VOV4.Sêdang - Hâi lơ 29 khế 6, pôa Phạm Đăng Khoa, Kăn pơkuâ hnê hriâm [a\ hnê mơhno kong pơlê Daklak tối ăm ‘nâi, mâu hâi hiăng hluâ, xua kong mêi kân hiăng pro mâu cheăm tung tơring Ea Sup tro têa kân lân lu. Xêo troh kơxê hâi lơ 28 khế 6, mơhé têa hiăng xiâ, laga a mâu troăng kân 14C, kơpong tơkâ hluâ cheăm Ia Rvê têa xuân ối đik kân. Tơdroăng kố kô pro mâu vâi o hok tro tung cheăm trâm pá tung tơdroăng lăm troh a tíu tơ’noăng vâ pro mơ-éa veăng tơ’noăng râ má pái phôh thong tơnêi têa hơnăm 2016. Drêng ai tơdroăng kố, Khu pơkuâ hnê hriâm [a\ hnê mơhno kong pơlê Daklak hiăng pơkâ thế Vi [an tơring Ea Sup [a\ mâu kơvâ cheăng, xúa ca-nô [a\ plong vâ pơto mâu vâi o tơkâ kơpong ki têa lân lu đik kân, tăng tíu ối pơtê, kâ koi, pro tơ’lêi hlâu ăm mâu vâi o troh tíu tơ’noăng vâ pro mơ-éa veăng tơ’noăng tơtro a hâi lơ 30 khế 6.

A Sa Ly tơplôu [ă tơbleăng