a\ tơbleăng